Read MUKANDA WANZAMBI Nehemia 1 Bible Online

Nehemia 1 - MUKANDA WANZAMBI bible

Nehemia 1

¹Mazu amwana kaHakaliya Nehemiya. Mukakweji Kisilevi, mumwaka wamakumi ayedi chinadiŋi muŋanda muShushani,

²mana kwami wumu Hanani, wenjili nawamayala amakwawu amuYuda. Hinukuyihula nsaŋu jawaYudeya apulukili, asheluhu kudiawa ayili muwuduŋu, ninsaŋu jaYerusalema.

³Hiyakuŋila nawu, Awaayili muwuduŋu anashaluhu, adi muna muwuloŋu, adi nakumona ihuŋunankashi nikusawuka; nimpwembu yahumuka dehi, niyenzelu yayuyasukuma dehi nakesi.

⁴Chinatiyili mazu owu hinukushakama nakudila nakudishishimo kamafuku amu; hinukushakama nanzala nakulomba kumesu aNzambi wewulu,

⁵nami, Eyi Yehova Nzambi wewulu, Nzambi muneni wakutiyawoma nankashi, wahembaŋa chitiyaŋenu naluwi nanawa amukeŋa ahembaŋa kuleja kwindi, nakulembeli,

⁶itu deyi ditiyilili, mesu eyi atoni, kulondawutiyilili kulomba kwamami kambuŋeyi kunukulomba kumesu eyi katatakani mwaana niwufuku, kwakulombela ambuŋeyi anyana kaIsarela, kwakwitija mwana vulumunuwu anyana kaIsarela namutunakuvulumuni, mwalala ninaminimutaŋa wawankakulula jami tunakuvulumuni dehi.

⁷Tunakwili dehi chatama nankashi, hitunahembi hela kuleja, hela yidika, hela wuŋaji walejelikambuŋeyi Mosuku.

⁸Nakulembeli, anukaku izu diwalejeli kambuŋeyi Mosi, diwelili neyi, Neyi mwakamotoka nshimbi, ami nakayimwaŋila mwahitanyuza yawantu;

⁹ilaŋa neyi mwakafunta kudami, nakuhemba kuleja kwaminakwilamu, hela akwenu anakinjikuwu adi kwakweni kunsa yewulu nakayi fumishaku, nakayipompesha nakuyileta cheŋi kumukala wunatondi kushaka mishaku ijina dami.

¹⁰Awa hiyambuŋeyi hiyantu eyi iwakúulili naŋovu yeyi yeneni, nachikasa cheyi chaŋovu.

¹¹Eyi mwanta, nakulembeli, itu deyi ditiyilili kulomba kwamami kambuŋeyi, nikulomba kwawambuŋeyi atiyaŋa kuwaha kwakama ijina deyi. Aŋitiji mwani, ami kambuŋeyi, leluniyi chachiwahi, nimonuhu wushona kudi iwu iyala. Muloŋa ami nadiŋi mukwakuhana lupasa lwamwanta.