Read MUKANDA WANZAMBI Nehemia 13 Bible Online

Nehemia 13 - MUKANDA WANZAMBI bible

Nehemia 13

¹Dena ifuku odu atapili mukanda waMosi iku antu adi nakutiya. Awenumu anasoneki nawu, KaAmoni nakaMowabi kwijila muchipompelu chaNzambi chinjila, chahaya nyaka;

²muŋa abulili kukinkilila anyana kaIsarela nayakudya nameji, hiyakuyilobela Balami kulonda ayishipi; Nzambi yetu hakubalumuna ishipu hidikwikala nkisu.

³Chatiyiluwulushimbi olu, hiyakwambula kudi aIsarela luntu lwejima lwawantu adibomba acheŋi nawacheŋi.

⁴Helili yumiyi yichidi kanda, kapristu Eliyashibi, akunjikiluwu kumudimu wakutalaŋa matala amwitala daNzambi yetu, wakwatili wubwambuna Tobiya.

⁵Wamuloŋesheleli itala deneni daswekelelaŋawu nyilambuyawuŋa, nilibona, ninyitondu, niyamwikumi yakudya kwansaachi, niyavinyu, niyamanji yenkelapawu aLevi nawakwakwimba nawakwakuhembakuyisu mwayilejeluwu; ninyilambu yakuleleka yawatupristu.

⁶Mwejimomu hinadiŋi kuYerusalemaku. Muloŋa mumwaka wamakumi asatunakayedi wamwanta wakuBabiloni Aratasheshe, nayili kudi mwanta; chimwahitili mafuku namulombeli mwanta.

⁷Hinukufunta kuYerusalema, hinukwiluka chuma chatama chanamwililuwu Tobiya kudi Eliyashibi, chakumulopeshela itala muyipapu yakwitala daNzambi.

⁸Chantiyishili kutama nankashi, yuma yaTobiya yamwitala yejima hinukuyinatila hanzi.

⁹Hinukuyileja, hiyakujilika mumatala; hinukuletamu cheŋi yuma yamwitala daNzambi hamu nanyilambu yawuŋa nalibona.

¹⁰Hinukumona nami komana maseka awaLevi hiyayinkelaŋa wuku, niwena aLevi nawakwakwimba tumina aditemokela dehi, iwu kwiha dindi, iwu kwiha dindi.

¹¹Hinukuyihoshola anyuli, nami, Itala daNzambi anadilekelidi? Hinukuyipompesha hamu, hinukuyiimika hemenaŋawu.

¹²AYuda ejima hiyakuieta yamwikumi yakudya kwansaachi, niyavinyu, niyamanji, mumatala akuswekela yuma.

¹³Akwakusweka yuma hinukuyikunjika kumudimu wakutala matala akuswekela yuma, diwu kapristu Shelemiya, nansoneki Zadoki, naPedaya wakudi aLevi; mukwakuyikwasli aHanani mwana kaZakuri, Zakuri mwana kaMataniya. Muloŋa diwuamwenuwu kushinshika, diwu nawa adiŋi namudimu wakwanjapena anakwawu.

¹⁴Eyi Nzambi vami ntoŋuhu nansaŋu iyi, bayi wujima nvidimuyami yayiwahi yinakopela dehi itala daNzambi vami niyinakoŋela dehi yijilayaduku.

¹⁵Hamafuku owu namweni muYuda amakwawu adi nakudatola muwuka mwinu wavinyu hasabata, adi nakuleta yita, adi nakutwikatwika yimbulu; adi nakuleta muYerusalema mwifuku dasabata nivinyu yayemi, ninyikabuyanyivinyu, niyikuyu, niyiteli yeŋi nayeŋi. Hinukuyitotamu mwifukudalandishiluwu yakudya.

¹⁶AkwaTira adiŋi nakushakamamu, adiŋi nakuletamu inshi, nayuma yakulanda yeŋi nayeŋi, adiŋi nakuyilandisha hasabata, nikudi aYuda, nimuYerusalema.

¹⁷Hinukuyihoshola atulamba twawaYuda, hinukuyila nami, Ichichumachatama chimudi nakwila hichumanyi? Mujilolaŋa tuhu ifuku dasabata?

¹⁸Hidimu mwelili ankakulula jenu, mwaka Nzambi yetu atuletelaŋa ninetunimukaliwu kutama kwejimikuku? Chimuvulishaŋa tuhu kuzuwa kwakuyizuwila aIsarela nakujilola sabata!

¹⁹Chelili kuyisu yampwembu yaYerusalema hikukutachika kwiliya sabata kanda, hinukuyileja nami, Enzelenu yenzelu. Hinukuyileja nami, Bayi muyenzululaku chiŋa sabata yinahiti dehi. Apamba jami amakwawu hinukuyinka mudimu wakutala kuyisukulonda akabuli kwiji yiteli hefuku dasabata.

²⁰Akwakulandulula, nawakwakulandisha yuma yakulanda yeŋi nayeŋi, hiyakukama kunsembwa yaYerusalema, hela kamu, hela kayedi.

²¹Hinu kuyitotamu, hinukuyilanami, Mwakaminaŋadi kwakwihi nampwembu? Neyi mwakafuntila mucheŋi nakayikwata. Kufumisha henohu hiyenjili nawa cheŋi hasabataku.

²²Hinukuyileja aLevi, nami, Dikosenu, mwakenzi nakuhemba kuyisuyampwembu kulonda mujiliki ifuku dasabata. Eyi Nzambi yami, ntoŋuhuna chumichi nawa, wakaŋanakenaŋa mwomwekalila luwi lweyi lwasweja.

²³Hamafuku owu namweni nawa aYudeya amakwawu asumbwili ambanda akuAshidodi, nakuAmoni, nakuMowabi.

²⁴Anyanawu adiŋi nakuhosha chibalu chimu idimi dakuAshidodi, kutwesha kuhosha idimi dawaYudeyanehi, chiŋa madimi awantu acheŋi nawacheŋi.

²⁵Hinukuyihoshola, hinukuyishiŋa, amakwawu hinukuyeta, hinukuyipela nsuki jawu, hinukuyisanyikishanami, Sanyikenu Nzambi; nami, Bayi mwakasumbwishapa anyanenu awambanda kudi anyanawuku, hela anyanenu amayala bayi muyisumbwila anyanawuku, hela kudisumbwila enu aweni.

²⁶Mwanta wawaIsarela Solomoni havulumwini nayumiyuku? Kutoŋa munyuza yayivuluhi mwadiŋi mwanta wudi neyi yenaku, amukeŋeli kudi Nzambi yindi, Nzambi wamudiishili wanta wawaIsarela ejima. Chikaŋa yena amuvulumwishili kudi ambanda akwacheŋi.

²⁷Komana etu tutiyilili kudenu twilikutama kwatoha chi kuma hichi, tumotoki Nzambi yetu, tusumbuli ambanda akwacheŋi?

²⁸Mwana wakudi anyana kaYoyada, mwana kakapristu muneni Eliyashibi, wadiŋi mukwesanu waSambalati wakuHoroni. Hinuku mutemunanami, Fumaku.

²⁹Eyi Nzambi yami yanuki nanichi chanajiloluwu niwupristu, nichitiyaŋenu chawupristu nichawa.

³⁰Hinukuyitookesha chakuyifumisha enyi ejima, hinukuyikunjika kuwukoŋeluwa watupristu nawaLevi, iwu namudimu windi, iwu namudimu windi;

³¹niwamulambu wanchawa wakulambula hayishiikawu, hayishiikawu, niwayakudya yatachi. Eyi Nzambi yami, ntoŋuhu yayiwahi.