Read MUKANDA WANZAMBI 1 Makolonika 21 Bible Online

1 Makolonika 21 - MUKANDA WANZAMBI bible

1 Makolonika 21

¹Satana wemeneni aIsarela, hakuvuloka Davidi achindi aIsarela.

²Davidi hakuyila aYowabi nawatulamba twawantu, nindi, Yenu mwakachindi aIsarela, kufumisha kuBerisheba ndo nikuDani; mwakanletelicheŋi mazu, kulonda nakeluki mwashikilawu.

³Yowabi nindi, Mwonsumwanashikiluwu antu indi Yehova alunjikuku mapampa nkulakaji; eyinkaka yami mwanta, wejima wawu hiyambuŋankaka yamuku? Nkaka yami nakeŋelidi chumichi? Wukukojejeladi aIsarela kutanya?

⁴Hela chochu, izu damwanta damufwomweni Yowabi. Dichi Yowabi hakufumaku, hakuhitahita muIsarela mwejima, hakwinza nikuYerusalema.

⁵Yowabi hakumwinka Davidi mukanda wasonekeluwu antu achindiluwu. AIsarela ejima ashikili mwikombakaji damakombakaji, nekombakaji damakulakaji dawamayala aholelaŋa mpoku yakabali. AYuda ashikili mumakombakajimakulakaji awana namakumi atanu nayedi, awamayala aholelaŋampoku yakabali.

⁶ALevi nawaBenjamini hayichindili hamu nawuku, muŋa Yowabi wamweni mwanahoshiyi mwanta mwakushimana hohu.

⁷Nzambi watiyili kutama nachumichi, hakuyeta aIsarela.

⁸Davidi hakumwila Nzambi, nindi, Ichi chinakoŋi chumichi navulumuni nankashi; hela chochu, nakulembeli mwani afumishi kuluwa kwamami kambuŋeyi; muloŋa ami nasupi nankashi.

⁹Yehova hakuhosha namukwakumona waDavidi Gadi,

¹⁰nindi, Yaku wakahoshi naDavidi neyi, Yehova nahoshinindi, Nakuchindili yuma yisatu; tondakuhu cheyi chimu nikwilili.

¹¹Dichi Gadi hakwinza kudi Davidi, hakumwila nindi, Yehova nahoshinindi, Tondaku chiwunakepi;

¹²nyaka yanzala yisatu; tahindi tukwejitusatu twakukunoŋesha kudi akwankunyi neyi, iku mpoku yakabali yawayilumbujeyi yidi nakukuhaŋa chakukukwata hohu; tahindi mafuku asatu ampoku yakabali yaYehova, yowu chipupu chamwituŋa, kaŋelu kaYehova hakujilu munaŋa antu mwahita pinza jejima jawaIsarela. Toŋojoka kuchakashinshi munakamwakwila wantemesha.

¹³Davidi hakumwila Gadinindi, Chinankalili nankashi, nikumini dakuholokela muchikasa chaYehovamuloŋa wushona windi wasweja; bayi niholokela kwami mumakasa awantuku.

¹⁴Yehova hakutemesha chipupu hadi aIsarela; hikukufwa aIsarela amayala makombakaji makumi atanu nayedi.

¹⁵Nzambi hakutemeshakaŋelu kuYerusalema kulonda awujilumuni. Cheliliyi nindi awujilumuni, Yehova hakutalaku, kumuchima windi hikukubalumuka nachumochuchatama, hakumwila kaŋelu wadiŋi nakujilumuna antu, nindi, Kunahu. Lekaku. Kapelu kaYehova wadiŋi wemana kuwuhulilu wakaYebusi Orinani.

¹⁶Davidi hakufumbula mesu indi, hakumona kapelu kaYehovanemani haneli iseki iku iwulu iku, muchikasa chindi mudi mpoku yakabali yakuhola dehi nayolweli haYerusalema. Davidi nawantu indi anavwaliyi keleyi, hiyakudinata chamesu awu hamaseki.

¹⁷Davidi hakumwila Nzambi, nindi, Hiyami nayilejeli nami achindi antuku? Ami yami inavulumuni, nakoŋi chatama nankashi; indi awa anyikoku, aneli chumanyi? Eyi Yehova Nzambi yami, nakulembeli, chikasa cheyi chimbabeshi ami namutaŋa watata yami, bayi chibabesha antu eyi, amoni chipupuku.

¹⁸Kaŋelu kaYehova hakumuleja Gadi kumwila Davidi nindi, Davidi akanduki akanamutuŋili Yehova kameŋa kuwuhulilu wakaYebusi Orinani.

¹⁹Davidi hakukanduka nanochu chamulejeluwu kudi Gadi, chahosheliyi mwijina daYehova.

²⁰Orinani hakubalumuka, hakumumona kaŋelu. Anyanindi awanaadiŋiyi nawu hiyakubatama. Orinani henohu wadiŋi nakuhula tidiku.

²¹Chadiŋi nakwinzayi Davidi kudi Orinani, Orinani hakutala, hakumumona Davidi, hakufuma kuwuhulilu, hakuya nakubandama kudi Davidi chamesu hamaseki.

²²Davidi hakumwila Orinani, nindi, Nyinki ichi chipela chawuhulilu, nakanamutuŋiluhu Yehova kamfiŋa. Wukunyinka nawuseyawashikilamu chikupu; kulonda chipupu chiimani, chileki kujaha antu.

²³Orinani hakumwila Davidi, nindi, Tambulaku tuhu kweyi, nkaka yami mwanta eli mwanamoniyi kuwaha. Tala nakwinki niŋombi janyilambuya kushita, niyuma yakuhula nachu yiikali nchawa, nitidiku yahimulambu wawuŋi; nakwinki tuhu yejima.

²⁴Mwanta Davidi, hakumwila Orinani, nindi, Nehi, chiŋa nilanda chakulanda, muwuseya washikilamu chikupu. Hinukutwesha kutambula cheyi nimwinkichu Yehovaku, hinukutweshakulambula himulambu wakushita wakadi wuseyaku.

²⁵Davidi hakumwinka Orinani jishekeli jawuru makulakaji atanu nadimu akupezelesha, alandinachu chipelochu.

²⁶Davidi hakunamutuŋila Yehova kameŋa kwenoku, hakulambula nyilambu yakushita, ninyilambu yakuwunda, hakutambika Yehova. Yena hakumwakula kwiwulu nakesi kahakameŋa kahimulambu wakushita.

²⁷Yehova hakumuleja kaŋelu, yena hakusomeka cheŋi mpokuyindi yakabali muchisola chayu.

²⁸Henohu Davidi chamweniyi Yehova namwakuli dehi kuwuhulilu wakaYebusi Orinani, hakuketwilaku yimuna.

²⁹Muloŋa tabanaka yaYehova yatuŋiliyi Mosi mwisaŋa, nikameŋa kahimulambu wakushita, hanyakoyu yichidi kuGibeyoni kuchinaŋanaŋa.

³⁰Ilaŋa Davidi hatwesheli kuyakumesu aku nakwihwilaku Nzambuku, muloŋa watiyili woma wampokuyakabali yakaŋelu kaYehova.