Read MUKANDA WANZAMBI 2 Makolonika 30 Bible Online

2 Makolonika 30 - MUKANDA WANZAMBI bible

2 Makolonika 30

¹Hezekiya watemesheli mazukudi aIsarela nawaYuda ejima, wasonekeli nawa nyikanda kudi aEfweremi nawaManase, nindi, Twayenukwitala daYehova kuYerusalema mwakamudiili Yehova Nzambi yawaIsarela paseka.

²Muloŋa mwanta nawatulamba twindi, nadiipompelu chamuYerusalema chejima akwata dehi mpùŋa, nawu, Tudyenu paseka mukakweji kamuchiyedi.

³Muloŋa kaŋenyi kuyidya hamafuku owu, nanochu chakeheluwu atupristu adijilikili, niantu adiŋi kanda apompi kuYerusalema.

⁴Chumichi achimweni kuŋa kudi mwanta, nikudi chipompelu chejima.

⁵Izu dakwila nawu akenzi nakumudiila Yehova Nzambi yaIsarela paseka kuYerusalema, hiyakudikolesha, hiyakuditiyakesha mwahita Isarela mwejima, kufumisha kuBerisheba kushika nikuDani; muloŋa habulawu dehi kuyidya mwasonekawu dehi, haleha dehi.

⁶Akwakwenda lufuchi hiyakuya mwahita Isarela naYuda mwejima, nanyikanda yakufuma kudi mwanta nawatulamba twindi, chakuyileja kudi mwanta, nawu, Enu anyana kaIsarela balumukenu cheŋi mutali kudi Yehova Nzambi yaAbarahama, naIsaka, naIsarela, kulonda afunti cheŋi kudenumunashali, munapuluki kudi anyanta akuAshuri.

⁷Bayi mufwana neyi ankakulula jenu nawana kwenu amumotokeli Yehova Nzambi yawankakulula jawu, mwakenzi ayimweshi kujilumuka, neyi chimunamonuku.

⁸Bayi muchinchika neyi chachinchikili ankakulula jenuku, dihanenu kudi Yehova, mwiŋili mumalala indi anajilikiyi chahaya nyaka, mumukalakelaŋa Yehova Nzambi yenu, kulonda kuzuwa kwindi kwasweja kuyifumi.

⁹Neyi mwakabalumuka cheŋi nakutala kudi Yehova, ana kwenu nawanyanenu akayitiyila wushona kudi ayitweli muwukoli, akafunta cheŋi mwituŋa dinu. Muloŋa Yehova Nzambi yenu wukweti wushona, waanakenaŋa, neyi mukufunta kudi yena hakabalumuka mesu indi nakutala kwacheŋuku.

¹⁰Akwakuya lufuchi hiyakuya hamukala hamukala mwituŋa daEfweremi na Manase, ndo nikuZebuluni; hiyakuyiseha nankashi, hiyakuyitaŋula.

¹¹Hela chochu, antu amakwawu amuAsheri namuManase namuZebuluni adizozeli, hiyakwinza kuYerusalema.

¹²NimuYuda nawa chikasa chaNzambi chadiŋi mwomu, hakuyinka muchima wumu wakwila mwayilejeliyi mwanta nawatulamba namazu akudi Yehova.

¹³KuYerusalema kwapompeli antu amavulu nakudya chawija chamankendi akadi ilupi, mukakweji kamuchiyedi, chipompelu cheneni nankashi.

¹⁴Hiyakunya moka nakufumisha tumeŋa twadiŋi muYerusalema, hiyakufumishamu nitumeŋa twakwochela insensi twejima, hiyakutunatila mukakaloŋa Kidironi.

¹⁵Hiyakujaha paseka hefuku dekumi nakawana dakakwejika muchiyedi. Atupristu nawaLevi atiyili nsonyi, hiyakudijilika, hiyakuleta nyilambu yakushita mwitala daYehova.

¹⁶Hiyakwimana mwawu mwemenenaŋawu, mwomwaya nshimbi jamuntu waNzambi Mosi; atupristu hiyakusampula mashi atambwiluwu kudi aLevi.

¹⁷Muloŋa muchipompelu mwadiŋi amavulu abulili kudijilika, dichi aLevi hiyakwikalana mudimu wakujaha paseka jawantu ejima abulili kutooka, kulonda amujilikiluwu Yehova.

¹⁸Muloŋa antu amavulu, wowu akuEfweremi nakuManase nakuIsakari nakuZebuluni, abulili kuditookesha, hela chochu, adiili paseka mwacheŋi mwabulili kuyisonekelawu.

¹⁹Muloŋa Hezekiyawayilombeleli, nindi, Yehova muwahi avanakeni wejima wawu akushanyichima yawu kukukeŋakeŋa Nzambi Yehova, yowu Nzambi yawankakulula jawu, hela anabuli kuyitookesha mwaya kutookesha kwakumalala.

²⁰Yehova wamutiyilili Hezekiya, hakuyuka antu.

²¹Anyana kaIsarela apompeli kuYerusalema, adiili chawija chamankendi akadi iluŋi mafuku atanu nayedi nakuluŋ kwakweni; aLevi nawatupristu hiyakuhamekaŋa Yehova hefuku hefuku, nakumwimbila Yehova tuminanayuma yakwimba nachu yavuma nankashi.

²²Hezekiya hakukundeja aLevi ejima adiŋi nawukalawenu wakwila mudimu waYehova; hiyakudya mwahitili chawija chejima chamafuku atanu nayedi, hiyakulambulaŋa yimuna yanyilambu yakuwunda, hiyakusakililaŋa Yehova Nzambi yawankakulula jawu.

²³Chipompelu chejima hichikukwata mpùŋa yakwila nawu, Tudyenu mafuku amakwawu atanu nayedi. Hiyakudya mafuku amakwawu atanu nayedi nakuluŋa.

²⁴Muloŋa mwanta wawaYuda Hezekiya wenkelichipompelu aŋombi amayala ikombakaji, ninyikoku makombakaji atanu nayedi yakulambulaŋa; atulamba enkeli chipompelu aŋombi amayala ikombakaji, ninyikoku makombakaji ikumi; atupristu amavulu nankashi adijilikili nawa.

²⁵Chipompelu chaYuda chejima, hamu nawatupristuna waLevi, nichipompelu chejima chafumini muIsarela, nienyi afumini mwituŋa daIsarela, nienyi ashakamini muYuda, azaŋaleli.

²⁶MuYerusalema mwadiŋi kuluŋa kwakweni, muloŋa kufumisha hamafuku adiŋiyi Solomoni mwana kaDavidi mwanta wawaIsarela, hiyamweni chenochu muYerusalemaku.

²⁷Atupristu nawaLevi hiyakunyamuka nakukiswila antu nkisu. Atiyili izu dawu, kulomba kwawu kwashi kili mwashakamayi mwajila, mwomwiwulu.