Read MUKANDA WANZAMBI Nehemia 2 Bible Online

Nehemia 2 - MUKANDA WANZAMBI bible

Nehemia 2

¹Mukakweji Nisani, mumwaka wamakumi ayedi wamwanta Aratasheshe, chikwadiŋi vinyu kumesu indi, ami hinukunona vinyu, hinukumwinka mwanta. Henohu kanda nidihombaŋahu dehi kumesu amwantaku.

²Mwanta hakuŋila nindi, Wunadiho mbelidi, eyi muntu wakadi kukata? Hichikela chakumu chima hohu. Ami hinukutiya woma nankashi.

³Hinu kumwila mwanta nami, Mwanta ahandaŋa haya nyaka. Indi ami nukulekeladi kudihomba? Kumukala, kumajamu awankakulula jami kwabunda dehi, niyenzelu yampwembu yasukuma dehi nakesi.

⁴Mwanta hakuŋila nindi, Wunakepi kulombadi? Dichi hinukulombakudi Nzambi wewulu.

⁵Hinukumwila mwanta nami, Neyi mwanta natiyi kuwaha, neyi amikambuŋeyi nawani wuselewa kumesu eyi, kantemeshi niyi kuYuda, kumukalawa majamu awankakulula jami, nakawutuŋiululi cheŋi.

⁶Mwanta hakuhosha nanami, iku mwadi nashakami hamu nayena nawa, nindi, Njila yeyi yamafuku aŋahi? Wakafunta mwakanyi? Mwantawatiyili kuwaha kuntemesha. Ninami hinukumu chindila mafuku.

⁷Hinukumwila mwanta nawa nami, Neyi mwanta natiyi kuwaha, wakanyinki nyikanda yakuleja anguvulu adi mwishinadi dakaloŋa, kulonda akaŋitŋikuhita nakashiki kuYuda.

⁸Akanyinki nimukanda wakuleja Asafwi mukwakuhemba isaŋa damwanta, akanyinki nyitondu yakusoŋa nyalachiyayipamba yakuyisu yakwitala dakuhata yakundama kwitala, niyakumpwe mbuya mukala, niyetala dinakeŋila ami. Mwanta hakunyinka mwomwaya chikasa chaNzambi yami chadiŋi hadami.

⁹Hinukushika kudi anguvulu adiŋi mwishinadi dakaloŋa, hinukuyinkanyikanda yamwanta. Mwanta watemesheli hamu nanami awakulumpi anjitanawa kwatuwalu.

¹⁰Cheliluwu aSambalati wakuHoroni, nakaAmoni Tobiyanduŋu, anachitiyi, hiyakutiya kutama nankashi nanochu chikunenzi muntuwakukeŋa nindi anyana kaIsarela amoni kuwaha.

¹¹Dichi nashikili kuYerusalema, hinukushakama kwenoku mafuku asatu.

¹²Hinukunyamuka nawufuku ninami niantu antesha hamu nanami. Kuleja muntu chuma chashiliyi Nzambi yami kumuchima wami chakukoŋela Yerusalema nehi. Hinadiŋi nawanyamaku chipa yowu kanyama nakandamini.

¹³Nedikilili kuchisu chachinekineki nawufuku, hinukuyakwishima dawanyumbu, nikuchisu chatuji, hinukutala mpwembu jaYerusalema jahumokeli, niyenzelu yaju yasukumini nakesi.

¹⁴Hinu kupanda kanahinu kuya kuchisu chakaseloki nikwijiya damwanta; ilaŋa hikwadiŋi kuwuhitilu wakanyama nakandaminuku.

¹⁵Hinukuhitila kukakaloŋana wufuku, hinukutala chachiwahi mpwembu; hinukubalumuka cheŋi nakwiŋilila kuchisu chachinekineki, hinukufunta.

¹⁶Anyuli hiyelukilihela kunayili hela chineliluku. Henohu nichidi kanda niyileji aYudeya, hela atupristu, hela atulamba, hela anyuli, hela amakwawu adiŋi nakukoŋa mudimuku.

¹⁷Dichi hinukuyila nami, Enu munamoni kutama kunatuwani, nichimunabundi muYerusalema, nichiyinasukumi yenzelu yampwembu nakesi. Twayenu Tutupenu mpwembu yaYerusalema, indi tusawukaŋa tuhu?

¹⁸Hinukuyileja chikasa chaNzambi yami chanwahilili, nimazu amwanta ahosheliyi nanami nawa. Nawu, Tunyamukenu, Tutupenu. Hiyakukolesha makasawu kumudimu owu wawuwahi.

¹⁹Chachitiyiluwu aSambalati wakuHoroni, nakaAmoni Tobiya nduŋu, nakaArabiya Geshemi, hiyakutuseha nankashi nikutudiwula, nawu, Chumichi chimudi nakwila hichumanyi? Keŋa mudikaŋi namwanta tahindi?

²⁰Hinukuyakula, hinukuyila nami, Nzambi wewulu diyi wukutuwahishila mudimu. Dichi etu ambuŋindi tukunyamuka, tukutuŋaŋa kwetu; enuhimukweti hela iseka, hela chiyulu, hela hakwanukila muYerusalemaku.