Read MUKANDA WANZAMBI 1 Makolonika 19 Bible Online

1 Makolonika 19 - MUKANDA WANZAMBI bible

1 Makolonika 19

¹Kulondela henohu mwanta wawanyana kaAmoni Nahashi hakufwa, mwanindi hakumuswana.

²Davidi nindi, Nimwili mwana kaNahashi Hanuni luwi neyi chapililiyi tata yindi luwi nawa. Davidi hakumute meshela atuŋanda, nindi akamukundeji nansaŋu yatata yindi. AmbuŋaDavidi hiyakushika mwituŋa dawanyana kaAmoni kudi Hanuni kulonda amukundeji.

³Ilaŋa tulamba twawanyana kaAmoni hiyakumwila Hanuninawu, Ichi chanakutemesheliyi Davidi antu akukukundeja, wunatoŋojokineyi wudi nakulemesha tata yeyi, tahindi? Ichi chanenzuwu ambuŋindi kudeyi hiyanenzi nakutalatala nakwendesha ituŋa kulonda akisaŋani ituŋaku, tahindi?

⁴Dichi Hanuni hakukwata ambuŋaDavidi, hakuyitewula wevuwawu chibalu chimu, hakuyiketola mahinawu hakachi ndo nikumahanda, hakuyila nindi, Yenu.

⁵Antu hiyakuya nakumuleja Davidi mwayikoŋeluwu owu mayala. Hakutemesha antu akuyikinkilila muloŋa owu mayala atiyilinsonyi nankashi. Mwanta hakuyila nindi, Shakamenu kuYeriku nichakamenacheŋi wevu wenu, himwakafunta.

⁶Anyana kaAmoni chamwenuwu anadinunkishi dehi ivumba datama kudi Davidi, aHanuni nawanyana kaAmoni hiyakutemesha ntalenta jasiliva ikombakaji kulonda akambi nachu makálu niakwatuwalu muMesopotamiya, nimuArami Mayaka, nimuZoba.

⁷Hiyakukamba makálu makombakaji makumi asatu namakombakaji ayedi, nimwanta wakuMayaka nawantu indi; hiyakwinza nakutuŋa chilombu kwakwihi naMedeba. Anyana kaAmoni hiyakufumafuma kunyikala yawu, hiyakupompa, hiyakwinzakunjita.

⁸Chachitiyiliyi Davidi hakutemeshaku Yowabi ŋanjita yejima yawayilobu.

⁹Anyana kaAmoni hiyakwidika nakutanjika njita kuchisucha mukala, anyanta enjili adiŋi hakanka wawu mumpata.

¹⁰Yowabi chamweniyi anamutanjikili dehi njita nikumbidi nikunyima, hakutonda antu hadi aIsarela ejima atondewa, hakuyitanjika atalaŋa ni nawa-Siriya.

¹¹Antu asheluku hakuyinka mana kwindi Abishayi, hiyakuditanjika atalaŋani nawanyana kaAmoni.

¹²Nindi, Neyi aSiriya ananswejeli Ŋovu wakankwashaku; neyi anyana kaAmoni anakuswejeli Ŋovu ami nawa nakakukwashaku.

¹³Dikwatishi, tudinkenu jawuyala hanyijimbaya wantu etu, tulwilenu nyikaia yaNzambi yetu; Yehova eli mwanamoniyikuwaha.

¹⁴Yowabi nawantu adiŋiyi nawu hiyakuswila kwakwihi nawa-Siriya kulonda adasi nawu njita; hiyakumutemuka.

¹⁵Anyana kaAmoni chamwenuwu aSiriya anatemuki dehi, niwena nawa hiyakumutemuka manakwindi Abishayi, hiyakwijila mumukala. Yowabi hakwinza kuYerusalema.

¹⁶ASiriya chamwenuwu anayitapi dehi kudi aIsarela, hiyakutemesha atupanda akuleta aSiriya adiŋi kwishinadi daKaloŋa, niShofwaki mwanta wanjita yaHadarezeri natwaminuku.

¹⁷Hiyakumuleja muDavidi. Hakupompesha aIsarela ejima, hakuzambuka Yodana, hakuyiwana, hakuyitanji kilanjita. Davidi chayitanjikililiyi aSiriya njita, hiyakulwa nindi.

¹⁸ASiriya hiyakutemuka aIsarela. Davidi hakujaha aSiriya akwamakálu makombakaji atanu nayedi, niakwakwenda hamaseki makombakaji makumi awana, hakujaha nimwanta wanjita Shofwaki.

¹⁹AmbuŋaHadarezeri chamwenuwu anayitapi dehi kudi aIsarela, hiyakutiyaŋana naDavidi, hiyakumukalakela. ASiriya nawa nikukeŋa kuyikwasha cheŋi anyana kaAmoni nehi.