Read MUKANDA WANZAMBI 2 Makolonika 18 Bible Online

2 Makolonika 18 - MUKANDA WANZAMBI bible

2 Makolonika 18

¹Yehoshafwati hakusweja nikuheta ni kulema; hakukundaŋana naAhabi.

²Chimwahitili nyaka yi kwawu hakukunkumuka kuSamariya kudi Ahabi. Ahabi hakujahila niyena niantu adiŋiyi nawu nyikoku naŋombi jajivulu nankashi. Hakumukanjikija nindi ayi nindi kuRamoti Gileyadi.

³Mwanta wawaIsarela Ahabi hakumwila mwanta wawaYuda Yehoshafwati, nindi, Tukuya neyi kuRamoti Gileyadi, tahindi? Hakumwakula nindi, Ami niweyi, antu ami hiyantu eyi; tukuya neyi kunjita.

⁴Yehoshafwati hakumwila mwanta wawaIsarela, nindi, Ehuli mwani, izu daYehova lelu.

⁵Mwanta wawaIsarela hakupompesha atuprofwetu, makulakaji awana awantu, hakuyihula nindi, Tuyi nakwasa njita kuRamoti Gileyadi, tahindi nileki? Nawu, Yaku; Nzambi wakawuhana kudi mwanta.

⁶Yehoshafwati nindi, Kunu hikudi nikaprofwetu kaYehovaku, kulondatumwihuli?

⁷Mwanta wawaIsarela hakumwila Yehoshafwati, nindi, Kwashala muntu wumu kutukumwihwila Yehova, hinamukeŋa kwamuku, muloŋa hamprofwetelaŋa yayiwahuku, chiŋa yatama hohu, diyi mwana kaImila Mikaya. Yehoshafwati nindi, Mwanta bayi ahosha ochuku.

⁸Mwanta wawaIsarela hakutambika ishidika, nindi, Kaleti mwana kaImila Mikaya swayi.

⁹Mwanta wawaIsarela, nimwanta wawaYuda Yehoshafwati, adiŋi ashakama iwu hetanda dindi dawanta, iwu hetandadindi dawanta, anavwali mahinawu, anashakami kulubanza lwakuwiŋililu wakuchisu champwembu yaSamariya; atuprofwetu ejima adiŋi nakuprofweta kumesu awu.

¹⁰Mwana kaKenayana Zedekiya welili nseŋu jindi ŋichikuŋu, nindi, Yehova nahoshi nindi, Jenŋi diji wakashinjika nachuaSiriya nichichakanoŋwu.

¹¹Atuprofwetu ejima hiyakuprofweta mwenomu, nawu, Yaku kuRamoti wakuGileyadi, wakamona kuwaha; Yehova wakawuhana kudi mwanta.

¹²Ntemesha wayili nakutambika Mikaya, hakumwila nindi, Tiya, atuprofwetu adi nakumushi mwina mwanta yayiwahi, izu dawu dimu hohu. Niizu deyi mwani, diikali neyi dawu, wuhoshaŋa yayiwahi.

¹³Mikayanindi, Chahandayi Yehova kwaamu, mwakwilayi Yehova dimu munukuhosha.

¹⁴Chenjiliyi kudi mwanta, mwanta hakumwila nindi, Eyi Mikaya, tuyinakudasa njita kuRamoti Gileyadi, tahindi nileki? Nindi, Yenu, mwakamona kuwaha; akawuhana kudenu.

¹⁵Mwanta hakumwila nindi, Kaŋahiki nukukukumika nami chiŋa wuhoshaŋa kudami yalala hohu mwijina daYehova?

¹⁶Nindi, Namona aIsarela ejima anaŋalaŋani hamapidi, neyinyikoku yinabuli kabiŋa. Yehova hakwila nindi, Awa hiyakweti nkakayawuku; afunti kwawu kumatalawu wejima wawu chamwena.

