Read MUKANDA WANZAMBI 1 Makolonika 23 Bible Online

1 Makolonika 23 - MUKANDA WANZAMBI bible

1 Makolonika 23

¹Davidi akula nikukula, mafuku amuvulila nikumuvulila; hakudiisha mwanindi Solomoni wanta wawaIsarela.

²Hakupompesha tulamba twawaIsarela twejima, hamu nawatupristu nawaLevi.

³Achindili aLevi kufumisha kunyaka makumi asatu niakubadikamu; mwayi chindililu wukunyitu yawu, hamuntu hamuntu, amayala makombakaji makumi asatunatanu nasatu.

⁴Hadi wenawa hadiŋi makombakaji makumi ayedi nawana, diwu akwakutala nyidimu yetala daYehova; makombakaji atanu nadimuadipi tulala nawansompeshi;

⁵makombakaji awana diwu adiŋi akwakuhe mbakuyisu; makombakaji awana diwu amuhamekelaŋa Yehova nayumayakwimba, yinelili ami Davidi kulonda kuhameka nachu.

⁶Davidi hakuyambula mazanvu mazanvu mwomwekalila anyana kaLevi, Gereshoni, Kohati naMerari.

⁷AwaGereshoni; Ladani naShimeyi.

⁸Awanyana kaLadani amayala; mukulumpi Yehiyeli, niZetami, niYoweli, asatu.

⁹Anyana kaShimeyi; Shelomoti, niHaziyeli, niHarani, asatu. Wenawa diwu awakulumpi akumavumu awankakulula jaLadani.

¹⁰Anyanaka Shimeyi; Yahati, Zina, niYewushi, niBeriya. Awa awana diwu anyana kaShimeyi amayala.

¹¹Yahati diyi wadiŋi mukulumpi, wamuchiyedi Ziza; ilaŋa aYewushi naBeriya hiyadiŋi nawanyana amayala amavuluku, dichichayibombeleluwu hamu ekali ivumu dawankakulula dimu.

¹²Anyana kaKohati amayala; Amarama, Izihari, Heberoni, niUziyeli, awana.

¹³Anyana kaAmarama, aAroni naMosi; Aroni diyi aambwilu wukulonda ajilikaŋa yuma yasweja kujila, niyena ni anyanindi amayala chahayanyaka, kulonda kwochaŋa insensi kumesu aYehova, kulonda kumukala kelaŋi, nikukiswilaŋa ijina dindi nkisu chahaya nyaka.

¹⁴Hakwila muntu waNzambi Mosi, anyanindi hiyayi chindilili kumuchidi waLevuku.

¹⁵Anyana kaMosi; Gereshomi naEliyezeri.

¹⁶Anyana kaGereshomi; mukulumpi diyi Shebuweli.

¹⁷Anyana kaEliyezeri adiŋi mukulumpi diyi Rehabiya. Eliyezeri hadiŋi nawanyana amayala amakwawuku; ilaŋa anyana kaRehabiya asemunwini nankashi.

¹⁸Anyana kaIzihari; mukulumpi diyiShelomiti.

¹⁹Anyana kaHeberoni; mukulumpi Yeriya, wamuchiye diAmariya, wamuchisatu Yahaziyeli, wamuchiwana Yekameyami.

²⁰Anyana kaUziyeli amayala; mukulumpi Mika, niIsiya wamuchiyedi.

²¹Anyana kaMerari amayala; Mahili naMushi. Anyana kaMahili; Eleyazari naKishi.

²²Eleyazari wafwili, hadiŋi nawanyana amayalaku chiŋa awambanda hohu. Ana kwawu anyana kaKishi diwu ayisumbwili.

²³Anyana kaMushi; Mahili, niEderi, niYeremoti, asatu.

²⁴Wenawa diwu anyana kaLevi amayala mwahita mavumu awankakulula jawu, diwu akumavumu awankakulula janawa achindiluwu, mwomwayi chindililuwu kunyitu yawu, elilaŋa mudimu wakukalakela itala daYehova, akufumisha kunyaka makumi ayedi niakubadikamu.

²⁵Muloŋa Davidi welili nindi, Yehova Nzambi yaIsarela nanookeshi dehi antu indi; hakushakama muYerusalema chahaya nyaka;

²⁶niaLevi hiyakweti nawa cheŋi mudimu wakusenda tabanaka nayuma yayu yejima yakukalakala nachuku.

²⁷Anyana kaLevi ayichindili kufumisha kudi anyaka makumi ayedi niakubadi kamu, chafumini kumazu ahosheliyi Davidi chakukuminina.

²⁸Muloŋa mudimu wawu wadiŋi wakwimena anyana kaAroni kulonda kukalakela itala daYehova, nimuyipapu, nimumatala amukachi, niwakujilika yumayajila yejima, wowu mudimu wakukalakela itala daYehova;

²⁹niwamankendi akutenteka kumesu aNzambi nawa, niwawuŋa walembulu kawa himulambu wawupa, hela watumankendi twawubasa, hela wayuma yakwochelaha yikaŋu, hela wayuma yalwombeka, niwamudimu wakweseka mwahita yesekelu yejima yeŋi nayeŋi;

³⁰niwakwimanaŋa habudidi habudidina kusakilila nakuhameka Yehova, nihamelela nawa chochu;

³¹niwa kulambulaŋi Yehova nyilambu yakushita yejima, hela yahasabata jejima, helahatukweji twatwiha, hela hayawija yakutiyaŋana, yachindawu mwayishi ikiluwu, yakulambulaŋa kumesu aYehova mafuku ejima;

³²kulonda akatalaŋa mudimu wetenti dakubulakena, akatalaŋa nimudimu wamwajila, nimudimu wawana kwawu anyana kaAroni, wakukalakela itala daYehova.