Read MUKANDA WANZAMBI 1 Makolonika 14 Bible Online

1 Makolonika 14 - MUKANDA WANZAMBI bible

1 Makolonika 14

¹Mwanta wakuTira Hirami wamutemesheleli Davidi atuŋanda, ninyisida niakwakutuŋa matala namalola, niakwakusopa nyitondu, kulonda anamutuŋili itala.

²Davidi welukili nindi, Yehova nankoleshi dehi muwanta wakuyula aIsarela, nantohesheli dehi wanta wami hanyijimbaya wantu indi aIsarela.

³Davidi walunjikiluku ambanda amakwawu kuYerusalema. Davidi hakuvwala anyana amakwawu amayala nawambanda.

⁴Tiyenu majina awanyana avweleleliyi muYerusalema; Shamuwa, niShobabi, Natani, niSolomoni;

⁵nilbihari, niElishuwa, niElipeleti;

⁶niNoŋa, niNefweŋi, niYafwiya;

⁷niElishama, niBeyeliyada, niElifweleti.

⁸AFwilistinu chatiyiluwu nawu, Davidi anamuwayishi dehi manji awanta wawaIsarela ejima, aFwilistinu ejima hiyakuya nakumukeŋa Davidi; Davidi hakuchitiya, hakuya kulonda akalwi nawu.

⁹Henohu aFwilistinu enza dehi, avulumuna dehi njita muchinekineki chawaRefwa.

¹⁰Davidi hakwihula kudi Yehova nindi, Niyi nakalwi nawaFwilistinu, tahindi? Wukuyihana kudami, tahindi? Yehova hakumwila nindi, Yaku; nukuyiliana kudeyi chalala hohu.

¹¹Hiyakwinza kuBayali Perazimi, Davidi hakuyitapa kwenoku. Davidi nindi, Nzambi nakotoli ayilumbu jaminachikasa chami, neyi chakumpulaŋa meji waadilu. Dichi hiyakutumbakuijina nawu, kuBayali Perazimi.

¹²Hiyakushiya akishi awu kwenoku; Davidi hakuleja antu, hiyakuyocha mukesi.

¹³AFwilistinu hiyakuvulumuna cheŋi njita muchinekineki.

¹⁴Davidi hakwihula cheŋi kudi Nzambi, Nzambi hakumwila nindi, Bayi wuya nakuyilondelaku, balumukaku wuyiketulwili kunyitondu yamaliberi.

¹⁵Chiwakelahi wukutiya kwiwulu danyitondu kuvuma kwakwenda, hiwakayanakudasa nawu njita; muloŋa henohu Yehova natwaminuku dehi kuwukuyeyi, akatapi njita yawaFwilistinu.

¹⁶Davidi hakwila mwamulejeliyi Nzambi; hakutapa njita yawaFwilistinu, kufumisha kuGibeyoni ndo niku-Gezeri.

¹⁷Mpuhu yaDavidi hiyikutiyakana mumatuŋa ejima; Yehova hakusha woma wayena kunyichima yanyuza yejima.