Read MUKANDA WANZAMBI 2 Makolonika 3 Bible Online

2 Makolonika 3 - MUKANDA WANZAMBI bible

2 Makolonika 3

¹Solomoni hakutachika kutuŋa itala daYehova kuYerusalema kumpidiya Moriya, kwamwekeneni Yehova kudi tata yindi Davidi, kwaloŋesheliyi kwokwateneniyi Davidi, kwokuwuhulilu wakaYebusi Orinani.

²Watachikili kutuŋi mwifuku damu chiyedi dakakweji kamuchiyedi kamwaka wawanta windi wamuchiwana.

³Tiyenu yikuku yaaliliyi Solomoni yakutuŋila itala daNzambi; munkotweli jachikasa jachesekelu chakusambila mukuleha makumi atanu nadimu, mukutoha munkotweli makumi ayedi.

⁴Ikeki dakuchisu chakumesu kuleha kwadu mwomukuto hakwetala, munkotweli makumi ayedi; kuleha kwakwiwulu munkulakajina makumi ayedi; mukachi walamikilumu wuru wakoseka.

⁵Mwitala deneni washilumu kapala kanyinjunŋa, hanyinjunŋa walamikiluhu wuruwawuwahi, wabaziluhu nyikoma namaleŋi.

⁶Wawahishili itala natumalolatwalema kulonda lubanji; wuru wadiŋuku wadiŋi wakuParivayimi.

⁷Nikwitala, nikunyalachi, nikumaluŋ nakuyisu, nikumbariu jadu, nikuyenzeluyadu, walamikiluku wuru; hambaŋu wabaziluhu akerubi.

⁸Hakutuŋa niitala dasweja kujila; kuleha kwadu mwomukutoha kwetaladadeni, munkotweli jachikasa makumi ayedi, kutoha kwadu munkotwelimakumi ayedi; walamikilumu wuru wakoseka mbaŋu jejima wasnikamuntalenta makulakaji atanu nadimu.

⁹Pezu yambwambu yashikili mujishekeli jawuru makumi atanu. Matala ahewulu walamikilumu wurumbaŋu jejima.

¹⁰Mwitala dasweja kujila wasoŋelelumu akerubi ayedi akusopa neyi chasopaŋawu nkishi, alami kiluhu wuru.

¹¹Mpúula jawakerubi jashikili munkotweli makumi ayedi; lupúula lumu lwakerubi lwankotweli jitanu, lwakwatili kumbapu yetala; lupúula lukwawu lwankotweli jitanu nawa, lwakwatili kulupúula lwakerubi mukwawu.

¹²Lupúula lwakerubi mukwawulwankotweli jitanu, lwakwatili kumbapu yetala; lupúula lukwawulwankotweli jitanu nawa, lwabulakana nalupúula lwakerubi mukwawu.

¹³Mpúula jawakerubi awa chitandamini jashikili munkotweli makumi ayedi; emeni hanyendu yawu mesu awu atala mwitala.

¹⁴Watuŋili ihina dakujika nachu dawuzeeli nawusombuji nawanda wuchinana nge, nawandawawuwahi wutooka, wachimininuhu akerubi.

¹⁵Kumesu etala watuŋiluku nawa yishimi yiyedi yankotweli makumi asatu najitanu mukuleha kwiwulu, hewulu dayu yejima yiyedi watuŋiluhunyitu yankotweli jitanu.

¹⁶Muwuhoshelu watuŋilumu maleŋi, hakuyishahewulu dayishimi. Watuŋili ninkulakaji yamabula, hakuyisha hamaleŋi.

¹⁷Hakwimika yishimi kumesu atembeli, chimu hachikasa chachidiilu, chikwawu hachimunswa; chadiŋi hachikasa chachidiilu hakuchitumba ijina nindi, Yakini; chadiŋi chachimunswa ijina dachu Bowazi.