Read MUKANDA WANZAMBI Nehemia 8 Bible Online

Nehemia 8 - MUKANDA WANZAMBI bible

Nehemia 8

¹Antu ejima apompeli hamu neyi muntu wumu mulubanza lwekalakwakwihi nachisu chameji; hiyakumwila nsoneki Ezera, nawu, Letakumukanda wanshimbi jaMosi jalejeluwu aIsarela kudi Yehova.

²Kapristu Ezera hakuleta nshimbi kumesu achipompelu chawamayala nawambandanawakwawu ejima atwesheli kutiyamu chalumbuluka, hefuku dakusambila dakakweji kamuchitanu nachiyedi.

³Hakutapamu kulubanza lwekalakwakwihi nachisu chameji, kufumisha kukucha nakushika kuchavili, kumesu awamayala nawambanda nawakwawu atwesheli kutiyamu nama ana. Matu awantu ejima adiŋi nakutiyilila kumukanda wanshimbi.

⁴Nsoneki Ezera wemeni hachimeta chanyitondu chatupililuwu nsaŋuoyu. Kumbadi yindi yachikasa chachidiilu kwemeni Matitiya, naShema, naAnaya, naUriya, naHilikiya, naMayaseya; kuchikasa chindi chachimunswa aPedaya, naMishayeli, naMalikiya, naHashumi, naHashibadana, naZekariya, naMeshulami.

⁵Ezera hakubakula mukanda, iku antu ejima adi nakutala; muŋa yena wadiŋi hewulu dawantu ejima. Chawubakwiliyi antu ejimahiyakwimana kakata, kakata.

⁶Ezera hakukiswila Yehova Nzambi muncninkisu. Antu ejima hiyakwakula nawu, Amena, Amena, iku anololi makasawu. Hiyakubandama nyitu yawu, hiyakudifukula kudi Yehova nimesuawu hamaseki.

⁷AYeshuwa, maBani, naSherebiya, naYamini, naAkubi, naShabetayi, naHodiya, naMayaseya, naKelita, naAzariya, naYozabadi, naHanani, naPelaya, nawaLevi, hiyakulumbulwila antu nshimbi, antu sapa emana wumuyididi yawu.

⁸Hiyakutapa chalumbuluka mumukanda wanshimbiji Nzambi, hiyakulumbulula muwaya kulonda atiyi mwanatapuwu.

⁹NiNehemiya wadiŋi nguvulu, nikapristu Ezera nsoneki, niaLevi adi ijina kuleja antu, hiyakuyila antu ejima nawu, Lelu hiifuku dajila dajilikila Yehova Nzambi yenu. Bayi muneŋa hela kudilaku. Muloŋa antu ejima chatiyiluwu mazu anshimbi hiyakudila.

¹⁰Hakuyileja nindi, Yenu mwaka dyiyanuna, mwakanwi yatowala, anabuli kuloŋeshelawu mwaka mutemeshela kuyindi, muŋa lelu hiifuku dajila dakujilikila Mwanta wetu, dichi bayi mutiya chikelaku, muŋa muzapalu waYehova diyi Ŋovu yenu.

¹¹ALevi hiyakumwenesha antu ejima, nawu, Mwenenu, muloŋa hiifukudajila, bayi mutiya chikelaku.

¹²Antu ejima hiyakuya kwawu nakudya nakunwa nakutemeshelaku akwawu, nakuzaŋajala nankashi nanochu chayilu mbulukilili mazu ayi shimwininuwu.

¹³Hefuku damu chiyedi, kudi nsoneki Ezera hikukupompa awakulumpi akumavumu awankakulula awantu ejima, niatupristu, niaLevi, kulondaatiyilili chachiwahi mazu anshimbi.

¹⁴Hiyakuwana anasoneki munshimbi chamulejeluwu Mosi kudi Yehova, nawu, Anyana kaIsarela akashakamaŋa muyisolu hachawija chakakweji kamuchitanu nachiyedi;

¹⁵akashimwaŋeni nakubidikisha munyikala yawu yejima, nimuYerusalema, nawu, Idikenumuyi kumpidi, mwakaleti nyitayi yanyiolive, ninyitayi yanyisombu, ninyitaviyayibubu, niyanyikoma, niyanyitondu yajika, kulonda akatuŋi yisolu mwanasonekuwu.

¹⁶Antu hiyakwidika, hiyakuya nakuleta, hiyakutupayisolu yawu, iwu hewulu detala dindi, iwu hewulu detala dindi, amakwawu muyipapu yawu, amakwawu muyipaŋu yakwitala daNzambi, amakwawu mulubanza lwakuchisu chameji, amakwawu mulubanza lwakuchisu chaEfweremi.

¹⁷Chipompelu chejima chanawa afumini muwuduŋu hichikutuŋayisolu, hichikushakama muyisolu. Kufumisha kumafuku adiŋiyi mwana kaNuni Yoshuwa nakushika kwifuku odu, anyana kaIsarela hiyelili chochochuku. Kwadiŋi kuzaŋalala kwakweni kwabadika.

¹⁸Wataŋili mumukanda wanshimbi jaNzambi hefuku hefuku, kufumisha kwifuku dakusambila nakushika kwifuku dakukuminina. Adiili chawija mafuku atanu nayedi; hefuku damu chitanu nachisatu hadiŋi kupompa kwakudihudika mwomwa yalu shimbi.