Read MUKANDA WANZAMBI 2 Makolonika 1 Bible Online

2 Makolonika 1 - MUKANDA WANZAMBI bible

2 Makolonika 1

¹Mwana kaDavidi Solomoni wadikolesheli muwanta windi, Yehova Nzambi yindi wadiŋi nindi, wamutohesheli nankashi.

²Solomoni hakuhosha nawaIsarela ejima, niakulumpi amakombakajina makulakaji, niansompeshi, niatulamba ejima amumpata yaIsarela yejima, wowu awakulumpi akumavumu awankakulula jawu,

³Solomoni nachipompelu chejima hamu hiyakuya kuchinaŋanaŋa chadiŋi kuGibeyoni, muloŋa diku kwadiŋi itenti daNzambi dakubulakena, datuŋiliyi kambuŋa-Yehova Mosi mwisaŋa.

⁴Henohu chimbapu chaYehova Davidi wachifumisha dehi kuKiriyati Yeyarimi, wachitwala dehi kwachiloŋesheleliyi Davidi, muloŋa wachilemeneni itenti kuYerusalema.

⁵Kameŋa kawune pukatuŋiliyi Bezaleli mwana kaUri, Uri mwana kaHuri, kadiŋi kwenoku kumesu atabanaka yaYehova; Solomoni nachipompelu hiyakuva nakukeŋela kuYehova.

⁶Soiomoni hakukanduka kwenoku kukamepa kawuneŋukumesu aYehova, kwokukameŋa kadiŋi kwitenti dakubulakena, hakushitila hunyilambu yakushita ikombakaji.

⁷Hawufuku owu Yehova hakumwekana kudi Solomoni, hakumwila nindi, Lombaku chinukukwinka.

⁸Solomoni hakumwila Nzambi, nindi, Wunamumwekesheli tata yami Davidi luwi lwasweja, wunanswanishi dehi mwadiŋiyi.

⁹Ichi dinu, eyi Yehova Nzambi, izu diwamukanini tata yami Davidi dikoli; muloŋa wunandiishi dehi wanta wawantu avula neyi lunkuŋulwa hamaseki.

¹⁰Nyinki dinu maana nakashinshi kulonda niiluki kushakama chachiwahi nawantu awa; iyalanyi wukutwesha kusompesha iwu muzaweyi watoha chi kuma hichi?

¹¹Nzambi hakumwila Solomoni, nindi, Chiwudi nachumichi mumuchima weyi, nikulomba hela maheta, hela yuma, hela kulema, hela wumi wawakwankunyi neyi nehi, hela tuhu kulombamafuku amavulu nehi; hiwukulomba maana nakashinshi keyeyi aweni, kulonda wusompeshaŋa antu ami inakudiishili wanta;

¹²nakwinki dehi maana nakashinshi; nukukwinka nawa nimaheta, niyuma, ni kulema, kwabulili kumonawu dehi anyanta ásambilili, kwakabula nawa kumonawu akakulondela.

¹³Solomoni hakufuma kuchinaŋanaŋa chadiŋi kuGibeyoni, kumesuetenti dakubulakena, hakwinza kuYerusalema; hakuyulaŋa aIsarela.

¹⁴Solomoni wapompesheli makálu nawakwatuwalu; wadiŋi namakálu ikombakaji namakulakaji awana, niakwatuwalu makombakaji ikumi nayedi, ashiliyi nimunyikala yamakálu, nikudi yena mwanta kuYerusalema.

¹⁵Mwanta wavulishili siliva nawuru muYerusalema neyi malola, ninyisidawayivulishili kuvula kudi neyi nyishikima yekala munkulu.

¹⁶Tuwalu twadiŋi naSolomoni atufumishilaŋa muEjipitu; antu amwanta akwakulanda atutambwilaŋa yendu nayendu, chendu nawuseya wachu, chendu nawuseyawachu.

¹⁷Afumishilaŋa ikalu muEjipitu nawuseya wajishekeli jasiliva makulakaji atanu nadimu, kawalu nawuseya wankulakaji namakumi atanu; niaiuminaŋi kudi anyanta awaHiti, nikudi anyanta awaSiriya chochu nawa, ayiletelaŋa kudi antu awu.