Read MUKANDA WANZAMBI 1 Makolonika 22 Bible Online

1 Makolonika 22 - MUKANDA WANZAMBI bible

1 Makolonika 22

¹Davidi hakwila nindi, Hanu hohetala daYehova Nzambi, hanuhohakameŋa kahimulambu wakushitila aIsarela.

²Davidi hakuleja antu kupompesha enyi adiŋi mwituŋa daIsarela; akwakusoŋa malola hakuyikunjika mudimu wakusoŋa malola akutu ijinachu itala daNzambi.

³Davidi hakuloŋesha nyilumba yayikuŋu yayivulunankashi, yakwila nachu mbwambu jakuyenzelu yakuyisu, niyanyonjiyakunuŋa nachu; ninyilumba yawuneŋu wawuvulu nankashi wakukaŋa nyani kupezelesha;

⁴ninyisida yakukaŋanya kuchinda; muloŋa aZidoni nawantu akuTira amuleteleli Davidi nyilumba yanyisida yayivulu nankashi.

⁵Davidi nindi, Mwanami Solomoni wuchidi kansi, kanda apami, niitaladaku namutuŋila Yehova chiŋa dakekala deneni nankashi, dakatiyakani mpuhunakulema mwahita matuŋa ejima. Dichi nukuloneshaŋahu dehi yumayakutuŋa nachu. Dichi Davidi hakuloŋesha nyilumba yayuma yayivulunankashi hadiŋiyi kanda afwi.

⁶Hakutambika mwanindi Solomoni, hakumuleja kutuŋila Yehova Nzambi yaIsarela itala.

⁷Davidi hakumwila mwanindi Solomoni, nindi, Kumuchima wami kwadiŋi jojakutuŋila ijina daYehova Nzambi yami itala.

⁸Ilaŋa izu daYehova denjili kudami nindi, Eyi wunamwaŋi mashi amavulu nankashi, wunaasi majita amaneni, eyi kweyi kutuŋila ijina dami itala nehi, muloŋa wunamwaŋi hamaseki mashi amavulu kumesu ami.

⁹Tala, akakuvwalila mwana, wakekala iyala mukwakunooka; nakamunookesha kunsaŋu jawayilumbu jindi ejima niniku niniku. Muloŋa nijina dindidakekala diyi Solomoni, ninodu aIsarela nakayiletela nikumwena nikuwunda hamafuku indi.

¹⁰Diyi wakatuŋila ijina dami itala; wakekalamwanami, ami nakekala tata yindi; itanda dawanta windi nakadikolesha hadi aIsarela chahaya nyaka.

¹¹Ichi dinu eyi mwanami, Yehova ekali naneyi, wumonaŋ kuwaha, wakatuŋi itala daYehova Nzambi yeyi mwakuteneneniyi.

¹²Chiŋa Yehova akwinki maana nakashinshi, akuleji muwakayilaŋa aIsarela, kulonda wakahembaŋa nshimbi jaYehova Nzambi yeyi.

¹³Neyi wakashamuchima wakwila yidika nawuŋaji, walejeluwu Mosi kudi Yehova wansaŋuya waIsarela, wakamona kuwaha. Wakadikwatishaŋa wakomikaŋa chacheni. Bayi wakatiyaŋa woma, hela kwakamaku.

¹⁴Tala, hanu hayihuŋu yami naloŋeshela dehi itala daYehova ntalenta jawuru makombakaji nkulakaji, nintalenta jasiliva makombakaji ikombakaji; niwuneŋu niyikuŋu yakukaŋanya kupezelesha, muloŋa yinalumbami nankashi; nalopeshi ninyitonduni malola; eyi wakatwesha kulunjikaku.

¹⁵Wudi nawaŋamba amavulu nankashi, niakwakusoŋa, niakwakutuŋa yuma namalola nanyitondu, niantu ejima akweti wukalawenu weŋi nawepi.

¹⁶Wuru nasiliva nawuneŋu nayi kuŋuhi yaku chindaku. Nyamukaku, wilaŋa, Yehova ekali naneyi.

¹⁷Davidi walejeli niatulamba twawaIsarela ejima nawa kumukwasha mwanindi Solomoni,

¹⁸nindi, Yehova Nzambi yenu hadi nanenuku, tahindi? Hanayinookeshi niniku ninikuku, tahindi? Muloŋa yena nahani dehi eni ituŋa kudami, nafwomoni dehi niituŋa kumesu aYehova nikumesu awantu indi.

¹⁹Dichi dinu shenu nyichima yenu nawumi wenu kukumukeŋakeŋa Yehova Nzambi yenu; dichi nyamukenu namutuŋi malala aYehova Nzambi, mwakeŋiji chimbaŋu chachitiyaŋenu chaYehova niyuma yaNzambi yajila mwitala dakutuŋilawu ijina daYehova.