Read MUKANDA WANZAMBI 1 Makolonika 29 Bible Online

1 Makolonika 29 - MUKANDA WANZAMBI bible

1 Makolonika 29

¹Mwanta Davidi hakwila chipompelu chejima nindi, Mwanami Solomoni anatondiyi Nzambi kanka windi, wuchidi kansi kandaapami, nimudimu weneni; niitalidi dawanta hidamuntuku, daYehova Nzambi.

²Naŋovu jami jejima nalopeshela dehi itala daNzambi yami wuruwayuma yawuru, nisiliva yayuma yasiliva, niwunepu wayuma yawuneŋu, niyikupu yayuma yayikupu, ninyitondu yayuma yanyitondu, nitumalolatwatushohama, nitwakupata chachiwahi, nimalola akubazabaza, niawulombuwepi naweŋi, nitumalola twalema tweŋi natweŋi, nimalola atooka amavulu nankashi.

³Nanichi chinatiyi kuwaha netala daNzambi yami, nichinikwetiluhetu lwamami aweni lwawuru nasiliva, hinukuluhana lwikali lwetala daNzambi yami, lwakulunjika hayuma yejima yinalopeshela dehi itala dajila;

⁴makombakaji asatu antalenta jawuru, wuru wakuOfwiri, nimakombakaji atanu nayedi antalenta jasiliva yakoseka, kulonda kushila hambaŋu jamatala;

⁵wuru wayuma yawuru, siliva yayuma yasiliva, yanyidimu yeŋi nayeŋi, yejima yakwila kudi akwawukalawenu. Wukulambula chakutiya kuwaha, adijiliki lelu ekali waYehova, hinyi?

⁶Tulamba twakumavumu awankakulula jawu, nitulamba twakunyichidiya waIsarela, niakulumpi amakombakaji niamakulakaji, nianyuli anyidimuya mwanta, hiyakulambula chakutiya kuwaha.

⁷Hiyakuhana yakukalakala nachu itala daNzambi wuru ntalenta makombakaji atanu, najidariki makombakaji ikumi, siliva ntalenta makombakaji ikumi, wuneŋu ntalenta makombakaji ikumi natanu nasatu, yikuŋu ntalenta makombakaji nkulakaji.

⁸Adiŋi natumalola twalema atuheni kuwuswekelu wayuma yalema yetala daYehova, kudi kaGereshoni Yehiyeli.

⁹Antu hiyakuzaŋalala, nanochu chalambwiluwu chakutiya kuwaha, muloŋa amulambwili Yehova namuchima walala chikupu chakutiya kuwaha. Nimwanta Davidi nawa hakuzaŋalala kuzaŋalala kwakweni.

¹⁰Davidi hakumukiswila Yehova nkisu kumesu achipompelu chejima. Davidi nindi, Kisu kisu, eyi Yehova, Nzambi yankakulula yetu Isarela, akamukiswilaŋa nkisu haya nyaka.

¹¹Nikutoha, niŋovu, nilubanji, nimuii shindu, nimpuhu, yiikali yeyeyi eyi Yehova; muloŋa yuma yejima, niyidimwiwulu, niyidi heseki yeyeyi hohu; eyi Yehova wanta weyeyi, yeyi wunatúumbakani, wunekali namutu wahewulu dayuma yejima.

¹²Nimahetani kulema kwafuma kudeyi, yeyi wayulapa yuma yejima; chikasa cheyichikweti niŋovu nikunyipa, chikasa cheyi dichi chatoheshaŋi, dichi chakoleshaŋi yuma yejima.

¹³Dichi dinu tunakusakilili eyi Nzambi yetu, tunahameki ijina deyi dampuhu.

¹⁴Ochu ami yaminyi, niantu ami hiyanyi, mwaka tumoni Ŋovu jakutiya kuwaha kwakulambula mwejimimu? Muloŋa yuma yejima yafuma kudeyi, tunakwinki yafuma kuchikasa cheyeyi aweni.

