Read MUKANDA WANZAMBI 2 Makolonika 9 Bible Online

2 Makolonika 9 - MUKANDA WANZAMBI bible

2 Makolonika 9

¹Mwanta wakuSheba wamumbanda walukanu, chatiyiliyi mpuhu yaSolomoni, hakwinza nakumweseka Solomoni nakumwihujola yumayakala kuYerusalema. Wenjili naluntu lwaluvulu nankashi, nianŋameli asenda nyiseki, niwuru wawuvulu nankashi, nitumalola twawuseya weneni. Chenjiliyi kudi Solomoni hakuhosha nindi yadiŋi mumuchima windiyejima.

²Solomoni wamulejeli mwamwihwiliyi mwejima; hikwadiŋi chuma chakaŋenyiyi Solomoni chabuliliyi kumulejayuku.

³Mwanta wakuSheba chamweniyi maana aSolomoni ejima, niitaladatuŋiliyi,

⁴niyadiilaŋawu kumesa yindi, nimwasha kaminaŋawu ambuŋindi, nimwemenaŋawu aŋambela jindi, niwuvwalu wawu, niantu indi akwakutwalampasa, niwuvwalu wawu, nimwakandukililaŋayi kwitala daYehova, hadiŋi nawa cheŋi naŋovuku.

⁵Hakumwila mwanta nindi, Chinatiyili mwituŋa dami mwashi mwinuwuni muwelaŋa ninsaŋu jamaaneyi, komana chalala.

⁶Mwashi mwinuwu hinetiyili mwokuku. Ichi chinenzi namoni dehi namesu ami; komana hiyanshi mwinini hela chibalu chamaaneyi aswejaku; wunabadiki mpuhuyinatiyili.

⁷Antu eyi akooleka, awa ambuŋeyi emanaŋa mafuku ejimakumesu eyi nakutiya maaneyi akooleka.

⁸Kisu kisu Yehova Nzambi yeyi wakutiyili kuwaha, wakushakamishili hetanda dindi dawanta, wikali mwanta wakumuyulila Yehova Nzambi yeyi. Ochu chakeŋeluwu Isarela kudi Yehova, kulonda ayikoleshi chahaya nyaka, dichi chanakudiishiliyi wantawawu, kulonda wilaŋa ngwuŋaji nkuloŋa.

⁹Hakumwinka mwanta ntalenta jawuru nkulakaji namakumi ayedi, ninyiseki yayivulu nankashi, nitumalola twawuseya weneni. Hikwadininawa cheŋi nyiseki yayivulu yidi neyi yamwinkeluwu mwanta Solomoni kudi mwanta wamumbanda wakuShebaku.

¹⁰AmbuŋaHurami nawa niambuŋa Solomoni, wowu enjili nawuru wakuOfwiri, diwu aleteli nyitondu yaaliŋumi nitumalola twawuseya weneni.

¹¹Oyu nyitondu yaaliŋumi mwanta hakutuŋa nachu yimaŋu yakwitala daYehova niyakwitala damwanta, nitudada niyisanji yawakwakwimba; kanda amonaŋahu dehi yidi chochochu mwituŋa daYudaku.

¹²Mwanta Solomoni wamwinkeli mwanta wakuSheba yakeŋeliyi yejima, yanalombiyi yoyu, yakulunjika hayuma yaleteleliyi mwanta Solomoni. Hakubalumuka, hakufunta kwituŋa dindi, niyena niamouŋindi.

¹³Pezu yawuru yenjilaŋa kudi Solomoni mumwaka wumu, yashikilaŋa muntalenta jawuru makulakaji atanu nadimu, namakumi atanu nadimu, nantalenta jitanu nayimu;

¹⁴yakulunjika hayafuminaŋa kudi akwakulandulula, nikudi akwakulandisha; anyanta akuArabiya niayilolu amwituŋa letelaŋa niwuru nisiliva kudi Solomoni.

¹⁵Mwanta Solomoni welili yibasa yawuru wakuchila makulakaji ayedi; chibasa chimu chakwila najishekeli jawuru wakuchila makulakaji atanunadimu,

¹⁶ninkebu jawuru wakuchila makulakaji asatu; nkebu yimuyakwila najishekeli jawuru makulakaji asatu. Mwanta wajishili mwitala damwisaŋa daLebanoni.

¹⁷Mwanta watuŋili nawa itanda dawanta denenidambiŋa yanjamba, walamikiluhu wuru wakoseka.

¹⁸Kwadiŋi yimaŋuyitanu nachimu yakukandamina kwitanda, niitanda dakunyendu dawuru, yumiyi ayipatilili kwitanda. Kuwushakaminu kwadiŋi hawusachilu wamakasani ishinadi niishinadi, kwakwihi nakuwusachilu kwadiŋi kwemananyituŋa yiyedi.

¹⁹Ninyitupa ikumi nayiyedi yemana kwenoku kumbadijiyi maŋu yakukandamina yitanu nachimu nimbadi nimbadi. Mwituŋa dacheŋi himwadiŋi chuma chidi neyi ochuku.

²⁰Yuma yakunwina mwanta Solomoni yadiŋi yawuru hohu yejima, niyuma yakwitala dakwisapa daLebanoni yadiŋi yawuru wakoseka hohuyejima; siliva hamafuku aSolomoni ayimweni nawu yamukunkulwayi.

²¹Muloŋa mwanta wadiŋi namaatu ayilaŋa kuTarashishi hamu nawambuŋa Hurami. Maatu akuTarashishi elilaŋa muhita nyaka yisatu enza kamu, chochu hohu, aletelaŋa niwuru, nisiliva, nimbipa janjamba, niampombu, nitujila twayisusu yayilehi.

²²Dichi mwanta Solomoni wabadikili anyanta ankanu ahamaseki ejima nimaheta nima ana.

²³Anyanta ahamaseki ejima enjilaŋa kudi Solomoni kulonda kutiya maana indi anamushiluwu mumuchima windi kudi Nzambi.

²⁴Wejima wawu hiyakumuletelapa nyilambu yawu, yuma yasiliva, niyumayawuru, niyuma yakuvwala, niyitwa yanjita, ninyiseki, nituwalu, niyingonŋavalu, yakweseka yahamwaka hamwaka.

²⁵Solomoni wadiŋi namatala atuwalu twindi namakálu indi makombakaji awana, niakwatuwalu makombakaji ikumi nayedi, ashilashiliyi nimunyikala yamakálu nikudi mwanta kuYerusalema.

²⁶Wayulili anyanta ankanu ejima kufumisha kuKaloŋalusu nikwituŋa dawaFwilistinu, ndo nikupinza yakuEjipitu.

²⁷Mwanta wavulishili siliva muYerusalema neyi malola, ninyisida wayivulishili kuvulakudi neyi nyishikima yekala munkulu.

²⁸Hiyakumuletelaŋa Solomoni tuwalu nikuEjipitu nikumatupa ejima.

²⁹Nsaŋu jaSolomoni jinashaluku, nkusambila nkukuminina, hiyana jisoneki mumukanda wakaprofwetu Natani, nimuwuprofwetu waAhiyawa kuShilo, nimuyimwenu yaldo mukwakumona yansaŋu yamwana kaNebati Yerobowamu ku?

³⁰Solomoni wayulili aIsarela ejima muYerusalema nyaka makumi awana.

³¹Solomoni hakukama nawankakulula jindi, amujiikili mumukala watata yindi Davidi. Mwanindi Rehobowami hakumuswana.