Read MUKANDA WANZAMBI Nehemia 6 Bible Online

Nehemia 6 - MUKANDA WANZAMBI bible

Nehemia 6

¹Chayilejeluwu aSambalati naTobiya, nakaArabiya Geshemi nawayilumbujetu amakwawu, nawu ami natupi dehi mpwembu, nihafwahanashali nehi, Itutoŋa henohu nichidi kanda nishi niyenzelu muyisuku;

²aSambalati naGeshemi hiyakuntemeshela mazu akuŋila nawu, Twayatubulakani mumukala wumu wamuchana chaOno. Komana atoŋojoka dehi jakuŋila chatama.

³Hinukuyitemeshela atuŋanda, nami, Ami nidi nakwilamudimu weneni, hinukutwesha Itukunkumuka okuku. Mudimu wimanituhu, ami niwushiyi tuhu, nikunkumuki oku kudenu?

⁴Antemesheleli mazu akuŋila mwenimu mapampa kawana; ami nayakwili mwomumu.

⁵Sambalati hakuntemeshela ŋamba yindi mwomwindi mwelilaŋayi ipampa damu chitanu, namukanda wakuvuŋulula muchikasa chindi,

⁶wakusonekanawu, Chatiyakana dehi mukachi kanyuza, niGashimu wudi nakuhoshamu, nawu, eyi nawaYudeya munatoŋojoki dehi jakudikaŋa; dichichiwudi nakutuŋila mpwembu, wunakeŋi kwikala mwanta wawu; dimumwanahoshuwu.

⁷Washamu dehi atuprofwetu kulonda akushimunaŋakukutaŋa kuYerusalema, nawu, MuYuda mudi mwanta. Dichi dinumwanta akamuleja mwenimu mwanahoshuwu. Dichi dinu twaya tukwatimpùŋa.

⁸Hinukutemesha mazu ltudi yena, nami, Oyu yuma yiwukuhosha hidiyuku, wudi nakuyifwikija mumuchima weyeyi aweni.

⁹Muloŋa wejima wawu akeŋeli kututiyisha woma, nawu, Makasawu azeyi, ze-ke-li, akaŋanyi kwila mudimu. Ichi dinu, eyi Nzambi, nkolesheli makasami.

¹⁰Hinu kwijila mwitala daShemaya mwana kaDelaya, Delaya mwana kaMehetabeli, wadiŋi wadenzelela mwitala. Yena hakwila nindi, Twakabulakenimwitala daNzambi, mukachi katembeli, twakenzeli yenzeluyatembeli, muloŋa akenza nakukujaha; mwalala akenza nawufuku nakukujaha.

¹¹Nami, Ami iyala nikumimu nitemuki? iyalanyi wudi neyi ami wukwijila mutembeli apulwishi wumi windi? Ami kwami hinukwijila mwokuku.

¹²Ami hinukushinshika nami, Komana hiyana mutemeshi kudi Nzambuku, nahoshi tuhu wuprofwetu iwu kulonda kuntamisha, amulobelikudi aTobiya naSambalati.

¹³Dichi chamulobeleluwu, alondeli antiyishi woma, kulonda nili mwenomu, nivulumuni, kulonda akamoni hakuntiyakeshela mwatama ansawuli.

¹⁴Eyi Nzambi yami, yanuki aTobiya naSambalati mwaya nyidimu yawu iyi yatama, nikaprofwetu wamumbanda Nowadiyanawa, niatuprofwetu amakwawu, akeŋeli kuntiyisha woma.

¹⁵Dichi mpwembu yamanini mwifuku damakumi ayedi nakatanuda kakweji kaEluli, mumafuku makumi atanu namafuku ayedi.

¹⁶Chachitiyiluwu ayilumbu jetu ejima, nyuza yejima yatunyeŋumukili hiyakudimonanawu, Jinatukumi dehi. Muloŋa elukili nawu komana mudimu iwu anawukoŋi kudi Nzambi yetu.

¹⁷Hamafuku owu nawa atulamba twamuYuda atemeshelaŋa nyikanda yayivulu kudi Tobiya, ninyikanda yaTobiya yenjilaŋa kudi wena.

¹⁸Muloŋa antu amavulu amuYuda adishiŋili nawu, Tukwikala indi yena, muloŋa yena wadiŋi mukwesanu waShekaniya mwana kaAra; mwanindi Yehonani wasumbwili mwana kaMeshulami mwana kaBerekiya.

¹⁹Wenaashimwinaŋa kudami yuma yayiwahi yelilaŋayi, hiyakumuleja yena mazuami. Tobiya watemeshelaŋa nyikanda nindi antiyishi woma.