¹⁵Kumesu eyi tudi enyi, tudi akwakuzonkajala hohu, neyi chadiŋuwu ankakulula fetu. Mafuku etu ahanu hamaseki adi neyi mwevulu hohu, hitwashakamaŋku.

¹⁶Eyi Yehova Nzambi yetu, iyi yuma yejima yitunaloŋeshi yakukutupila nachu itala dejina deyi dajila, yafuma kuchikasa cheyi, yejima yeyeyi aweni.

¹⁷Eyi Nzambi yami, neluki nawa nami yeyi wesekaŋamuchima, watiyaŋa kuwaha nakwoloka. Ami chinalambuli yumiyi yejima chakutiya kuwaha, nalambuli namuchima woloka. Nazaŋilali chinamoni antu eyi adi kunu hiyakukulambula chakutiya kuwaha.

¹⁸Eyi Yehova Nzambi yawankakulula jetu aAbarahama, naIsaka, naIsarela, hembakuchumichi haya nyaka muyifuukula yayitoŋojoka yanyichima yawantu eyi, wufumbi nyichima yawu yitali kudeyi;

¹⁹wumwinki mwanami Solomoni muchima walala chikupu wakuhemba nikuleja kweyi, niwunsahu weyi, niyidika yeyi, wakwila yumiyi yejima, wakutuŋa niitala dawanta dinaloŋeshela dehi yumiyi.

²⁰Davidi hakwila chipompelu chejima, nindi, Mukiswilenu Yehova Nzambi yenu nkisu. Chipompelu chejima hichikumukiswila Yehova Nzambi yawankakulula jawu nkisu, hiyakubandama nyitu yawu, hiyakudifuku lakudi Yehova nikudi mwanta.

²¹Hiyakumuketwila Yehova yimuna, hiyakuhimulambu la Yehova nyilambu yakushita, ifuku dakulondela denodu, aŋombi amayala ikombakaji, yizamba yanyikoku ikombakaji, nyana kanyikoku ikombakaji, hamu nanyilambu yawu yakuhuŋununa, niyimuna yaketwililuwu aIsarela kukumina dakulumbama.

²²Denodu ifuku hiyakudyaakunwa kumesu aYehova nakuluŋi kwakweni. Hiyakumudiisha mwana kaDavidi Solomoni wanta kamuchiyedi, hiyakumuwayishilayi Yehova manji, ekali nlomboli, niZadoki nawa nawu ekalikapristu.

²³Solomoni hakushakama hetanda daYehova dawanta, himwantanahiŋi dehi mudi tata yindi Davidi, ekala nichachiwahi; aIsarela ejima hiyakumwovwahila.

²⁴Niatulamba ejima, niayilobu, hamu nawanyana kaDavidi ejima, hiyakumufwomokela mwanta Solomoni.

²⁵Yehova hakumutohesha Solomoni nankashi, kumesu awaIsarela ejima hakumwinka wanta walemanankashi, wakadi kwinkaŋahu dehi mwanta wacheŋi muIsarela.

²⁶Dichi mwana kajesi Davidi wayulili aIsarela ejima.

²⁷Nyaka yayuliliyi aIsarela yashi kili munyaka makumi awana; muHeberoni wayulilinyaka yitanu nayiyedi, muYerusalema wayulili nyaka makumi asatu nayisatu.

²⁸Wafwili hawushinakaji wawuwahi, nimafuku, nimaheta, nikulema kwamuvulila dehi; mwanindi Solomoni hakumuswana.

²⁹Nsapu jamwanta Davidi, nkusambila nkukuminina, talenu, anajisoneki kumazu aSamweli mukwakumona, nikumazu akaprofwetu Natani, nikumazu aGadi mukwakumona;

³⁰hamu nawanta windi wejima, niŋovu jindi, niyuma yamweniyi, niyamwenuwu aIsarela, niyamweni mawanta ejima amumatuŋa.