Read MUKANDA WANZAMBI 2 Makolonika 8 Bible Online

2 Makolonika 8 - MUKANDA WANZAMBI bible

2 Makolonika 8

¹Chimwelili munahiti dehi nyaka makumi ayedi yatuŋiliyi Solomoni itala daYehova niitala dindi yomweni,

²oyu nyikala yenkeluwu Solomoni kudi Hurami, Solomoni hakuyituŋa, hakushakamishamu anyana kaIsarela.

³Solomoni hakuya kuHamati Zoba, hakuwimika mushindu.

⁴Hakutuŋa Tadi mori mwisaŋa, ninyikala yejima yakuswekela yuma yatuŋiliyi kuHamati.

⁵Hakutuŋa niBetihoroni wakundundamu, niBetihoroni wakunkulu, nyikalayakuhata, yikweti nimpwembu, niyenzelu, ninyikomenu;

⁶niBayalati, ninyikala yejima yadiŋiyi nayu Solomoni yakuswekela yuma, ninyikalayejima yamakálu indi, ninyikala yawantu indiakwatuwalu, kafwampiyoyuma yejima yakeŋeliyi Solomoni kutuŋi muYerusalema, nikuLebanoni, nimwahita ituŋa dejima damuwanta windi, kulonda kuditiyisha kuwaha.

⁷Antu ejima asheluku akudi aHiti, niakudi aAmori, niakudi aPerizi, niakudi aHivi, niakudi aYebusi, abulili kwikala aIsarela;

⁸niakudi anyanawu ahiŋili mudi wena asheli mwituŋa, abulili kunoŋeshawu kudi anyana kaIsarela, kudi wena kwoku kwakwatiliyi Solomoni chipalu nikulelu.

⁹Hakwila kudi anyana kaIsarela Solomoni kukwataku aŋamba akwilamudimu windi nehi, hiyakwikala akwanjita, nianyanta jawawakulumpi jindi, niakulumpi amakálu indi ni awantu indi akwatuwalu.

¹⁰Diwu adiŋi atulala twamwanta Solomoni alema makulakaji ayedi namakumi atanu, ayulilaŋa antu.

¹¹Solomoni hakufumisha mwana kaFwaro wamumbanda mumukala waDavidi, hakumutwala kwitala damutuŋililiyi, muloŋa welili nindi, Iŋoda mibayi ashakama mwitala damwanta wawaIsarela Daviduku, muloŋa kwashika dehi chimbaŋu chaYehova kwajila.

¹²Solomoni hakumushitila Yehova nyilambu yakushita, hakameŋa kaYehova katuŋiliyi kumesu akuwiŋililu wakutembeli,

¹³washitilaŋa mwomwayilejeluwu kudi Mosi, mwomu mumudimu wefuku, hajisabata, inihaalukilaŋa tukweji, nihayawija yakushiika dehi yahamapampa kasatuhamwaka, chochawija chamankendi akadi iluŋi, nichawija chanyilungu, nichawija chayisolu.

¹⁴Wakolesheli mazanvu awatupristu mwomwaya ilushimbi lwatata yindi Davidi, kulonda akalakalaŋa, niaLevi atalaŋa nyidimuyawu niyakuhameka niyakukalakalaŋa kumesu awatupristu, mwomumumudimu wefuku; niakwakuhemba kuyisu nawa ahembaŋa yisu yejima mwekalila mazanvu awu; muloŋa dimu mwayilejeli muntu waNzambi Davidi.

¹⁵Munsaŋu jejima, nkusweka yuma yalema, jayilejeluwu atupristu nawaLevi kudi mwanta, hiyalekeli mwokuku.

¹⁶Mwenimu dimu mwaloŋesheleluwu mudimu waSolomoni wejimaanamutuukishi kwifuku daaliluwu chikuku chakutuŋila itala daYehova, nichichadimanishiluwu. Itala daYehova dimana nikumana.

¹⁷Henohu Solomoni hakuya kuEziyoni Geberi, nikuEloti kuchi kumu ichakaluŋalwiji mwituŋa daEdomi.

¹⁸Hurami hakumutemeshela maatuna wambu ŋindi, hakumutemeshela ni ambuŋindi akweti maana ahakaluŋa lwŋi; hiyakuya hamu nawambuŋaSolomoni kuOfwiri, hiyakufumishakuwuru ntalenta makulakaji awana namakumi atanu, hiyakuleta kudi mwanta Solomoni.