Read MUKANDA WANZAMBI 2 Makolonika 21 Bible Online

2 Makolonika 21 - MUKANDA WANZAMBI bible

2 Makolonika 21

¹Yehoshafwati wakamini hamu nawankakulula jindi, amujiikili hamu nawankakulula jindi mumukala waDavidi. Mwanindi Yehorami hakumuswana.

²Yena wadiŋi nawana kwindi anyana kaYehoshafwati, niAzariya, niYehiyeli, niZekariya, niAzariya, niMikayeli, niShefwatiya, ejimawa adiŋi anyana kamwanta wawaIsarela Yehoshafwati.

³Tatayawu wayinkeli yamukunkulu yamaneni, niyasiliva, niyawuru, niyayumayalema, hamu nanyi kala yamuYuda yampwembu. Ilaŋa wanta wawinkeli Yehorami nanochu chadiŋiyi wedi.

⁴Woho, Yehorami chanadinyamuniyi hawanta watata yindi, nadikoleshi dehi, hakujaha ana kwindi ejima nampoku yakabali, niatulamba awaIsarela amakwawu nawa.

⁵Hatachikiliyi Yehorami kuyula, wadiŋi wanyaka makumi asatu nanyaka yiyedi. Wayulili muYerusalema nyaka yitanu nayisatu.

⁶Wendeli mwendelelaŋa anyanta awaIsarela mwomwelilaŋa akwamutaŋa waAhabi, muloŋa yena wasumbwili mwana kaAhabi, hakwila nichatama kumesu aYehova.

⁷Hela chochu, Yehova hakeŋeli kujilumuna akwamutaŋa waDaviduku, muloŋa wachitiyaŋenu chatiyapeniyi naDavidi, nichamu kaniniyi kumwinka inopu dayena nawanya nindi nyaka yonsu.

⁸Hamafuku adiŋiyi, aEdomi adikapili nawaYuda, hiyakushamu mwantawawu awenawu.

⁹Yehorami nawawakulumpi jindi anjita hiyakuhitaku, nimakálu indi ejima hamu. Hakunyamuka nawufuku, hakutapa aEdomi amunyeŋu mukili, niakulumpi amakálu.

¹⁰AEdomi saŋa adikapilawu nawaYuda nikulelu. Henohu dihu hadikaŋiluwu nindi, niaLibina nawa, nanochu chalekeliyi Yehova Nzambi yawankakulula jindi.

¹¹Welili nawaniyinaŋanaŋa hampidi jamuYuda, wayikoŋesheli akwakushakama muYerusalema wuvumbi, hakuluwisha niaYuda.

¹²Kudi kaprofwetu Elija hikukufuma mukanda, nindi, Yehova Nzambi yankakulula yeyi Davidi, nahoshi nindi, Ochu chiwunabuli kwenda mwendelelaŋatata yeyi Yehoshafwati, hela mwendelelaŋa mwanta wawaYuda Asa,

¹³hiwukwenda mwendelelaŋa anyanta awaIsarela, hiwukukopesha aYuda nawakwatushakama kuYerusalema wuvumbi, mwomwelilaŋa akwamutaŋa waAhabi; hiwukujaha niana kweyi akumutaŋa watata yeyi akubadikili kuwaha;

¹⁴tiya dinu, Yehova waketa antu eyi, nianyaneyi, ni aŋodi jeyi, nimaheteyi kweta kwakweni;

¹⁵wakakata yikatu yamaneni yamusopuwamu nyijiriwa, ninyijiŋwa yeyi yakaholoka mwivumu nayikatu yahefuku hefuku.

¹⁶Yehova hakumusaŋu mwina Yehorami spiritu yawaFwilistinu, niyawaArabiya ekala kwakwihi nawaEtiyopiya.

¹⁷Hiyakwinza nakulwa nawa-Yuda, hiyakuyilukuka, hiyakusenda maheta ejima awenuwu mwitala damwanta, ni anyanindi amayala nawa, ni aŋodi jindi: hiyamushiyililuhu mwana weyalaku, chiŋa yowu Ahaziya mwanindi weyala wakansi.

¹⁸Kulondela hayumiyi yejima, Yehova hakumweta munyijiŋwa namusoŋuwa kokewaŋa.

¹⁹Chimwahitili mafuku, kukumana kwanyaka yiyedi, nyijiŋwa yindi hiyikuholoka mwivumu nayikatu yindi, afwa ninayikatuyakala nankashi. Antu indi kumwochela neyi chochelelaŋawu ankakululajindi nehi.

²⁰Hatachikiliyi kuyula wadiŋi wanyaka makumi asatu nanyaka yiyedi. Hakuya chakadi niwakumutiyila wushona. Amuŋikili mumukala waDavidi, ilaŋa kumujiika mumajamu awanyanta nehi.