Read MUKANDA WANZAMBI 2 Makolonika 11 Bible Online

2 Makolonika 11 - MUKANDA WANZAMBI bible

2 Makolonika 11

¹Rehobowami chashikiliyi kuYerusalema, hakupompesha mutaŋawa Yuda naBenjamini wejima, amayala akutonda chakutonda makombakaji nkulakaji, namakombakaji makumi atanu nasatu, adiŋi akwakulwa, kulonda akalwi nawaIsarela, akafuntishi cheŋi wanta kudi Rehobowami.

²Izu daYehova hidikwinza kudi muntu waNzambi Shemaya,

³nindi, Hoshaku namwana kaSolomoni Rehobowami, mwanta waYuda, ninawaIsarela ejima amuYuda namuBenjamini,

⁴neyi, Yehova nahoshi nindi, Bayi mwakaya kwoku, bayi mwakalwa nawana kwenuku. Funtenu kumatalenu wejima wenu. Muloŋa chumichi chinafumi kudami. Hiyakutiyililamu mazu aYehova, hiyakufuntamu kwayiluwu nawu akalwi naYerobowami.

⁵Rehobowami washakamini muYerusalema, muYuda hakutuŋi munyikala yakukiŋa nachu ituŋa.

⁶Mwalala watuŋili niBetelemi, niEtami, niTekowa,

⁷niBetizuri, niSoko, niAdulami,

⁸niGati, niMaresha, niZifwi,

⁹niAdorayimi, niLakishi, niAzeka,

¹⁰niZora, niAyŋloni, niHeberoni, yekala muYuda namuBenjamini, nyikala yampwembu hohu.

¹¹Mpwembu wajikolesheli, hakushamu awakulumpi anjita, hakulumbikamu niyakudya, nimanji, nivinyu.

¹²Munyikala yejima, hamukala hamukala, washilumunkebu namayoŋa, hakuyikolesha nankashi. NiYuda niBenjamini adiŋi indi.

¹³Atupristu nawaLevi adiŋi muIsarela mwejima hiyakufuma muŋumzajawu jejima, hiyakwinza kudi yena.

¹⁴Muloŋa aLevi ashiyili mpata jawu janyeŋumuka nyikala yawu, niiheta dawu, hiyakwinza kuYuda nakuYerusalema; muloŋa Yerobowami nawanyanindi ayihapili, kulonda abuli kukalakela Yehova mudimu wawupristu.

¹⁵Wadikwatilili tupristu twahayinaŋanaŋa, nitwayizamba yampembi nitwanyana kaŋombi yatuŋiliyi.

¹⁶Himukuyilondela ashili nyichima yawu kukukeŋakeŋa Yehova Nzambi yaIsarela, hiyakufuma munyichidi yawaIsarela yejima, hiyakwinza kuYerusalema, nawu amuketwili Yehova Nzambi yawankakulula jawu yimuna.

¹⁷Hiyakukolesha wanta waYuda, hiyakumwinka mwana kaSolomoni Rehobowami Ŋovu nyaka yisatu; muloŋ endeli nyaka yisatu mwendelelaŋa aDavidi naSolomoni.

¹⁸Rehobowami hakusumbula mumbanda, Mahalati mwana kaYerimoti, Yerimoti mwana kaDavidi naAbihayili mwana kaEliyabi, Eliyabi mwanakajesi;

¹⁹yena mumbanda wamuvweleleli anyana amayala, Yewushini Shemariya, niZahami.

²⁰Hakulunjikamu mwana kaAbisalomi Mayaka, yena hakumuvwela Abiya, niAtayi, niZiza, niShelomiti.

²¹Rehobowami wakeŋeli mwana kaAbisalomi Mayaka chakubadika aŋodi jindi ejimani antombu jindi ejima; muloŋa yena wasumbwili ambanda ikumi natanu nasatu, wadiŋi nawantombu jindi awambanda makumi atanu nadimu; wavweli anyana amayala makumi ayedi natanu nasatu, ambanda makumi atanu nadimu.

²²Rehobowami hakumusha mwana kaMayaka Abiya muwuawakulumpi, ekali kalamba hadi ana kwindi, kulonda yena akadyi wanta.

²³Hakwila mwamaana, hakupalaŋesha anyanindi amayala ejima mwahitampata jejima jaYuda naBenjamini, munyikala yejima yampwembu. Hakuyinkaya kudya yayivulu nankashi. Hakuyikeŋela ambanda amavulu nankashi.