Read MUKANDA WANZAMBI 2 Makolonika 31 Bible Online

2 Makolonika 31 - MUKANDA WANZAMBI bible

2 Makolonika 31

¹Chamanishiluwu kwila yumiyi yejima, aIsarela ejima adiŋuku hiyakufuma munyikala yawaYuda, hiyakuya nakuhumona tuposhitwakupeshela, nakutema ninyiyombu, hiyakuhumona yinaŋanaŋa natumeŋa muYuda namuBenjamini mwejima, nimuEfweremi naManase nawa, nichakisaŋenuwu yejima. Anyana kaIsarela hiyakufunta wejima wawu, kwawu kwahetawu munyikala yawu awenawu.

²Hezekiya hakuloŋesha mazanvu awatupristu nawaLevi, awa nezanvudawu, awa nezanvu dawu, mwomukwikalila nyidimu yawu wejima wawu, niatupristu niaLevi, kulonda elapa nyilambu yakushita ninyilambu yakuwunda, akalakalaŋa, asakililaŋa, ahamekaŋa muyisu yakuchilombu chaYehova.

³Waambwiluku nawa iseka dayuma yayomweni mwanta, danyilambu yakushita, yoyi nyilambu yakushita yabudidi namelela, yajisabata, niyatukweji twatwiha, niyayawija yakushiika dehi, mwomwasonekeluwu munshimbi jaYehova.

⁴Hakuleja antu ashakamini muYerusalema kuhana iseka dayuma yawatupristu nawaLevi, kulonda wena akatweshi kudinka kumudimu wanshimbi jaYehova.

⁵Chiyatiyakeninsaŋu oyu, anyana kaIsarela hiyakuhana nankashi yakudya yatachi, nitidiku, nivinyu, nimanji, niwuchi, niyuma yejima yasoŋasoŋaŋa mumaha. Aleteli nawa nankashi iseka yamwikumi yayuma yejima.

⁶Anyana kaIsarela naYuda ashakamini munyikala yaYuda aleteli nawa amwikumi awaŋombi nanyikoku, niyamwikumi yayuma yakukunjika dehi yamukunjikililu wuYehova Nzambi yawu, hiyakuyilumbeka nyilumba nyilumba.

⁷Nyilumba hiyakuyitachika mukakweji kamuchisatu, hiyakuyimanisha mukakweji kamuchitanu nachiyedi.

⁸Chenjiluwu aHezekiya nawatula mbana kutala nyilumba, hiyakukiswila Yehova nawantu indi nkisu.

⁹Hezekiya hakwihula atupristu nawaLevi nsaŋu yanyilumba.

¹⁰Kapristu mune niAzariya, wakwivumu daZadoki, hakumuleja nindi, Kufumisha hatachikiluwu antu kuleta nyilambu mwitala daYehova, tunadyi, tunekuti, tunashiyuhu yayivulu, muloŋa Yehova nakiswili antu indi nkisu; yinashaluhu yoyi mpawuyejimiyi.

¹¹Hezekiya hakuyileja kuloŋesha tupeka mwitala daYehova; hiyakutuloŋesha.

¹²Hiyakwiŋijimu ninyilambu, niyamwikumi, niyuma yakunjikiluwu antu, chakashinshi. KaLevi Konaniya diyi wadiŋi nyuli wakutalayumiyi, mana kwindi Shimeyi diyi wamulondeli hanyima.

¹³NiYehiyeli, niAzaziya, niNahati, niAsaheli, niYerimoti, niYozabadi, niEliyeli, nilsimakiya, niMahati, niBenaya, diwu adiŋi akwakutala nyidimu chakuyilejaŋa kudi Konaniya, namana kwindi Shimeyi, ayikunjikiluku kudi mwanta Hezekiya nanyuli wakwitala daNzambi Azariya.

¹⁴Koremwana kaImina kaLevi, mukwakuhemba kuchisu chakumusela, diyi watalilaŋa nyilambu yaletelaŋawu antu kudi Nzambi chakunyichimayawu, kulonda kwanjaŋanaŋa nyilambu yaYehova niyuma yasweja kujila.

¹⁵Atalilaŋa kudi yena Edeni niMiniyamini niYeshuwa, niShemaya, niAmariya, niShekaniya, munyikala yawatupristu, mumudimu wawuwayikuhwelelawu wakuyinkaŋa ana kwawu mwahita mazanvu awu, helaalema hela akadi kulema.

¹⁶Kulunjikaku amayala asonekeluwu nyiyachiyawu, kufumisha kudi anyaka yisatu niakubadikamu, wowu ejima eŋililaŋa mwitala daYehova, mwekalila mudimu wefuku, kulonda kwilaŋa nyidimuyawu yayishiikawu mwekalila mazanvu awu;

¹⁷niatupristu asonekeluwu nyiyachi yawu mwahita mavumu awankakulula jawu, niaLevi akufumishakunyaka makumi ayedi niakubadikamu, hanyidimu yawu yayishiikawu mwekalila mazanvu awu.

¹⁸Ni anyanawu anyanya, niaŋodi jawu, nianyanawuamayala, ni anyanawu awambanda, ejima, mwahita chipompelu chejima, asonekeluwu kunyiyachi yawu; muloŋa adijilikili kumudimu wawu wayikuhwelela wuchakujila hohu.

¹⁹Nikudi atupristu anyana kaAroni adiŋi mumaha amumpata jadiŋi munyikala yawu yejima, hamukala hamukala, kwadiŋi nawa amayala atenenuwu majina, kulonda enkaŋ atupristu amayala maseka, kulonda enkaŋa niaLevi asonekeluwu nyiyachi yawu ejima.

²⁰Dimu mweliliyi Hezekiya mwahita Yuda yejima. Wakoŋelaŋa chachiwahi chaloŋa chakashinshi kumesu aYehova Nzambi yindi.

²¹Munyidi muyejima yatachikiliyi yakukalakela itala daNzambi, nimunshimbi, nimukuleja, chakukeŋakeŋa Nzambi yindi, wayilili namuchima windi wejima, wayimweni kulumbuluka.