Read MUKANDA WANZAMBI 2 Makolonika 34 Bible Online

2 Makolonika 34 - MUKANDA WANZAMBI bible

2 Makolonika 34

¹Yosiya hatachikiliyi kuyula wadiŋi wanyaka yitanu nayisatu. Wayulili muYerusalema nyaka makumi asatu namwaka wumu.

²Welilaŋa chaŋa kumesu aYehova, wendelapa mwomwendelelaŋa nkakululayindi Davidi, hasenukilumu aya kuchikasa chachidiilu hela kuchimunswaku.

³Hamwaka wawanta windi wamu chitanu nachisatu, iku wuchidi kansi, hakutachika kukeŋakeŋa Nzambi yankakulula yindi Davidi. Mumwakawekumi nakayedi, hakutachika kutookesha Yuda naYerusalema kutookeshakwakufumishamu yinaŋanaŋa, ninyiyombu, niakishi akubaza, niakishi akusuŋununa.

⁴Hiyakuhumona tumeŋa twaBayali iku yena nemani; hakuketola niakishi etaŋwa adiŋi hewulu datumeŋa. Hakubalola ninyiyombu, niakishi akubaza, niakishi akusuŋununa, hakuyitwa yiikali niwuŋa, hakuwulalumwina hamajamu anawa ayiketwililaŋa yimuna.

⁵Hakwocha mafwaha awatupristu hatumeŋa twawu, atookesha niYuda naYerusalema.

⁶Dimu mweliliyi nimunyikala yamuManase, namuEfweremi namu Simeyona, ndo nikuNafwatali nimumahembi awu kwi-ndo.

⁷Hakuhumonatumeŋa, hakutwa nyiyombu niakishi akusoŋa ekali niwuŋa, hakuketolani akishi chajiwa mwahita ituŋa daIsarela dejima, hakufunta kuYerusalema.

⁸Mumwaka wekumi nakatanu nakasatu wawanta windi, heliliyi natookeshi dehi niituŋa, niitala, hakutemesha mwana kaAzaliya Shafwani, ninguvuluya mukala Maseya, ni mwana kaYowahazi Yowa, mukwakusoneka nsaŋu, nindi, Kaloŋeshenu itala daYehova Nzambi yetu.

⁹Hiyakwinza kudi kapristu muneni Hilikiya, hiyakuhana mali aleteluwu mwitala daNzambi, atambwiluwu aLevi akwakuhemba kuchisu kudi akwaManase nawakwa-Efweremi, nikudi asheli muIsarela ejima, nikudi akwaYuda naBenjamini ejima, nikudi akwakushakama muYerusalema.

¹⁰Hiyakuyihana mumakasa awakwanyidimu atalilaŋa itala daYehova. Akwanyidimu akoŋelaŋa mwitala daYehova hiyakuyihana awahishaŋa nachu, alopeshaŋa nachu italahidafwafwa.

¹¹Hiyakuyinka akwakusoŋa niakwakutuŋi, kulonda alandaŋa nachu malola akusoŋa dehi, ninyitondu yakunupaŋi nachu, niyakwilaŋa nachu nyalachi yakumatala akisapenuwu anyanta awaYuda.

¹²Wenowu amayala akoŋeli mudimu wawu chakashinshi; akwakuyitala, wowu aLevi aYahati naObadiya akudi anyana kaMerari, niaZekariya naMeshulami akudi anyana kawaKohati, kulonda kutwalapa mudimu kumbidi, niaLevi amakwawu onsu, wowu eluka kwimba yuma yakwimbishaŋa nachu tumina.

¹³Diwu atalilaŋa niakwakusenda yiteli nawa, diwualejelaŋa antu ejima elilaŋa mudimu himudimu; kudi aLevi nawa kwadiŋi ansoneki, niatulala, niakwakuhemba kuyisu.

¹⁴Chedishiluwu mali aleteluwu mwitala daYehova, kapristu Hilikiyahakuwana mukanda wanshimbi jaYehova jakukanwa kaMosi.

¹⁵Hilikiyaha kumwila nsoneki Shafwani, nindi, Nawani mukanda wanshimbi mwitala daYehova. Hilikiya hakumwinka Shafwani mukanda.

¹⁶Shafwani hakutwala mukanda kudi mwanta, hakumuhitulwilamu mwanta nsaŋu, nindi, Yuma yejima yiwatu kunjikili etu ambuŋeyi adi nakwila.

