Read MUKANDA WANZAMBI 2 Makolonika 15 Bible Online

2 Makolonika 15 - MUKANDA WANZAMBI bible

2 Makolonika 15

¹Spiritu yaYehova hiyikwinza hadi mwana kaOdedi Azariya,

²hakuya nakukinkilila Asa, hakumwila nindi, Eyi Asa, ninenu aYuda nawaBenjamini ejima, ntiyenu; mwonsu mumukwikala naYehova, yena wukwi kala nanenu; neyi mukumukenakeŋa mwakamuwana; neyimukumuleka niyena wakayileka.

³Mafuku amavulu aIsarela abulili Nzambi walala, hela kapristu wakuyileja, hela nshimbi.

⁴Ilaŋa chamwenu wukukala hiyakubalumuka cheŋi kudi Yehova Nzambi yaIsarela, hiyakumukeŋakeŋa, hiyakumuwana.

⁵Hanyakoyu akuya nakwinza hiyamwenikumwenaku, antu ejima ashakamini mumatuŋa adini nakukabakana chacheni,

⁶achikekeli kwapuchi puchi, muza nakuchika muza wukwawu, mukalana kuchika mukala wukwawu; Nzambi diyi wayikabishili nayuma yakalayejima.

⁷Hakwila enu ikalenu naŋovu, makasenu bayi azeyaku, muloŋa mudimu wenu wakutambwila wuloku.

⁸Asa chatiyiliyi mazu awa, niwuprofwetu wakaprofwetu Odedi, hakudikolesha, hakufumisha yishimashima mwituŋa daYuda nidaBenjamini dejima, nimunyikala yatambwiliyi mwituŋa daEfweremi damapidi, hakutuŋulula nikameŋa kaYehova kekala kumesu akuwipililu wakwitala daYehova.

⁹Hakupompesha aYuda nawaBenjamini ejima, ninawa ashakaminuwu nawu afumini kuEfweremi nakuManase, nakuSimeyona; muloŋantu amavulu nankashi amuIsarela ahwilili kudi yena chamwenuwu Yehova Nzambi yindi wudi nayena.

¹⁰Hiyakupompa kuYerusalema mukakwejika muchisatu, mumwaka wayuliliyi Asa wekumi nakatanu.

¹¹Denodu ifuku hiya kumu ketwila Yehova yimuna yakuyuma yabuwiluwu kunjita yaleteluwu, aŋombi makulakaji atanu nayedi, nyikoku makombakaji atanu nayedi.

¹²Hiyakutiyapana chitiyaŋenu chakukeŋakeŋa Yehova Nzambi yawankakulula jawu, namuchima wawu wejima, nawumi wawu wejima;

¹³chakwila yowu wakabula kumukeŋakeŋa Yehova Nzambi yaIsarela hiyakamujaha, hela wakadi kulema hela walema, hela mumbanda hela iyala.

¹⁴Hiyakumusanyika Yehova nezu daŊovu, nakudikuwa, nampùŋa namakoleneti.

¹⁵AYuda ejima hiyakuzaŋalala nakusanyika oku kwasanyikiluwu; muloŋa sanyikili namuchima wawu wejima, amukeŋakeŋeli namuchima wakutiya kuwaha chikupu; amuweni; Yehova hakuyinookesha niniku niniku.

¹⁶NiMayaka nawa, mama yamwanta Asa, wamufumishili muwadi muloŋa wawumbili mukishi wachishimashima wakusha kumuyombu; hakutema mukishi windi, hakumuchikachika, hakumwochela kukakaloŋa Kidironi.

¹⁷Hela chochu, vinaŋanaŋa hiyayifumishili muIsarelaku; helachochu, muchima waAsa wadiŋi walala chikupu mafuku indi ejima.

¹⁸Wepŋili mwitala daNzambi yuma yajilikili tata yindi, niyajilikiliyiyo mwenindi, yasiliva, niyawuru, niyuma yamwitala.

¹⁹Hikwadini nawacheŋi njitaku nikumwaka wayuliliyi Asa wamakumi asatu nakatanu.