Read MUKANDA WANZAMBI 1 Makolonika 28 Bible Online

1 Makolonika 28 - MUKANDA WANZAMBI bible

1 Makolonika 28

¹Davidi wapompesheli kuYerusalema tulamba twejima twawaIsarela, wowu atulamba anyichidi, niakulumpi jayendu akalakelelaŋa mwanta hezanvu hezanvu, niakulumpi jamakombakaji niakulumpi jamakulakaji, nianyuli ahembelaŋa yuma yamwanta yejima nimahetindi, niawanyanindi, niatulala, niayilobu, wowu ayilobu akwaŋovu ejima.

²Mwanta Davidi hakwimana zulumba, hakwila nindi, Enuana kwami ninenu antu ami ntiyenu; ami kumuchima wami kwadiŋi jojakutuŋila chimbaŋu chachitiyaŋenu chaYehova itala dakunookela, diikali niitanda dakunyendu yaNzambiyetu, ninodu naloŋesha dehi yakutuŋa nachu.

³Ilaŋa Nzambi waŋililinindi, Eyi kutuŋila ijina dami itala nehi, muloŋa eyi wumuntu wanjita, wunamwaŋi mashi.

⁴Hela chochu, mumutaŋa watata yami wejima Yehova Nzambi yaIsarela wantondelumu ami, niikali mwanta wawaIsarela chahayanyaka. Muloŋa yena natondi dehi Yuda akekali nlomboli; kumutaŋa waYuda natondumu mutaŋa watata yami; hadi anyana katata yami wantiyiluhuami kuwaha andiishi wanta wawaIsarela ejima.

⁵Hadi anyanami ejima—muloŋa Yehova nanyinki anyana amavulu—natondi dehi mwana miSolomoni, ashakami hetanda dawanta waYehova dakuyula aIsarela.

⁶Waŋila dehi nindi, Mwaneyi Solomoni diyi wakatuŋa itala dami niyipaŋuyami; muloŋa ami namutondi dehi ekali mwanami ninami niikali tatayindi.

⁷Neyi wakela nimunalejapa nimuwuŋaji wami neyi chadi nakwilayilelu, ami nakakolesha wanta windi chahaya nyaka.

⁸Dichi dinu, kunukumesu awaIsarela ejima, chochipompelu chaYehova, kunu kumatu aNzambiyetu, shenu muchima wakukeŋakeŋa mwalejaŋayi Yehova Nzambi yenu mwejima; kulonda mwakaheti ituŋidi dadiwahi, mwakadishiyili anyanenu akayilondela dakekali wuswana wawu wahaya nyaka.

⁹Hakwila eyimwanami Solomoni, ilukaku Nzambi yatata yeyi, wumukalakeli namuchimawalala chikupu, nayitoŋojoka yakwovwahilamu; muloŋa Yehova washinshikaŋanyichima yejima, welukaŋa yafuukulaŋa yitoŋojoka yejima. Neyiwakamukeŋakeŋa, wakamuwana; neyi wakamuleka, wakakúumba chahayanyaka.

¹⁰Dichi dinu babalaku; muloŋa Yehova nakutondi dehi kutuŋaitala damalala; dikwatishi wukoŋi.

¹¹Mwanta Davidi hakumwinka mwanindi Solomoni chifwikija chekekidakuchisu chatembeli, nichamatalayu, nichakuwuswekelu wayuma yayuyalema, nichamatalayu ahewulu, nichamatalayu amukachi, nichakuwushilu wetanda daluwi;

¹²nichifwikija chayuma yejima yatambwiliyi kudi Spiritu, chayipaŋu yetala daYehova, nichamatala anyeŋumukiluku ejima, nichakuwuswekelu wayuma yalema yetala daNzambi, nichakuwuswekelu wayumaya jilikiluwu;

¹³nichamazanvu awatupristu nawaLevi, nichanyidimuyejima yakukalakala mwitala daYehova, nichayuma yejima yakukalakala nachu mwitala daYehova;

¹⁴nichawuru wakupezelesha wakutuŋa nachuyuma yawuru, nichakutuŋa nachu yuma yakukalakala nachu yejima yejina yeŋi; nichayuma yasiliva yejima mwashika pezu yayu, nichayuma yejima yakukalakala nachu mweŋi namwepi.

¹⁵Wamwinkeli nawa chifwikija chamanoŋu awuru mwashika pezu yawu, nichamanoŋu awu awuru, mwashikapezu yamanoŋu ejima, niyamanopu awu; nichifwikija chamanoŋu asiliva mwashika pezu yamanoŋu ejima, niyamanoŋu awu, mwekalila nyidimuyamanoŋu ejima;

¹⁶wamwinkeli niwuru wakupezelesha wakutuŋa nachujimesa jamankendi akutenteka kumesu aNzambi, wajimesa jejima; nisilivajajimesa jasiliva nawa;

¹⁷nichifwikija chatutuwa twanyisomu, nichayitasu, nichampasa, jawuru wakoseka; nichambashila jawuru mwashika pezuyambashila jejima; nichambashila jasiliva mwashika pezu yambashila jejima;

¹⁸nichifwikija chakameŋa kakwochela insensi, kawuru wakosekawakupezelesha; niwuru wachifwikija chekalu, wowu akerubi atanjika mpuula jawu, abuta chimbaŋu chachitiyaŋenu chaYehova.

¹⁹Davidi nindi, Yumivi yejima yanyidimu yachifwikija ichi aŋilukishiliyu kudi Yehova yakusoneka kuchikasa chindi.

²⁰Davidi hakumwila mwanindi Solomoni, nindi, Wakadikwatishapa, wakomikaŋa chacheni, wakakopumu; bayi wutiya womaku, bayi wakamaku; muŋa Yehova Nzambi, Nzambi yami, wudi naneyi, hakakukapeshaku; hakakushiyaku, nichichakamana mudimu wejima wakukalakela itala daYehova.

²¹Tala mazanvu awatupristu nawaLevi awa, diwu akakalakala mudimu wetala daNzambi wejima; kunyidimu yejima wakekala nawantuakweti nyichima yakutiya kuwaha, akweti niwukalawenu, kulonda akalakalaŋa nyidimu yeŋi nayeŋi, niakulumpi niantu ejima akela mwejima muwakayileja.