Read MUKANDA WANZAMBI 2 Makolonika 17 Bible Online

2 Makolonika 17 - MUKANDA WANZAMBI bible

2 Makolonika 17

¹Mwanindi Yehoshafwati hakumuswana, hakudikolesha kulondakulwa nawaIsarela.

²Hakusha yendu yawakwanjita munyikalayampwembu yawaYuda yejima, hakusha nimashidika mwituŋa daYuda, nimunyikala yakuEfweremi yatambwiliyi tata yindi Asa.

³Yehova wadiŋi hamu naYehoshafwati, muloŋa wendeli mwásambililikwendayi tata yindi, hakeŋakeŋeli kudi aBayaluku,

⁴ilaŋa wakeŋakeŋelikudi Nzambi yatata yindi, wendeli mwaya kuleja kwindi, bayi mwelilaŋawu aIsarelaku.

⁵Dichi Yehova hakumukoleshela wanta muchikasa chindi; aYuda ejima hiyakumuletela Yehoshafwati nyilambu; waswejeli nikuhetanikulema.

⁶Muchima windi awukolesheli munjila jaYehova; hakulunjikakunichuma chikwawu chakufumisha yinaŋanaŋa nanyiyombu muYuda.

⁷Mumwaka wayulihyi wamuchisatu, hakutemesha atulamba twindi aBenihayili naObadiya, niZekariya, niNetaneli, niMikaya, akaleji antumunyikala yamuYuda.

⁸Wayitemesheli hamu nawaLevi, aShemayana Netaniya, niZebadiya, niAsaheli, niShemiramoti, niYehonatani, niAdoniya, niTobiya, niTobi Adoniya, wowu aLevi; niatupristu aElishamana Yehorami hamu.

⁹Hiyakuleja antu amuYuda, iku anasendi mukandawanshimbi jaYehova; hiyakukimboka munyikala yamuYuda yejima, hiyakulejaleja mukachi kawantu.

¹⁰Woma waYehova waholokeli mumawanta amumatuŋa adiŋi kwakwihi naYuda, kumwasaŋa Yehoshafwati majita nehi.

¹¹AFwilistinu amakwawu amuleteleli Yehoshafwati nyilambu, hiyakuhimulambu la nisiliva. Arabiya niwena amuleteleli nyikoku, yizamba makombakaji atanu nayedi namakulakaji atanu nayedi, niyizamba yampembi makombakaji atanu nayedina makulakaji atanu nayedi.

¹²Yehoshafwati hakuya nakutoha nankashi, hakutuŋa muYuda matala akuhata, ninyikala yakuswekela yuma.

¹³Wadi ijina nyidimu yayivulu munyikala yamuYuda; niakwanjita niayilobu akwaŋovu muYerusalema.

¹⁴Tiyenu mwayi chindililuwu mwahita mavumu awankakulula jawu; amuYuda, awakulumpi amakombakaji; kapiteni Adina, nawantu indi ayilobu akwaŋovu makombakaji makulakaji asatu.

¹⁵Mudi yena mwalondeli mukulumpi wanjita Yehohanani nawantu indi makombakaji makumi atanunadimu.

¹⁶Mudi yena mwalondeli mwana kaZikiri Amasiya, wadihenikudi Yehova chakumuchima windi yomweni, nawantu indi ayilobu akwaŋovu makombakaji makulakaji ayedi.

¹⁷AmuBenjamini; Eliyada chilobu mukwa Ŋovu, nawantu indi akweti mata anyikunji nankebu, makombakaji makulakaji ayedi.

¹⁸Mudi yena mwalondeli Yehozabadi, nawantu indima kombakaji nkulakaji, namakombakaji makumi atanu nasatu adiloŋesha dehi kulonda ayi kunjita.

¹⁹Wenawa diwu adiŋi nakumwimena mwanta, kubombelaku ninawa ashiliyi mwanta munyikala yampwembu mwahita Yuda mwejima.