Read MUKANDA WANZAMBI 2 Makolonika 19 Bible Online

2 Makolonika 19 - MUKANDA WANZAMBI bible

2 Makolonika 19

¹Mwanta wawaYuda Yehoshafwati wafuntili lewitala dindi kuYerusalema chamwena.

²Mukwakumona Yehu mwana kaHanani, hakuya nakumukinkilila, hakumwila mwanta Yehoshafwati, nindi, Eyiwukwashi atama, wukeŋi ahela Yehova? Ichi ndombu yakufuma kudi Yehova yinakuwani dehi nansanu iyi.

³Hela chochu, mudeyi anamonumu yuma yayiwahi, nanochu chiwunafumishi nyiyombu mwituŋa, nichiwunashi muchima weyi kukukepakeŋa Nzambi.

⁴Yehoshafwati washakamini kuYerusalema; hakuya cheŋi mukachikawantu, kufumisha kuBerisheba kushika nikwituŋa daEfweremi damapidi, hakuyifuntisha cheŋi kudi Yehova Nzambi yawankakulula jawu.

⁵Hakusha ansompeshi mwituŋa, mwahita nyikala yampwembu yejima yamuYuda hamukala hamukala.

⁶Hakuyila ansompeshi nindi, Toŋojokenucha chiwahi chimukwila; muloŋa himwasompeshelapa muntuku, mwamusompeshelapa Yehova, muŋa diyi mudi nakusompeshaŋ nindihamu.

⁷Dichi dinu ikalenu nawoma waYehova, babelenu yimukwila, muloŋa kudi Yehova Nzambi yetu hikwekala hela kuheŋ, hela kwakama antu kumesu, hela kutambula yamukunkuluku.

⁸NimuYerusalema nawa Yehoshafwati washilumu aLevi nawatupristu, niakulumpi akumavumu awankakulula jawaIsarela, kulonda wuŋiji waYehova, ninyiloŋa. Hiyakufunta kuYerusalema.

⁹Hakuyileja nindi, Mwakelaŋa mwomwenimu nakumutiya Yehova woma, nakashinshi, namuchimawalala chikupu.

¹⁰Neyi ana kwenu ashakama munyikala yawu akaholoka kudenu namuloŋa wambandu, hela walushimbi, hela wakuleja, hela wayidika, hela wawuŋaji, mwakayikaandaŋa kulonda akabuli kutanyakudi Yehova, kuchina ndombu yikuyiwana ninenu niana kwenu; ilenumwenimu kulonda mwakabuli kutanya.

¹¹Talenu kapristu muneniAmariya diyi wukuyitalaŋa kunsaŋu jaYehova jejima; mwana kalshimeli Zebadiya, nyuli yakumutaŋa waYuda, diyi wukuyitalapa kunsaŋu jamwanta jejima; aLevi nawa diwu akwikala akwakuyimena kumesu enu. Dikwatishenu, Yehova ekali namuwahi.