Read MUKANDA WANZAMBI Ezira 10 Bible Online

Ezira 10 - MUKANDA WANZAMBI bible

Ezira 10

¹Cheliliyi Ezera iku wudi nakulomba, nakwitŋia mwaIuwiluwu, nakudila, nakudinatola hamaseki kumesu etala daNzambi, kudi yena hikukupompa izaza dadeni nankashi dawantu amuIsarela, ni amayala, niambanda, niatwansi; muloŋa antu adiŋi nakudila makumbu aweni.

²Mwana kaYehiyeli Shekaniya, wakudi anyana kaElami, hakuhosha naEzera, hakumwila nindi, Tunaputi dehi muloŋa kudi Nzambi yetu, tunasumbuli dehi ambanda amwacheŋi amunyuza yamwituŋa; hela chochu, hansaŋu iyi hadi hakukuhwelela aIsarela.

³Dichi dinu tutiyaŋanenu chitiyaŋenu naNzambi yetu, tuhaŋi aŋodi jetu ejima ni anyanawu anavwaluwu, mwomwaya maana anatulejiyi nkaka, nianatulejuwu azaalaŋa woma wakuleja kwaNzambi yetu; akelumu nawa mwomwaya nshimbi.

⁴Nyamukaku muloŋa nsaŋu iyi yidi kudeyi, ninetu tudi hamu naneyi, umikaku, wilumu.

⁵Ezera hakunyamuka, hakuyisanyikisha awakulumpi awatupristu nawaLevi, niaIsarela ejima, nawu, Tukwila mwaya izu idi. Asanyika nikusanyika.

⁶Ezera hakunyamuka kumesu etala daNzambi kwadiŋiyi, hakwijila mwitala damwana kaEliyashibi Yehohanani damukachi; chashikiliyi mwenomu hadiili yakudya hela kunwa mejuku; nanochu chadiŋiyi nakudila muloŋa wanawa ayili muwuduŋu.

⁷Hiyakuyibidikisha ejima ayili muwuduŋu mwahita Yuda naYerusalema, nawu, Pompenu kuYerusalema.

⁸Nawu, Yowu wukubula kwinza mumafuku asatu, mwaya mpùŋa yinakwati atulamba nawawakulumpi, akamutambula yuma yindi yejima, niyomwenindi akumufumisha muchipompelu chanawa ayili muwuduŋu.

⁹Amayala ejima amuYuda naBenjamini apompeli mumafuku asatu. Wadiŋi kakweji kamuchitanu nachiwana, hefuku dakakweji damakumi ayedi. Antu ejima ashakamini mulubanza lwakumesu etala daNzambi nakuzaala woma wansaŋu iyi niwanvula yeneni.

¹⁰Kapristu Ezera hakwimana, hakuyila nindi, Munatanyi dehi, munasuinbuli ambanda amwacheŋi kulonda mutoheshi kutanya kwaIsarela.

¹¹Ichi dinu itŋienu kudi Yehova Nzambi yawankakulula jenu, mwili mwaya muchima windi. Dambulenu munyuza yamwituŋa nikudi ambanda amwacheŋi.

¹²Chipompelu chejima hichikumwakula, hiyakwila nezu deneni nawu, Chachiwahi. Chidi kudetu kwila mwaya izu deyi.

¹³Ilaŋa ntu amavulu, ninvula yinasweji, hitunatweshi kwimana hanzuku, nimudimu iwu hiwefuku dimu hela wamafuku ayeduku, muloŋa tunasweji nankashi kuputola muloŋiwu.

¹⁴Ichi dinu mwani, akunjikuku awakulumpi achipompelu chejima, niadi munyikala yetu ejima anasumbuli ambanda amwacheŋi, akenzi hakayishiikashiikawu hamu nawawakulumpi amunyikala yawu, niansompeshi jawu, hamukala hamukala, nichakafumishawu kuzuwa kwaNzambi yetu kunasweji, nichakamanishawu nsaŋu iyi.

