Read MUKANDA WANZAMBI 2 Makolonika 26 Bible Online

2 Makolonika 26 - MUKANDA WANZAMBI bible

2 Makolonika 26

¹Antu amuYuda ejima hiyakutambula Uziya wadiŋi wanyaka ikuminayitanu nawumu, hiyakumuswanisha mwadiŋi tata yindi Amaziya.

²Watuŋili Eloti, wawufuntishili cheŋi kudi aYuda, henohu mwanta nakami dehi hamu nawankakulula jindi.

³Hatachikiliyi Uziya kuyula wadiŋi wanyaka ikumi nayitanu nawumu, wayulili nyaka makumi atanu nanyaka yiyedi muYerusalema. Mama yindiijina dindi Yekiliya wamuYerusalema.

⁴Welilaŋa chaloŋa kumesu aYehova, mwejima mwelilaŋayi tata yindi Amaziya.

⁵Wadinkeli kumudimu wakukeŋakeŋa Nzambi hamafuku adiŋiyi Zekariya welukilaŋa mwayilaŋa yimwenu yaNzambi; Nzambi wamushakamishili chachiwahi mafuku ejima amukeŋakeŋeliyi Yehova.

⁶Hakuya nakulwa nawaFwilistinu njita, hakusanda mpwembu yaGati, nimpwembu yaYabene, nimpwembu yaAshidodi; hakutuŋa nyikala mwituŋa dakuAshidodi, nimukachi kawaFwilistinu.

⁷Nzambi hakumukwashakuyasa aFwilistinu niaArabiya ashakamini muGuribayali, niaMewuni.

⁸AAmoni hiyakiunuletela Uziya nyilambu; ijina dindi ditiyakana niti-li-li, nikuwiŋililu wakuEjipitu, muloŋa yena waswejeli nankashi Ŋovu.

⁹Uziya watuŋili nawa muYerusalema tupositi twamalola kuchisu chakwiwombu dampwembu, nikuchisu chakuchinekineki, nikuwubalumukilu wampwembu, hakutuhatisha.

¹⁰Watuŋili tuposhi twamalola mwisapa, wapokwelimumalola mwakuswekela meji, muloŋa wadiŋi nawaŋombi amavulu, nimunkulu nimuchana; wadiŋi nawandimi niakwakuloŋesha nyivinyunikumapidi nikuKarameli; muŋa yena wadiŋi wakeŋa i kudima.

¹¹Uziya wadiŋi nanjita yindi yawakwakwasa, ayilaŋa nakwasa njita hachendu hachendu, mwomwayichindililuwu mwomwayisonekeleluwu kudinsoneki Yeyeli, nikudi pambela Maseya, chakuyitumapawu kudi Hananiya, mukulumpi wumu wanjita yamwanta.

¹²Akulumpi akumavumu awankakulula, wowu ayilobu akwaŋovu, kuyichinda ejima ashikili mumakombakaji ayedi namakulakaji atanu nadimu.

¹³Niwena adiŋi nanjita yawu yadiza dehi kwasa, antu makombakaji makulakaji asatu, namakombakaji atanu nayedi, namakulakaji atanu aasilaŋa njita naŋovu yabadika nankashi, kulondakumukwasha mwanta kwasa njita nachilumbu.

¹⁴Uziya hakuloŋeshelanjitiyi yejima nkebu, nimayoŋa, nimatepa ayikupu, niyikovwelu yatumaleŋi, nimata anyikunji, nimalola akwasaŋa.

¹⁵MuYerusalema hakutuŋila mumashinyi akufuukula kudi amayala ababala, kulonda ekali hatuposhinaha mpwembu, kulonda kwasaŋi nachu nsewu nimalola amaneni. Ijina dindi ditiyakana niti-li-li, muŋa amukwashiluku nankashi chi kweti nikuhayama, nichakwatiliyi Ŋovu.

¹⁶Ilaŋa chakwatiliyi Ŋovu hakudivwimba mumuchima windi, hakwilani chakudikisaŋana, hakumotoka Yehova Nzambi yindi, hakwijila mutembeliya Yehova nindi ochi insensi hakameŋa kakwochela insensi.

¹⁷Kapristu Azariya hakumulondelamu, hamu namakumi atanu nasatu awatupristu twaYehova adiŋi ayilobu.

¹⁸Hiyakumulekesha mwanta Uziya, hiyakumwilanawu, Eyi Uziya, kumwochela Yehova insensi himudimu weyuku, himudimu wambala wawatupristu anyana kaAroni, ajilikilawu dehi mudimu wakwocha insensi. Fumaku mumalala, wunaputi muŋa; chumi chihichiku kuletela kulema kudi Yehova Nzambuku.

¹⁹Uziya hakuzuwa; kuchikasa chindi saŋa akwatilayi cheŋa chainsensi, nindi ochi insensi; hadiŋi nakuzuwayi nawatupristu, mbumba hiyikwidika mwihama dindi, mwitala daYehova kumesu awatupristu kwakwihi nakameŋa kainsensi.

²⁰Kapristu muneni Azariya niatupristu ejima cheliluwu nawu amutali, komana wela dehi mbumba kwihama dindi, hiyakumushinjeka mwenomuswayi swayi, mwalala niyomwenindi hakunyakala kufumamu, muloŋa Yehova namweti dehi.

²¹Mwanta Uziya wadiŋi mukwambumba hohunikwifuku dakufwa kwindi, washakaminaŋa mwitala dakwacheŋi nanochuchadiŋiyi mukwambumba; muloŋa amufumishili kwitala daYehova. Mwanindi Yotami hakuyulaŋa mwitala damwanta, hakusompeshaŋa antu amwituŋa.

²²Nsaŋu jaUziya jinashaluku, nkusambila nkukuminina, ajisonekeli kudi kaprofwetu Isaya mwana kaAmozi.

²³Uziya hakukama hamu nawankakulula jindi; amujiikili hamu nawankakulula jindi mwiha dajiikilaŋawu anyanta, muloŋa elili nawu himukwambumba. Mwanindi Yotami hakumuswana.