Read MUKANDA WANZAMBI Nehemia 3 Bible Online

Nehemia 3 - MUKANDA WANZAMBI bible

Nehemia 3

¹Kapristu muneni Eliyashibi hakunyamuka nawana kwindi atupristu, hiyakutuŋa chisu chanyikoku. Hiyakuchilika, hiyakushaku nimapitu achu. Achilikili ndo nikukaposhi kaHameya, kushika nikukaposhika Hananeli.

²Kumbavu yindi kwatuŋili amayala akuYeriku. Kumbavuyawu kwatuŋili mwana kaImiri Zakuri.

³Chisu chanshi achituŋali kudi anyana kaHasenaya. Aalili nyalachiyachu ashiluku yenzelu yachu, nitupatishu twachu ninyikomenu yachu.

⁴Kumbavu yawu kwatuŋulwili Meremoti mwana kaUriya, Uriya mwana kaHakozi. Kumbavu yawu kwatuŋulwili Meshulami mwana kaBerekiya, Berekiya mwana kaMeshezabeli. Kumbavu yawu kwatuŋulwili mwana kaBayana Zadoki.

⁵Kumbavu yawu kwatuŋulwili akwaTekowa. Ilaŋa tulamba twawu hiyashili yifwiji yawu kumudimu waMwanta wawuku.

⁶Chisu chachikulu achituŋulwili kudi mwana kaPaseya Yoyada, namwana kaBesodeya Meshulami. Aalili nyalachi yachu, ashiluku yenzelu yachu, nitupatishu twachu, ninyikomenu yachu.

⁷Kumbavu yawu kwatuŋulwili Melatiya wakuGibeyoni, naYadoni wakuMeronoti, nawamayala akuGibeyonina kuMizipa, adiŋi akwetanda dawanta danguvulu wakwishinadidakaloŋa.

⁸Kumbavu yindi kwatuŋulwili mwana kaHarahaya Uziyeliacheŋi awuru. Kumbavu yindi kwatuŋulwili Hananiya wakudi akwakwilayi tumbu yamavumba amawahi, diwu ahatishili Yerusalema ndo nikumpwembuyeneni.

⁹Kumbavu yawu kwatuŋulwili mwana kaHuri Refwaya, nyuli yachibalu chaYerusalema.

¹⁰Kumbavu yindi kwatuŋulwili mwana kaHarumafu Yedaya, kwokwatalaŋana netala dindi. Kumbavu yindi kwatuŋulwili mwana kaHashabineya Hatushi.

¹¹AMalikiya mwana kaHarimi, naHashubi mwana kaPahatimowabi, atuŋulwili chibalu chikwawu, nikaposhikanteŋi.

¹²Kumbavu yindi kwatuŋulwili mwana kaHaluheshi Shalumi, nyuli yachibalu chaYerusalema, hamu nawanyanindi awambanda.

¹³Chisu chakuchinekineki achituŋulwili kudi Hanuni nawe niZanowa, diwu achituŋali, ashiluku yenzelu yachu, nitupatishu twachu, ninyikomenuyachu, atuŋili nichibalu champwembu chashika munkotweli jachikasa ikombakaji, ndo nikuchisu chatuji.

¹⁴Chisu chatuji achituŋulwili kudi mwana kaRekabi Malikiya, nyuliyampata yakuBetihakaremi, diyi wachituŋali, washiluku yenzelu yachu, nitupatishu twachu, ninyikomenu yachu.

¹⁵Chisu chakukaseloki achituŋulwili kudi mwana kaKolihoze Shaluni, nyuli yampata yakuMizipa; diyi wachituŋali, wachibutili, washilukuyenzelu yachu, nitupatishu twachu, ninyikomenu yachu, watuŋili nimpwembu yakwijiya dakuSilowa kwitempa damwanta, kushika nikunkandaminu jakunkumukilaŋawu hafumaŋawu mumukala waDavidi.

¹⁶Munyima yindi mwatuŋulwili mwana kaAzibuki Nehemiya, nyuliyachibalu champata yakuBetizuri, kushika nikwiluŋa datalaŋana namajamu aDavidi, nikwijiya deliluwu, nikwitala dawayilobu.

¹⁷Munyima yindi mwatuŋulwili aLevi, mwana kaBani Rehumi. Kumbavu yindi kwatupulwili Hashabiya nyuli yachibalu champata yakuKeila, nichampata yindi yomweni.

¹⁸Munyima yindi mwatuŋulwili ana kwawu, mwana kaHenadadi Bavayi, nyuli yachibalu champata yakuKeila.

¹⁹Kumbavu yindi kwatuŋulwili mwana kaYeshuwa Ezeri, nyuli yaMizipa, chibalu chikwawu chatalaŋa nana kuwukandaminu wakuwuswekelu wayitwa kwabalumukila mpwembu.

²⁰Munyima yindi mwana kaZabayi Baruki watupulwili chibalu chikwawu nakushaku muchima nankashi, kufumisha kwabalumukila mpwembu, kushika nikuchisu chetala dakapristu muneni Eliyashibi.

²¹Munyimayindi mwatuŋulwili Meremoti mwana kaUriya, Uriya mwana kaHakozi, chibalu chikwawu chakufumisha kuchisu chetala daEliyashibi nakushikakunsa yetala daEliyashibi.

²²Munyima yindi mwatuŋulwili atupristu, antu akuchana.

²³Munyima yawu mwatuŋulwili aBenjamini naHashubi hatalaŋana netala dawu. Munyima yawu mwatuŋulwili Azariya mwana kaMaseya, Maseya mwana kaAnaniya, kwakwihi netala dindi.

²⁴Munyima yindi mwatuŋulwili mwana kaHenadadi Binuwi chibalu chikwawu chakufumisha kwitala daAzariya nakushika kwabalumukila mpwembu, nikwiwombukachi.

²⁵Mwana kaUzayi Palali watuŋulwili hatalaŋatia nahabalumukila mpwembu, nakaposhi kedika mwitala damwanta dakundunda mudekala kuchipaŋu chaawatulama. Munyima yindi mwaPedaya mwana kaParoshi.

²⁶Henohu aNetini ashakama muOfweli kushika nikwiluŋa datalaŋana nachisu chameji chatala kumujika, nikukaposhi kedikamu.

²⁷Munyima yindi eniTekowa atuŋulwili chibalu chikwawu chatalaŋa nanakaposhi keneni kedikamu, nikumpwembu yaOfweli.

²⁸Hewulu dachisu chawatuwalu hatuŋulwili atupristu, iwu hatalaŋana netala dindi yomweni, iwu hatalaŋana netala dindi yomweni.

²⁹Munyima yawu mwatuŋulwili mwana kaImeri Zadoki, hatalaŋana netala dindiyomweni. Munyima yindi mwatuŋulwili mwana kaShekaniya Shemaya, mukwakuhemba kuchisu chakumusela.

³⁰Munyima yindi mwatuŋulwili mwana kaShelemiya Hananiya, namwana kaZalafu Hanuni, wamuchitanu nawumu, chibalu chikwawu. Munyima yindi mwatuŋulwili mwana kaBerekiya Meshulami hatalaŋana netala dindi dahewulu.

³¹Munyima yindi mwatuŋulwili Malikiya, muchi wawuru wumu, washikŋili kwitalada waNetini, nidawa kwakulandulula, kwatalaŋana nachisu chahaMifwikadi, kushika nikuwukandaminu wakwiwombu.

³²Hakachi kakuwukandaminu wakwiwombu nachisu chanyikoku hatuŋulwili achiŋi awuru nawakwakulandulula.