¹⁷Mwanta wa waIsarela hakumwila Yehoshafwati, nindi, Hidimu nakuleja nami hakamprofwetela ya yiwahuku, chiŋa yoyatama hohuku?

¹⁸Hakwila nindi, Dichi dinu tiya izu daYehova. Namumona Yehova nashakami hetanda dindi dawanta, izaza dejima damwiwulu dinemani kuchikasa chindi chachidiilu nikuchikasa chindi chachimunswa.

¹⁹Yehova hakwila nindi, Hinyi wukumudimba mwanta wawaIsarela Ahabi, kulonda ayi nakudimbukila kuRamoti Gileyadi? Iwu hakuhosha imu, iwu hakuhoshaimu.

²⁰Hikukwinza spiritu, hakwimana kumesu aYehova, nindi, Yami nukumudimba. Yehova hakumwila nindi, Nanka?

²¹Yena nindi, Nukufuma kunu, nukuya nakwikala spiritu wakutwamba namutunwa twawatuprofwetu twindi ejima. Nindi, Wakamudimba, wakemika mushindu nawa. Yaŋa kweyi wakeli mwenomu.

²²Ichi dinu tiya, Yehova nashi dehi spiritu wakutwamba namutunwa twanawa atuprofwetu tweyi ejima. Yehova nakuteneni dehi yatama.

²³Henohu mwana kaKenayana Zedekiya hakwinza kwakwihi, hakumweta Mikaya hekidi, nindi, Spiritu yaYehova waya njila yidihi hafumayi kudami enzi nakuhosha naneyi?

²⁴Mikaya nindi, Tiya, wakachimona ifukudiwakeŋa ila nakubatama mukapeka kamukachi ketala.

²⁵Mwanta wawaIsarela nindi, Mutwalenu Mikaya, mwakamufuntishi kudi mukulumpi wamukala Amoni, namwana kamwanta Yowashi;

²⁶mwakeli nenu, Mwanta nahoshi nindi, Yeniwu mushenu mukaleya, mwakamudi ishiya kudya yekabisha, nimeji ekabisha nichichina kenza cheŋi chamwena.

²⁷Mikaya nindi, Neyi wakamona jakufunta chamwena, komana Yehova hanahosheli kukanwa kamuku. Nindi, Enu antu tiyenu wejima wenu.

²⁸Woho, mwanta wawaIsarela nimwanta wawaYuda Yehoshafwati hiyakuya kuRamoti Gileyadi.

²⁹Mwanta wawaIsarela hakumwila Yehoshafwati, nindi, Nukudifwikŋa neyi nimuntu wacheŋi, niiŋili kunjita; ilaŋaeyi wuvwali mahineyi. Mwanta wawaIsarela hakudifwikŋa neyi muntuwacheŋi, hiyakwijila kunjita.

³⁰Henohu mwanta wakuSiriya waleja dehi awakulumpi amakálu indi, nindi, Bayi mudasa nawakadi kulema hela nawalemaku, chiŋa namwanta wa waIsarela hohu.

³¹Akulumpi amakálu chamwenuwu Yehoshafwati, hiyakwila nawu, Diyi mwanta wawaIsarela. Hiyakufunta kwayilaŋwu, kulonda alwi nindi. Yehoshafwati hakubidika, Yehova hakumukwasha. Yehova hakuyifumisha kudi yena.

³²Akulumpi amakálu chana monu wukomana hidiyi mwanta wa waIsarelaku, hiyakufunta mwayilaŋawu nakumuhaŋa.

³³Muntu wumu hakwevula wuta windi chakadi kwiluka, hakumusowa mwanta wawaIsarela hahumaŋena wuvwalu wayikunu. Yena hakumwila mukwakwendesha ikalu, nindi, Teŋulukaku, wunfumishi munjita, chinankati nankashi.

³⁴Denodu ifuku njita yaswejeli; mwanta wa waIsarela wadikolesheli mwikalu dindi adasi nawaSiriya nikumelela. Chelili itaŋwa hidikuya nakuholoka hakufwa.