Read MUKANDA WANZAMBI 2 Makolonika 33 Bible Online

2 Makolonika 33 - MUKANDA WANZAMBI bible

2 Makolonika 33

¹Hatachikili kuyulayi Manase, wadiŋi wanyaka ikumi nayiyedi. Wayulili muYerusalema nyaka makumi atanu nayitanu.

²Welilaŋachatama kumesu aYehova, mwomwaya yishimashima yanyuza yatemwiniyi Yehova kumesu awanyana kaIsarela.

³Watuŋili cheŋi yinaŋanaŋa yahumwiniyitata yindi Hezekiya, watuŋilili Bayali tumeŋa, washimikili nyiyombu, wafukaminaŋa yileŋaleŋa yamwiwulu yejima, hakuyipeshaŋa.

⁴Watuŋilitumeŋa mwitala daYehova deliliyi Yehova nindi, MuYerusalema dimumwakekala ijina dami haya nyaka.

⁵Yileŋaleŋa yejima yamwiwulu wayituŋalili tumeŋa muyipaŋu yiyedi yakwitala daYehova.

⁶Wahitishili nawani anyanindi mukesi muchinekineki chamwana kaHinomi. Wahoŋelaŋa natu tumbwa, wasansilaŋa nyisepu, wapandilaŋa, watambikilaŋa akwakuzakuka akishi niatutepa. Welilaŋa yatama yayivulu kumesu aYehova, kulonda amuvuloki azuwi.

⁷Chifwikŋa chakubaza chamukishi wasoŋeliyi wachishili mwitala daNzambi damwililuwu Davidi namwanindi Solomoni kudi Nzambi nindi, Mwitalidi, nimuYerusalema nátonda mukachi kanyuza yaIsarela yejima, dimu nukusha ijina dami haya nyaka.

⁸Neyi wenaakasha muchima kukuhemba mwejima munayilejeli kukanwa kaMosi, kafwampi mwejima mwaya nshimbi nayidika nawupaji, ami hinakafumishacheŋi idachilu daIsarela hetuŋa dinayikunjikili ankakulula jenuku.

⁹Manase waluwishili aYuda niakwakushakama muYerusalema, hiyakwilachatama chakubadika nyuza yajilumwiniyi Yehova kumesu awanyana kaIsarela.

¹⁰Yehova hakuhosha naManase nawantu indi, ilaŋa wena kutiyanehi.

¹¹Dichi Yehova hakuyiletela awakulumpi anjita amwanta waku-Ashuri, hiyakumukwata Manase namalonda, hiyakumukasa mumaleŋi, hiyakumutwala kuBabiloni.

¹²Chamweniyi kukala, hakumulembelela Yehova Nzambi yindi, hakudizoza nankashi kumesu aNzambi yawankakulula jindi.

¹³Hakulomba kudi yena, yena hakumwitŋi, hakutiya mwalembeleliyi, hakumuleta cheŋi muwanta windi kuYerusalema. Manase elukanikwiluka nindi, Komana Yehova diyi Nzambi.

¹⁴Kulondela henaha hakutuŋa mpwembu yahanzi kumukala waDavidi, kwishinadi daGihoni dakumujika, muchinekineki, ndo nikuwipililu wakuchisuchanshi; wanyeŋumwishili Ofweli, wayituŋali hiyikuleha nankashikwiwulu; hakusha awakulumpi akweti wulobu munyikala yejima yamuYuda yampwembu.

¹⁵Hakufumisha akishi akwacheŋi, hakufumisha nimukishiwakutuŋa mwitala daYehova, nitumepa twejima twatupiliyi, nikumpidiyakwitala daYehova, nimuYerusalema, hakutunatila kunsembwa yamukala.

¹⁶Hakutuŋa cheŋi kameŋa kaYehova, hakulambwilahu yimuna yanyilambu yakuwunda, ninyilambu yakusakilila, hakuleja aYuda nindi, Mukalakelenu Yehova Nzambi yaIsarela.

¹⁷Hela chochu, antu saŋa aketwilawu yimuna hayinaŋanaŋa, ilaŋa dinu amuketwililaŋa Yehova Nzambi yawu.

¹⁸Nsaŋu jaManase jinashaluku, nikulomba kwindi kwalombeliyi kudi Nzambi yindi, nimazu awakwakumona ahosheli nindi mwijina daYehova Nzambi yaIsarela, talenu, anayisoneki munsaŋu jawanyanta awaIsarela.

¹⁹Nikulomba kwindi, nimwamwitŋiluwu, ninshidi yindi yejima, nikumotoka kwamotokeliyi, nikwatupatupiliyi yinaŋanaŋa, nikwashimekeliyi nyiyombu, nikwashiliyi akishi akusopa, hadiŋi yi kanda adizozi; talenu, anayisonekimu nsaŋu jaHozayi.

²⁰Manase hakukama hamu nawankakulula jindi, hiyakumuŋika mwitala dindi yomweni; mwanindi Amoni hakumuswana.

²¹Amoni hatachikiliyi kuyula wadiŋi wanyaka makumi ayedi nayiyedi. Wayulili muYerusalema nyaka yiyedi.

²²Welilaŋa chatama kumesu aYehova mwomwelilaŋa tata yindi Manase. Akishi akubaza eliliyi tata yindi Manase Amoni hakuyiketwilaŋa yimuna, hakuyipeshaŋa.

²³Hadizozeli kumesu aYehova neyi chadizozeliyi tata yindi Manaseku, hakwila yenaAmoni wavulishili nankashi kumotoka nshimbi.

²⁴Ambuŋindi amukwatilili chikuchi chatama, hiyakumujahila mwitala dindi yomweni.

²⁵Antu amwituŋa hiyakujaha antu ejima amukwatilili mwanta Amoni chikuchi chatama. Antu amwituŋa hiyakuswanishamu mwanindi Yosiya.