¹⁵AJonatani mwana kaAsaheli, naYahazeya mwana kaTikiva, diwu hohu adikaŋili kunsaŋu iyi. AMeshulami nakaLevi Shabetayi diwu ayikwashiluku.

¹⁶Ayili muwuduŋu hiyakwila mwenomu. Kapristu Ezera nawawakulumpi amakwawu akumavumu awankakulula jawu, mwahita mavumu awankakulula jawu, ayambwiluku hejina hejina wejima wawu. Hefuku dakusambila dakakweji wekumi hiyakushakama nakushinshika nsaŋu iyi.

¹⁷Hefuku dakusambila dakakweji wakusambila, dihu hamanishiluwu nsaŋu jawamayala ejima asumbwili ambanda amwacheŋi.

¹⁸Akudi anyana kawatupristu amwenuwu, asumbwili ambanda amwacheŋi, diwu aMaseya, naEliyezeri, naYaribi, naGedaIiya, akudi anyana kaYeshuwa mwana kaYozadaki, niakudi ana kwindi.

¹⁹Hiyakwolola chikasa nawu, Tukuhaŋa aŋodi jetu. Cheliluwu anatanyi dehi, hiyakulambula chizamba chamwiyinda nakutanya kwawu.

²⁰Akudi anyana kaImeri, Hanani naZebadiya.

²¹Akudi anyana kaHarimi, Mayaseya, naElija, naShemaya, naYehiyeli, naUziya.

²²Akudi anyana kaPashuri, Eliyowenayi, Mayaseya, Ishimeli, Netaneli, Yozabadi, niElasa.

²³Akudi aLevi, Yozabadi, naShimeyi, naKelaya diyi Kelita, niPetahiya, niYuda, niEliyezeri.

²⁴Wakudi akwakwimba tumina nawa, Eliyashibi. Akudi akwakuhemba kuyisu, Shalumi, naTelemi, naUri.

²⁵Akudi aIsarela; akudi anyana kaParoshi, Ramiya, naIziya, naMalikiya, naMiyamini, naEleyazari, naMalikiya, naBenaya.

²⁶Akudi anyana kaElami, Mataniya, Zekariya, niYehiyeli, niAbidi, niYeremoti, niEliya.

²⁷Akudi anyana kaZatu, Eliyowenayi, Eliyashibi, Mataniya, niYeremoti, niZabadi, niAziza.

²⁸Akudi anyana kaBebayi, Yehohanani, Hananiya, Zabayi, niAtilayi.

²⁹Akudi anyana kaBani, Meshulami, Maluki, niAdaya, niYashubi, niSheyali, niYeremoti.

³⁰Akudi anyana kaPahatimowabi, Adina naChelali, Benaya, Maseya, Mataniya, Bezaleli, niBinuwi, niManase.

³¹Akudi anyana kaHarimi, Eliyezeri, Ishiya, Malikiya, Shemaya, Shimeyoni,

³²Benjamini, Maluki, niShemariya.

³³Akudi anyana kaHashumi, Matenayi, Matatahi, Zabadi, Elifweleti, Yeremayi, Manase, niShimeyi.

³⁴Akudi anyana kaBani, Madayi, Amarama, niUweli,

³⁵Benaya, Bedeya, Cheluhi,

³⁶Vaniya, Meremoti, Eliyashibi,

³⁷Mataniya, Matenayi niYasu,

³⁸niBani, niBinuwi, niShimeyi,

³⁹niShelemiya, niNatani, niAdaya,

⁴⁰Makinadebayi, Shashayi, Sharayi,

⁴¹Azareli, niShelemiya, Shemariya,

⁴²Shalumi, Amariya, niYosefu.

⁴³Akudi anyana kaNebo, Yeyeli, Matitiya, Zabadi, Zebina, Ido, niYoweli, niBenaya.

⁴⁴Wenawa ejima diwu asumbwili ambanda amwacheŋi, amakwawu aŋodi jawu ayivwela dehi nianyana.