Read MUKANDA WANZAMBI 2 Makolonika 36 Bible Online

2 Makolonika 36 - MUKANDA WANZAMBI bible

2 Makolonika 36

¹Antu amwituŋa hiyakutambula mwana kaYosiya Yehowahazi, hiyakumuswanisha muYerusalema mwadiŋi tata yindi.

²Yowahazihatachikiliyi kuyula wadiŋi wanyaka makumi ayedi nayisatu. Wayulili muYerusalema tukweji tusatu.

³Mwanta wakuEjipitu wamufumishilimuwanta kuYerusalema, hakufutisha ituŋa ntalenta jasiliva nkulakaji nintalentayawuru yimu.

⁴Mwanta wakuEjipitu hakudiisha mana kwindi Eliyakimi wanta waYuda naYerusalema, hakubalumuna ijina dindi, nindidiyi Yehova kimi. Neko hakukwata mana kwindi Yowahazi, hakumutwala kuEjipitu.

⁵Yehova kimi hatachikiliyi kuyula, wadiŋi wanyaka makumi ayedi nayitanu. Wayulili muYerusalema nyaka ikumi nawumu. Welilaŋachatama kumesu aYehova Nzambi yindi.

⁶Mwanta wakuBabiloni Nebukaneza wenjili nakulwa nindi, hakumukasa mumaleŋi, hakumutwala kuBabiloni.

⁷Nebukaneza hakutwala niyuma yamwitala daYehova kuBabiloni, hakuyisha mutembeli yindi kuBabiloni.

⁸Nsaŋu jaYehova kimi jinashaluku, niyishimashima yeliliyi, niyuma yamumwenuwu nayu, talenu anajisoneki mumukanda wawanyanta jawaIsarela nawaYuda. Mwanindi Yehoyakini hakumuswana.

⁹Yehoyakini hatachikiliyi kuyula, wadiŋi wanyaka yitanu nayisatu. Wayulili muYerusalema tukweji tusatu namafuku ikumi. Welilaŋa chatama kumesu aYehova.

¹⁰Habalumukili mwaka, mwanta Nebukaneza hakutemeshaku antu, hakumuleta kuBabiloni, hamu nayuma yasweja kuwahayamwitala daYehova, hakudiisha mana kwindi Zedekiya wanta wawaYuda naYerusalema.

¹¹Zedekiya hatachikiliyi kuyula, wadiŋi wanyaka makumi ayedi namwakawumu. Wayulili muYerusalema nyaka ikumi nawumu.

¹²Welilaŋachatama kumesu aYehova Nzambi yindi. Hadizozeli kwindi kudi kaprofwetu Yeremiya wahosheli mazu akukanwa kaYehovaku.

¹³Wadikaŋilinawa namwanta Nebukaneza wamusanyikishili ijina daNzambi; hakuchinchika, hakuchinchikisha nimuchima windi abuli kufunta cheŋi kudi Yehova Nzambi yaIsarela.

¹⁴Akulumpi awatupristu ejima, niantu tuhu, aputoleli nankashi nakwila mwaya yishimashima yanyuza yamumatuŋa, hiyakutamisha itala daYehova dajilikiliyi muYerusalema.

¹⁵Yehova Nzambi yawankakulula jawu wayitemeshelelaŋa mazu nawa ntemesha jindi, kuhinduka budidi hakutemesha, kuhinduka budidi hakutemesha; muloŋa watiyili wushona wawantu indi, niwachipela chindi chashakaminiyi.

¹⁶Ilaŋa wena hiyakusehaŋa antemesha jaNzambi, hiyakudiwulamazu indi, hiyakuyitapulaŋa atuprofwetu twindi nichasaŋumukili ndombu yaYehova nawantu indi yakadi nihawimikilu.

¹⁷Dichi hakumuletela mwanta wawaKaladeya, yena hakutapa anyikwenzi awu nampoku yakabali mwomwitala damalalawu kachi, hela mukwenzi, hela chapadima, hela kashinakaji, hela ipala dadeni kumutiyila wushona nchi; wakuminini dakuhana ejima kudi yena.

¹⁸Niyuma yamwitala daNzambi yejima, niyeneni niyanyanya, niyuma yalema yamwitala daYehova, niyumayalema yamwanta, niyawatulamba twindi, yejima watweli kuBabiloni hohu.

¹⁹Hiyakwocha itala daNzambi, hiyakuhumona mpwembu yaYerusalema, hiyakwocha nimatala awanta ejima nakesi, hiyakukisaŋana niyuma yejima yasweja kuwaha yadiŋumu.

²⁰Antu apulukili kumpoku yakabali hakuyitwala kuBabiloni; hiyakwikalaŋa anduŋu jindi nawanyanindi, kushikanikukuyula kwawanta waPeresi;

²¹kulonda izu daYehova dakukanwa kaYeremiya dakeli dalala, nichakela ituŋa dinatiyi dehi kuwaha nasabatajadu. Muloŋa chejima chidashakamini mahembi hohu dahembelapasabata, kulonda diwanishi nyaka makumi atanu nayedi.

²²Mumwaka wakusambila wamwanta wakuPeresi Kirusi, kulonda izu daYehova dakukanwa kaYeremiya dakeli dalala, Yehova liakusaŋumuna spiritu yamwanta wakuPeresi Kirusi, Kirusi hakubidikisha mwahita wantawindi wejima, hakuchisoneka nawa,

²³nindi, Mwanta wakuPeresi Kirusinindi, Yehova Nzambi wamwiwulu nanyinki mawanta ahamaseki ejima, nanleji kunamutupila itala muYerusalema wekala muYuda. Hadenu ahadi antu indi ejima hadanyi? Yehova Nzambi yindi ekali nindi, akayuku.