Read MUKANDA WANZAMBI 2 Makolonika 32 Bible Online

2 Makolonika 32 - MUKANDA WANZAMBI bible

2 Makolonika 32

¹Kulondela hayumiyi nihakashinshi aka, mwanta wakuAshuri Senakeribi hakwinza, hakwipila muYuda, hakutuŋila nyikala yampwembu yilombu, hakutoŋojoka nindi ayihumoni yiikali yindi.

²Hezekiya chamweniyi Senakeribi nenzi dehi, chamweniyi nakeŋi kudasanjita naYerusalema,

³hakukwata mpùŋa nawatulamba twindi nawayilobuyindi ajiki meji akutuseloki twadiŋi kunsembwa yamukala; hiyakumukwashaku.

⁴Kupompa niantu amavulu, hiyakujika tuseloki twejima, nikakaloŋa kadiŋi nakuhita mukachi ketuŋa, nawu, Indi anyanta akuAshuri enzi awani tuhu meji amavulu?

⁵Hakudikwatisha, hakutuŋulula cheŋi mpwembu yejima, hakuyilehesha yishika nikutuposhi, hakutuŋa nimpwembu yi kwawu yakuma hanzi, hakukolesha Milo mumukala waDavidi, hakwila niyitwa ninkebu jajivulu.

⁶Hakushaku awakulumpi anjita akutala antu, hakuyipompesha kudi yena mulubanza lwekala kuchisu chamukala, hakuhosha nawu chakuyikundeja,

⁷nindi, Dikwatishenu, mwakomiki chacheni, bayi mutiya woma, helaku hayama mwanta wakuAshuri naluntu lwejima lwadiyi naluku. Muloŋa wudi nanetu nabadiki wudi nayena.

⁸Kudi yena kudi chikasa chawuntu, kudetu kudi Yehova Nzambi yetu wakutukwashaku, wakutwasila njitajetu. Antu hiyakushindamena hamazu amwanta wawaYuda Hezekiya.

⁹Kulondela hachumichi, mwanta wakuAshuri Senakeribi hakutemesha ambuŋindi kuYerusalema; yena henohu wadiŋi kuLakishi nawantu indi ejima; hiyakuya kudi mwanta wawaYuda Hezekiya nikudi aYuda ejima adiŋi muYerusalema,

¹⁰hiyakwila nawu, Mwanta wakuAshuri Senakeribi, nahoshi nindi, Munakuhweleli chumanyi, mwaka mushakami muYerusalema nakuyikuchika?

¹¹Komana Hezekiya diyi wudi nakuyi kanji kŋa nindi ayihani mumonikufwa nanzala nampwila, nindi, Yehova Nzambi yetudiyi wukutupulwisha kudi mwanta wakuAshuri, tahindi?

¹²Hidiyiyeniwu Hezekiya wafumishili yinaŋanaŋa yindi nitumeŋa twindi, walejeli aYuda nawakwaYerusalema, nindi, Mwakadifukulaŋa kukameŋa kamu hohu, dihu mwakochelaŋa insensuku, tahindi?

¹³Himuneluki munakoŋami nawankakulula jami nyuza yamumatuŋaku, tahindi? Akishi anyuza yamumatuŋa awa atwesheli kupulwisha matuŋiwu kudami, tahindi?

¹⁴Akishi ejima anyuzoyu yajilumwinuwu chikupu kudi ankakulula jami, hamwekeni mukishinyi watwesheli kupulwisha antu indi kudami, mwaka Nzambi yenu atweshi kuyipulwisha kudami?

¹⁵Dichi dinu bayi ayidimba hela kuyikanjikŋachenichi kudi Hezekiyaku, bayi mumwitiyaku. Muloŋa hikwekalamukishi wamuza niwumu, hela wetuŋi nidimu, natweshi kupulwisha antu indi kudami hela kudi ankakulula jamuku; mwinzi mumoni kuyamwinamuchikasa chami kudi Nzambi yenu?

¹⁶AmbuŋaSenakeribi hiyakulunjikaku mazu amakwawu akuhosha Yehova Nzambi nakambuŋindi Hezekiya chatama.

