Read MUKANDA WANZAMBI 1 Makolonika 17 Bible Online

1 Makolonika 17 - MUKANDA WANZAMBI bible

1 Makolonika 17

¹Helili Davidi nashakami dehi mwitala dindi, Davidi hakumwila kaprofwetu Natani, nindi, Tala, ami nashakama mwitala danyisida, hakwila chimbaŋu chachitiyaŋenu chaYehova chidi mumahina.

²Natanihakumwila Davidi, nindi, laku chejima chidi mumuchima weyi, muloŋa Nzambi wudi naneyi.

³Wowena wufuku owu izu daNzambi hidikwinza kudi Natani

⁴nindi, Yaku wakaleji kambuŋami Davidi, neyi, Yehova nahoshi nindi, Eyi kuntuŋilaitala dakushakama nehi;

⁵muloŋa kufumisha kwifuku dinafumishili aIsarela muEjipitu, kushika nikwifuku dalelu, hinashakami kwami mwitalaku, nelaŋa nifuma itenti idi niya itenti di kwawu, nifuma tabanaka iyi niyayikwawu.

⁶Mwejima munendojoli nawaIsarela ejima, nahoshahu dehi izu nansompeshi yawaIsarela wumu inalejeli kudiisha antu ami, nimwilanami, Munabulilidi kuntuŋila itala danyisida?

⁷Dichi dinu tiya chiwakamwila kambuŋami Davidi, kamwili neyi, Yehova wamazaza nahoshi nindi, Nakufumishili kwiyinda danyikoku, kumudimu wakulondela nyikoku, kulonda wikali lomboli yawantu ami aIsarela.

⁸Kwejima kuwayilaŋa nadiŋi naneyi, nakufumishilili ayilumbu jeyi ejima kuwadiŋi nakwinzeyi; nakaditiyakesha ijina deyi dakekali neyi majina awamaneni ekala hamaseki.

⁹Nukushila antu ami aIsarela chipela chawu, nukuyitumba chakutumbakulonda akashakami mwawu awenawu, akabuli kufumamu cheŋi, antu atama hiyakayinopesha nawa cheŋi neyi chayinoŋesheluwu hakusambila,

¹⁰nihakufumisha kunyaka yinalejelaŋa ansompeshi kuyula antu ami aIsarelaku; nakakufwomwena ayilumbu jeyi ejima. Ninodu nakuleji nami, Yehova wakakwilila mutaŋa.

¹¹Chamba kawana mafuku eyi, chiwambakaya kudi ankakulula jeyi, nakakuhiŋishilamu mwana wahadi anyaneyi, nakamukoleshela wanta windi.

¹²Diyi wakantuŋila itala, nakamukoleshela itanda dindi dawanta haya nyaka.

¹³Nakekala tata yindi, niyena wakekala mwanami. Hinakafumisha luwi lwami kudi yena, neyi chinakaŋanyi dehi wasambililuku.

¹⁴Nakamushimatisha nimwitala dami nimuwantawami haya nyaka; itanda dindi dawanta dakakola ngu haya nyaka.

¹⁵Nataniwahosheli naDavidi mwaya mazu awa ejima, mwaya nichimwenu ichichejima.

¹⁶Mwanta Davidi hakwijila, hakushakama kumesu aYehova, hakwila nindi, Eyi Yehova Nzambi, yaminyi ntahi, nimutaŋa wamami himutaŋanyi, mwaka wunshileŋi mwejimimu?

¹⁷Mwenimu wunamoni neyi munakehi dehi, eyi Nzambi, hiwukutena cheŋi mutaŋa wamami kambuŋeyi wakekalakunyaka yakenza kumbidi, hiwukuŋila mwelaŋawu muntu wabadika kulema, eyi Yehova Nzambi.

¹⁸Indi Davidi wukuhosha nawa mwekwawu mudihinakulema iku kuwunanlemeshi ami kambuŋeyi? Muloŋa eyi waŋilukaami kambuŋeyi.

¹⁹Eyi Yehova chiwunakoŋi kutoha kwejimiku kwakwilukisha yuma yamaneni yejimiyi, wunachikoŋeli hamujimba wamamikambuŋeyi, nimwaya muchima weyeyi aweni.

²⁰Eyi Yehova, hikudiwakufwanaku, hikwekala niNzambi wacheŋuku, mwejima namutunatiyina matu etu.

²¹Ochu hamaseki hadi muza wudi neyi antu eyi aIsarela, ayili nakukuulayi Nzambi kulonda akekali antu indi, wuditiyakeshi ijina nayuma yamaneni yikweti niwoma, chiwatemwini nyuza kwcnjilaŋa antu eyi lwakúulili muEjipitu?

²²Muloŋa antu eyi aIsarela wunayibalumuni dehi kwikala antu ambala eyeyi aweni chahaya nyaka; nineyi Yehova wunekali dehi Nzambi yawu.

²³Ichi dinu, eyi Yehova izu dakutena ami kambuŋeyi, dakutena nimutaŋa wami, dikoli ngu haya nyaka, ilaku muwunahoshi.

²⁴Ijina deyi dikoli, ditohi haya nyaka, akahoshaŋa nawu, Yehova wamazazadiyi Nzambi yawaIsarela, nikudi aIsarela hiNzambi chikupu; mutaŋawamami kambuŋeyi Davidi wushimati kumesu eyi.

²⁵Ala Nzambi yami, wunaleji ami kambuŋeyi neyi wakanyamwina mutaŋa, dihu hanafumi amikambuŋeyi kumona jakulomba kumesu eyi.

²⁶Dichi dinu eyi Yehova, yeyi Nzambi, wunankani ami kambuŋeyi chumichi chachiwahi.

²⁷Ichidinu wunatiyi kuwaha kukiswila mutaŋa wamami kambuŋeyi nkisu, kulonda wakashakamaŋa kumesu eyi haya nyaka; eyi Yehova ichi chiwunawukiswili dehi nkisu, wunakooleki dehi chahaya nyaka.