Read MUKANDA WANZAMBI 2 Makolonika 5 Bible Online

2 Makolonika 5 - MUKANDA WANZAMBI bible

2 Makolonika 5

¹Dichi nyidimu yejima yakoŋeliyi Solomoni yetala daYehova yamanini. Solomoni hakwiŋiŋamu yuma yajilikili tata yindi Davidi, yosiliva, nawuru, nayuma yejima, hakuyisha mwaswekelaŋawu yuma yalema yetala daNzambi.

²Henohu Solomoni hakupompesha awakulumpi awaIsarela, nianyanta ejima anyichidi, nitulamba twamavumu awankakulula jawanyana kaIsarela, kuYerusalema, kulonda akafumishi chimbaŋu chachitiyaŋenu chaYehova mumukala waDavidi diyi Ziyona.

³Amayala ejima amuIsarela apompeli kudi mwanta kuchawija chadiŋi chakakweji kamuchitanu nachiyedi.

⁴Akulumpi awaIsarela ejima hiyakwinza, niaLevi hiyakwinza nakunyamuna chimbaŋu.

⁵Hiyakushikŋa chimbaŋu, niitenti dakubulakena, niyuma yajila yejima yadiŋi mwitenti; yena yumiyi atupristu aLevi hiyakuyishikŋa.

⁶Mwanta Solomoni, nichipompelucha waIsarela chejima, chapompeli kudi yena, hiyakwimana kumesu achimbaŋu nakuketula nyikoku naŋombi, kutwesha kuyishimuna helakuyichinda nehi, asweja kuvula.

⁷Atupristu hiyakwiŋija chimbaŋu chachitiyaŋenu chaYehova mwachu muwuhoshelu wetala, mwaswejakujila, mwomwishina dampuula jawakerubi.

⁸Akerubi hiyakutanjikampuula jawu hekala chimbaŋu, akerubi hiyakubuta chimbaŋu ninyikambuyachu hewulu.

⁹Nyi kambu yadiŋi yayilehi, insa janyikambu jadiŋŋi mwekena kuchimbaŋu kumesu akuwuhoshelu; ilaŋa kumwekanaŋa hanzinehi. Kwoku chekala nikulelu.

¹⁰Muchimbaŋu mwadiŋi mwosi yumaku chiŋa wowu malola awubasa ayedi ayishilumu kudi Mosi kuHorebi, hatiyaŋeniyi Yehova chitiyaŋenu nawanyana kaIsarela, hafuminuwu muEjipitu.

¹¹Cheliluwu atupristu anafumi dehi mwajila; muloŋa atupristu adiŋuku adijilikili wejima wawu, hiyadambwili mumazanvu awuku;

¹²aLevi nawa ni adiŋi akwakwimba, wejima wawu, aAsafwi nawaHemani naYedutuni, ni anyanawu amayala, niana kwawu, anavwali mahina amawahi atooka, hiyakwimana kumbadi yakameŋa yamusela, namachakayi awu nayisanjinatudada, hamu nawatupristu nkulakaji namakumi ayedi adiŋi nakwimba mpùŋa.

¹³Cheliluwu akwakwimba mpinja niakwakwimba tumina anayi dehi mumu, hiyakuvwakuka nezu dimu nakutiyakana nakumuhameka nakumusakilila Yehova. Cheliluwu anatwali dehi izu dawu kwiwulu hamunampinja namachakayi nayuma yakwimbisha nachu tumina, hiyakumuhame kaYehova, nawu, Himuwahi, luwi lwindi lwahaya nyaka; hohenohuitala hidikwinzala nevu, doditala daYehova,

¹⁴mwaka enzi atupristu akakajinyi kwimana nakukalakala, muloŋa wevu; muloŋa kulema kwaYehova kwenzesheli itala daNzambi.