¹⁷Anasukuli dehi mali anawanuwu mwitala daYehova, anayihani dehi kudi akwakutala nyidimu, nikudi akwanyidimu.

¹⁸Nsoneki Shafwani hakumuleja mwanta, nindi, Kapristu Hilikiya nanyinki mukanda. Shafwani hakutaŋamu kumesu amwanta.

¹⁹Mwanta chatiyiliyi mazu anshimbi, hakutabola mahinindi.

²⁰Mwanta hakuleja Hilikiya, ni mwana kaShafwani Ahikami, ni mwana kaMika Abidoni, ninsoneki Shafwani, nikambuŋi mwanta Asaya,

²¹nindi, Yenu mwakaŋihwili kudi Yehova, mwakayihwili nianashali muIsarela namuYuda nsaŋu jamazu amumukanda wanawanuwu; muloŋa ndombu yaYehova yana twichiluwuyinatohi dehi, nanochu chabuliluwu ankakulula jetu kuhemba izu daYehova, chabuliluwu kwila mwejima mwanasonekuwu mumukanda iwu.

²²Woho, Hilikiya nanawa alejeluwu kudi mwanta hiyakuya kudi kaprofwetu wamumbanda Hulida, iŋoda Shalumi, Shalumi mwana kaTokihati, Tokihati mwana kaHasira mukwakuhemba yuma yakuvwala. Henohuyenowu mumbanda wadiŋi washakama muYerusalema mushikola. Hiyakuhosha nindi mwenimu.

²³Yena hakuyila nindi, Yehova Nzambi yaIsarela nindi, Kamulejenu iyala wayitemesha kudami,

²⁴nenu, Yehova nindi, Tiyenu, hamukala iluŋa iwu nukuletelahu katama hamu nawakwakushaka mamu, wowu mashiŋu ejima anasonekuwu mumukanda wanataŋiluwu mwanta wawaYuda.

²⁵Muloŋa nanleki dehi, hiyakwochela akishi insensi, kulonda anvuloki nanyidimu yakumakasa awu nizuwi; dichindombu yami nayichili dehi hamukala iwu, hiyakamwenaku.

²⁶Hakwila mwanta wawaYuda, nayitemeshi nakwihwila kudi Yehova, kamwilenunenu, Yehova Nzambi yaIsarela, wukweti mazu iwunatiyi,

²⁷nindi, Yehova nindi, Ochu chiwatiya kumuchima lezu, hiwukudizoza ni kumesu aNzambi, chiwatiya mazu indi akuhoshola mukaliwu nawakwakushakamamu, chiwunadizozi dehi kumesu ami, hiwukutabula nimahineyi, hiwukudila kumesuami; ami nawa nakutiyi dehi; dimu mwanahoshiyi Yehova.

²⁸Tiya, nakakukoŋojola chachiwahi kudi ankakulula jeyi, akakukoŋojola mwijamu deyi chamwena, mesu eyi hiyakamona katama aka kejima kinakaleta hamukaliwu, nihadi akwakushaka mamuku. Hiyakumuleja mwanta izu idi.

²⁹Mwanta hakutemesha mazu akupompesha awakulumpi ejima amuYuda naYerusalema.

³⁰Mwanta hakukanduka kwitala daYehova nawaYuda awamayala ejima, niakwakushakama muYerusalema, niatupristu, niaLevi, niantu ejima, hela alema hela akadi kulema. Hakuyitaŋila kumatu awumazu ejima amumukanda wachitiyaŋenu wawanawu mwitala daYehova.

³¹Mwanta hakwimana muwimenu windi, hakutiyaŋana kumesu aYehova chitiyaŋenu chakumulonda Yehova, chakuhemba nimwalejaŋayi, niwunsahuwindi, niyidika yindi, namuchima windi wejima, nawumi windi wejima, chakwila mazu achitiyaŋenu asonekeluwu mumukandowu.

³²Hakwinkaku antu ejima awenuwu muYerusalema namuBenjamini, akwakushakama muYerusalema hiyakwila mwaya chitiyaŋenu chaNzambi, yowu Nzambi yawankakulula jawu.

³³Yosiya hakufumisha yishimashima yejima mumatuŋa ejima awanyana kaIsarela, hakukalakesha antu ejima awenuwu muIsarela, amukala kelaŋa Yehova Nzambi yawu. Mafuku indi ejima hiyalekeli kulondela Yehova Nzambi yawankakulula jawuku.