Read MUKANDA WANZAMBI 2 Makolonika 35 Bible Online

2 Makolonika 35 - MUKANDA WANZAMBI bible

2 Makolonika 35

¹Yosiya wamudiilili Yehova paseka muYerusalema. Hiyakujaha paseka hefuku dekumi nakawana dakakweji kakusambila.

²Hakusha atupristu kunyidimu yawu yayishiikiluwu, hakuyikundeja akalakali mudimu wamwitala daYehova.

³Hakuyila aLevi alejelaŋa aIsarela ejima, adiŋi amujilila Yehova, nindi, Iŋŋenu chimbaŋu chajila mwitala datuŋiliyi Solomoni mwana kaDavidi, mwanta wawaIsarela. Himwakasendaŋa cheŋi chiteli hamafwiji enuku. Ichi dinu kalakelenu Yehova Nzambi yenu nantu indi aIsarela.

⁴Diloŋeshenu mwahita mavumu awankakululajenu hezanvu hezanvu, mwasonekeli mwanta wawaIsarela Davidi, mwasonekelini mwanindi Solomoni.

⁵Imanenu mwajila mwomwambukila mavumu awankakulula jawana kwenu anyana kawantu, mwambukila niyisakaya waLevi.

⁶Jahenu paseka, mudijiliki, muloŋesheli ana kwenu kulondaeli mwaya izu daYehova dakukanwa kaMosi.

⁷Yosiya hakuyinka anyana kawantu ejima adiŋuku yimuna yamwiyinda, nianyana kanyikoku nianyana kampembi, ejima anyilambu yapaseka, kuyichinda ashikili mumakombakaji makumi asatu, ni aŋombi amayala makombakaji asatu. Wenawa akumaheta amwanta.

⁸Atulamba hiyakuyinka antu nawatupristu, nawaLevi yakulambula chakunyichima yawu. AHilikiya naZekariya naYehiyeli, wowu anyuli akwitala daNzambi, hiyakuyinka atupristu yimuna yanyanya makombakaji ayedi namakulakaji asatu, ni aŋombi makulakaji asatu anyilambu yapaseka.

⁹AKonani yanawa nawana kwindi aShemaya naNetaneli, niHashabiya, niYeyeli, niYozabadi, wowu awakulumpi awaLevi, hiyakuyinka aLevi yimuna yanyanyama kombakaji atanu, ni aŋombi makulakaji atanu anyilambu yapaseka.

¹⁰Mudimu wuloŋa nikuloŋa, atupristu hiyakwimana kuwimenu wawu, niaLevi niwena, hezanvu hezanvu, mwomwayilejeli mwanta.

¹¹Ajahanipaseka, atupristu hiyakusampula mashi atambwiluwu kudi wena, aLevidiwu ayuwilaŋa.

¹²Hiyakufumisha nyilambu yakushita, hiyakuyinka mwomwambukila mavumu awankakulula jawanyana kawantu, kulonda ahimulambu li Yehova, mwomwasonekeluwu mumukanda waMosi. Mwomweliluwu ninawaŋombi.

¹³Hiyakwocha paseka nakesi mwomwayalushimbi; nyilambu yi kwawu yajila hiyakuyiteleka mumanilŋu, namumabupu, namujimeŋa, hiyakujitwala swayi kudi anyana kawantu ejima.

¹⁴Nkumininaku hiyakuloŋesha yawawenawu niyawatupristu; muloŋa tupristu anyana kaAroni akwatakeni nakulambula nyilambu yakushita nimanji, kushika nikuwufuku; dichi aLevi hiyakuloŋesha yawu niyawatupristu anyana kaAroni.

¹⁵Akwakwimba anyana kaAsafwi, hiyakwimana muwimenu wawumwomwayilejeluwu aDavidi naAsafwi, naHemani, namukwakumona wamwanta Yedutuni. Akwakuhemba kuyisu adiŋi kuyisu yejima. Hichikwetiwena kufuma kumudimu wawuku, muloŋa ana kwawu aLevi diwuadiŋi nakuyiloŋeshela.

¹⁶Ifuku dodenodu dodaloŋesheluwu mudimu waYehova wejima, niwakudya paseka, niwakulambula nyilambu yakushita hakameŋa kaYehova, mwomwayilejeluwu kudi mwanta Yosiya.

¹⁷Anyana kaIsarela adiŋuku adiili paseka hohenahana, adiili nichawija chamankendi akadi iluŋi mafuku atanu nayedi.

¹⁸Paseka yidochu kanda ayidyaŋahu dehi muIsarela, kufumisha hamafuku akaprofwetu Samweluku. Hela anyanta awaIsarela ejima kudyahu paseka yidi neyi yadiili Yosiya, nawatupristu, nawaLevi, nawaYuda, nawaIsarela ejima adiŋuku, nawakwakushakama muYerusalema, nehi.

¹⁹Mumwaka wawanta waYosiya wekumi nakatanu nakasatu, dimu mwadiiluwu paseka iyi.

²⁰Kulondela hayuma yejimiyi, heliliyi Yosiya naloŋeshi dehi tembeli, mwanta wakuEjipitu Neko hakuya, nindi akalwi naKarikemishi kuYufurati. Yosiya hakuya nakulwa nindi.

²¹Mukwawu hakumutemeshela tuŋanda, nindi, Eyi mwanta wawaYuda nidi neyi nansaŋwinyi? Lelu hinidi nakwinza kuwudeyuku, nidi nakuya kudi awa nidi nawu nanjita. Nzambi diyinanleji nindi, Nyakalaku. Mwambuluki Nzambi inidi nindi ami, wakenzakakukisaŋana tuhu.

²²Yosiya kwonti kwindi kufuntamu, hakudifwikŋa neyi muntu wacheŋi kulonda alwi namukwawu. Hatiyili mazu aNeko afumini kukanwa kaNzambuku. Hakuya nakulwa muchinekineki chaMegido.

²³Akwamata anyikunji hiyakumusowola mwanta Yosiya. Yena mwanta hakuyila ambuŋindi, nindi, Ntwalenu, anankatishi nankashi.

²⁴Ambupindi hiyakumufumisha mwikalu, hiyakumusha mwikalu damu chiyedidadiŋiyi nadu, hiyakumutwala kuYerusalema. Hakufwa, hiyakumujiika kumajamu awankakulula jindi. AkwaYuda naYerusalema ejimahiya kumudila Yosiya.

²⁵Yeremiya hakwimba mukeŋa wakumudila Yosiya. Akwakwimba tumina ejima ni amayala niambanda hiyakumutena Yosiya munyikeŋa yawu nikulelu. Yela dehi chidika muIsarela; talenu, anayisoneki munyikeŋa.

²⁶Nsaŋu jaYosiya jinashaluku, ninyidimu yayiwahi yaya mwanasoneku wumumukanda wanshimbi jaYehova,

²⁷nsaŋu jindi nkusambilankuku minina, talenu, anajisoneki mumukanda wawanyanta awaIsarela nawa Yuda.