¹⁷Hakusoneka nawaninyikanda yakumusawula Yehova Nzambi yaIsarela yakumuhosha chatama, nindi, Chijikaŋenyi akishi anyuza yamumatuŋa kupulwisha antu awu kudami, dichi chakakaŋanyayi niNzambi yaHezekiya kupulwisha antu indikudami.

¹⁸Hiyakubidika antu amuYerusalema adiŋi hampwembu mwidimi dawaYudeya chakola, kulonda ayitiyishi woma ayakamishi, atweshikutambula mukala.

¹⁹Nzambi yaYerusalema hiyakumutena neyi chatenenuwu akishi anyuza yahamaseki akutuŋi kumakasa awantu.

²⁰Hansaŋu iyi mwanta Hezekiya, nakaprofwetu Isaya mwana kaAmozi, hiyakulomba, hiyakubilela kwiwulu kudi Nzambi.

²¹Yehova hakutemeshakaŋelu, hakujilumuna ayilobu akwaŋovu ejima, nianlomboli, niakulumpi anjita, adiŋi muchilombu chamwanta wakuAshuri. Hakufunta kwituŋa dindi nansonyi kumesu. Cheŋililiyi mwitala damukishi windi, afumini munkuma yindi hiyakumujahila mwenomu nampoku yakabali.

²²Yehova ahandisha niHezekiya niakwakushakama muYerusalema kudi mwantawa kuAshuri Senakeribi, nikudi antu ejima, hakuyilombolapa mbadi jejima.

²³Antu amavulu hiyakumuletela Yehova nyilambu kuYerusalema, hiyakumuletelani mwanta wawaYuda Hezekiya yuma yalema; kufumisha henohu alema ni kulema kumesu anyuza yejima.

²⁴Hamafuku owu Hezekiya hakukata yikatu yakufwa. Hakulomba kudi Yehova, yena hakuhosha nindi, hakumwinka chinjikijilu.

²⁵Hezekiya kulubulamu kwindi yayiwahi nachumochu chachiwahi chamwililuwu nehi; muŋa wadinkeli wanta mumuchima windi, dichi ndombu hiyikuholokelahadi yena, nihaYuda naYerusalema.

²⁶Hezekiya adizoza nikudizozana nochu chadinkeliyi wanta mumuchima windi, niyena niakwakushakama muYerusalema hamu, dichi ndombu yaYehova hiyaholokeleli hadi wenahamafuku adiŋiyi Hezekiyaku.

²⁷Hezekiya waswejeli nimaheta ni kulema. Watuŋili mwakuswekela siliva yindi, niwuru windi, nitumalola twindi twalema, ninyiseki yindi, ninkebu jindi, niyuma yindi yayiwahi yeŋi nayeŋi;

²⁸nimatala akuswekelatidiku yakumunawu, nivinyu, nimanji; nimatala awanyama ejima ijina epi, nimayinda anyikoku.

²⁹Hakutuŋisha ninyikala yindi yampwembu, hakuheta ninyikoku ni aŋombi amavulu; muloŋ Nzambi wamuhetesheli maheta amavulu nankashi.

³⁰Yena Hezekiya iwu, diyi wajikili kaseloki kakundundamu kameji aGihoni, wayikunkumwishili kumbadi yamukala waDavidi yakumujika. Hezekiya wamweni nyidimu yindi yejima kulumbuluka.

³¹Hakwila kunsaŋu yawatuŋanda twawatulamba twakuBabiloni atemesheli mazu akumwihula chuma chakuhayama cheliluwu mwituŋa, Nzambiwa mulekeli tuhu kulonda kumweseka eluki yejima yidi mumuchima windi.

³²Nsaŋu jaHezekiya jinashaluku, ninyidimu yindi yayiwahi, talenu, anayisoneki muchimwenu chakaprofwetu mwana kaAmozi Isaya, mumukanda wa wanyanta awaYuda nawaIsarela.

³³Hezekiya wakamini hamunawanka kulula jindi, amuŋikili kumukandu wakumajamu awanyana kaDavidi; aYuda ejima niakwakushakama muYerusalema ejima amulemesheli hafwiliyi. Mwanindi Manase hakumuswana.