Read MUKANDA WANZAMBI 2 Makolonika 12 Bible Online

2 Makolonika 12 - MUKANDA WANZAMBI bible

2 Makolonika 12

¹Chelili wanta waRehobowami wunakoli dehi, niyena nakwati dehi Ŋovu, hakuleka nshimbi jaYehova, niaIsarela ejima hamu.

²Hamwaka wamwanta Rehobowami wamu chitanu mwanta wakuEjipitu Shishaki wenjili nakulwa naYerusalema, nanochu chamumotokeluwu Yehova,

³wenjili namakálu makulakaji ikumi nayedi, niakwatuwalumakombakaji makumi atanu nadimu. Antu afuminiyi nawu muEjipitu kutwesha kuyichinda nehi; niaLubi, niaSuki, niaEtiyopiya.

⁴Hakutambula nyikala yampwembu yadiŋi yaYuda, hakwinza kuYerusalema.

⁵Kaprofwetu Shemaya hakwinza kudi Rehobowami, nikudi atulamba twawaYuda apompeli kuYerusalema nansaŋu yaShishaki, hakuyila nindi, Yehova nahoshi nindi, Enu munanleki dehi, ami nawa nayilekeli dehi muchikasa chaShishaki.

⁶Henohu atulamba twawaIsarela nimwantahiyakudizoza, hiyakwila nawu, Yehova waloŋa.

⁷Yehova chamweniyi anadizozi dehi, izu daYehova hidikwinza kudi Shemaya, nindi, Anadizozi dehi, hinukuyijilumuna kwamuku, nukuyipulwisha chanti, ndombu yami hiyakahuŋu nukila haYerusalema kuchikasa chaShishakuku.

⁸Helachochu, akwikala ambuŋindi, kulonda eluki kunkalakela, nikukalakela anyanta amumatuŋi.

⁹Dichi mwanta wakuEjipitu Shishaki hakwinza nakulwa naYerusalema, hakutwala yuma yalema yamwitala daYehova, niyuma yalema yamwitala damwanta; hakutwala yejima, watweli nawa ninkebu jawuru jeliliyi Solomoni.

¹⁰Mwanta Rehobowami hakuhiŋishamu nkebu jawuneŋu, hakujinka awakulumpi awatulala ahembelaŋa kuchisu chetala damwanta.

¹¹Hiyakwilaŋachonsu chakuyayi mwanta mwitala daYehova atulala hiyakujisendapa, hiyakujifuntishaŋa cheŋi mwitala dawatulala.

¹²Chadizozeliyi, kuzuwa kwaYehova hikukumufuma, nikumujilumuna nawa chikupu nehi; hela chochu, muYuda mwadiŋi yuma yayiwahi.

¹³Mwanta Rehobowami hakudikolesha muYerusalema, hakuyula; hatachikiliyi Rehobowami kuyula, wadiŋi wanyaka makumi awana namwakawumu, wayulili nyaka ikumi nayitanu nayiyedi muYerusalema, diwumukala watondeliyi Yehova munyichidi yawaIsarela yejima, kulondakushaku ijina dindi. Mama yindi ijina dindi diyi Nayama wakaAmoni.

¹⁴Welili chatama muloŋa wabulili kusha muchima windi hakukeŋakeŋa Yehova.

¹⁵Nsaŋu jaRehobowami nkusambila nkukuminina hiyanajisonekimu mukanda wakaprofwetu Shemaya, niwaldo mukwakumona, neyi mwasonekaŋa wunyi yachuku? Rehobowami naYerobowami adasilaŋa majita mafuku ejima.

¹⁶Rehobowami wakamini hamu nawankakulula jindi, amujiikili mumukala waDavidi. Mwanindi Abiya hakumuswana.