Read MUKANDA WANZAMBI 2 Makolonika 14 Bible Online

2 Makolonika 14 - MUKANDA WANZAMBI bible

2 Makolonika 14

¹Abiya wakamini hamu nawankakulula jindi, amujiikili mumukala waDavidi, mwanindi Asa hakumuswana. Hamafuku indi ituŋadamweneni zo-o nyaka ikumi.

²Asa welili chachiwahi chaloŋa kumesu aYehova Nzambi yindi;

³wafumishiluku tmnepa twawantu acheŋi, niyinaŋanaŋa, wahumwini nituposhi twakupeshela, watemeni ninyiyombu.

⁴Walejeli aYuda kukeŋakeŋa Yehova Nzambi yawankakulula jawu, nikwilaninshimbi nikuleja.

⁵Munyikala yawaYuda yejima wafumishilu muyimaŋanaŋa niakishi etaŋwa; muwanta mumwena nikumwena kumesu indi.

⁶Watuŋili nyikala yampwembu muYuda, muloŋa mwituŋa mwamwenenizo-o, hanyakoyu hamweni njitaku, muloŋa Yehova wamunookesheli.

⁷Dichi wayilili aYuda nindi, Tutupenu nyikaliyi, tutuŋilultu mpwembu, nituposhi, niyenzelu ninyikomenu; hohanu hituchidi netuŋa nanichi chituna mukeŋakeŋa Yehova Nzambi yetu; tunamukeŋakeŋa dehi, niyenanatunookeshi dehi mbadi jejima. Atuŋa nikutuŋa, ashakama nichachiwahi.

⁸Asa wadiŋi nanjita yawantu asenda nkebu namayoŋa, amuYuda makombakaji makulakaji asatu; amuBenjamini asenda nkebu, evulapa nimataanyikunji, makombakaji makulakaji ayedi namakombakaji makumi atanu nasatu: ejimawa adiŋi ayilobu akwaŋovu.

⁹Kudi wena hikukwinza kaEtiyopiya Zera nanjita yawantu makombakaji ikombakaji, nimakulakaji amakálu asatu. Hakwinza kuMaresha.

¹⁰Asa hakuya nakumubulakana, hiyakutanjika njita muchinekineki chaZefwata kuMaresha.

¹¹Asa hakubilelakudi Yehova Nzambi yindi, nindi, Eyi hiwamonaŋ kukala kukwashahela akwaŋovu hela abula Ŋovuku; tukwashuku eyi Yehova Nzambi yetu, muloŋa tunashindameni hadeyi, chitunenzi nakulwa naluntu ilu, tunenzimwijina deyi. Eyi Yehova, yeyi Nzambi yetu; bayi akwimika mushindukudi muntu wafwapaku.

¹²Yehova hakutapa aEtiyopiya kwakuyayi Asa, nikwakuyawu aYuda; aEtiyopiya hiyakutemoka.

¹³Asa nawantu adiŋiyi nawu hiyakuyikupisha kushika nikuGerari; aEtiyopiya hiyakudimboka amavulu nankashi chakukaŋanya nikudikolesha cheŋi; muloŋa wena achikekeli kumesu aYehova ni kumesu anjita yindi; hiyakusendaku yuma yabuwiluwu yayivulu nankashi.

¹⁴Atapa ninyikala yejima yadiŋi kwakwihi naGerari; muloŋa woma waYehova wayikwatili; hiyakupupa nyikaloyuyejima, muloŋa mwadiŋi yuma yayivulu nankashi.

¹⁵Atapa nimatenti ayimuna, asendaku ninyikoku yayivulu nankashi, nianŋameli, hiyakufunta kuYerusalema.