Read MUKANDA WANZAMBI Nehemia 9 Bible Online

Nehemia 9 - MUKANDA WANZAMBI bible

Nehemia 9

¹Hefuku damakumi ayedi nakawana dakakweji aka, anyana kaIsarela apompeli nanzala, anavwali yikeleyi, anadisukwili maseki.

²Asemuka kuIsarela hiyakudambula kudi enyi ejima, hiyakwimana nakwitŋia mwavulumwinuwu, nimwaluwiluwu ankakulula jawu.

³Hiyakwimana muyididiyawu, nakutaŋa mukanda wanshimbi jaYehova Nzambi yawu, chibalu chefuku chamuchiwana; chibalu chikwawu chamuchiwana hiyakwitija, hiyakudifukula kudi Yehova Nzambi yawu.

⁴AYeshuwa naBani, naKadimiyeli, naShebaniya, naBuni, naSherebiya, naBani, naChenani, hiyakwimanahankandaminu yawaLevi, hiyakubilela kudi Yehova Nzambi yawu nezudakola.

⁵ALevi, aYeshuwa, naKadimiyeli, naBani, naHashabineya, naSherebiya, naHodiya, naShebaniya, naPetahiya, hiyakwila nawu, Imanenu mumukiswili Yehova Nzambi yenu wakufumisha kunyaka yejima, wakushikakunyaka yejima, nkisu. Ijina deyi dalema, datúumbakana, chakubadika nkisu yejima nikushimeka kwejima, adikiswili nkisu.

⁶Eyi yeyi Yehova kanka weyi hohu; yeyi welili iwulu, iwulu damawulu, nivileŋaleŋa yawuyejima, niiseki niyuma yekalahu yejima, nituluŋalwiji niyuma yekalamu yejima, yeyi wayihembaŋa yejima. Yileŋaleŋa yamwiwulu yadifuku lapakudeyi.

⁷Eyi yeyi Yehova Nzambi watondeli Abarama, wamufumishili muUri wawaKaladeya, wamwinkeli ijina daAbarahama;

⁸wamwenimuchima windi washinshika kumesu eyi, watiyaŋeni nindi chitiyaŋenu chakwinka anyanindi ituŋa dawaKenani, nawaHiti, nawaAmori, nawaPerizi, nawaYebusi, nawaGirigashi, ninochu muwahosheli wunakopumu; muloŋaeyi waloŋa.

⁹Wamweni chadiŋi nakukabawu ankakulula jetu muEjipitu; watiyilichadililuwu kuKalupalwŋi Kachinana.

¹⁰Wamwekesheli hadi Fwaro, nihadi ambuŋindi ejima, nihadi antu amwituŋa dindi ejima yinjikijilu nayihayamisha, muloŋa eyi welukili chadiŋi nakudinkawu wanta nawena; hiwukutiyakana niijina neyi chididi lelu.

¹¹Wa ambwili kalupalwŋi kwakuyawu, hiyakuhita mukachi kakaluŋalwiji, hiyakuzambuka heseki dawuma; ayihaŋili wayinatilili mumanyiŋi neyiilola mumeji aŊovu.

¹²Namwa ana wayilombweli nachishimi chevu, nawufuku nakesi, kulonda kuvitopekela munjila yakuyawu.

¹³Wasulukilili nawa hampidi yaSinayi, wahosheli nawu nezu dakufuma mwiwulu, wayinkeli wuŋaji waloŋa, ninshimbi jalala, niyidika yayiwahi, nikuleja kwakuwahi.

¹⁴Wayiilukishili sabata yeyi yajila, wayilejeli kuleja, niyidika, ninshimbi, kukanwa kakambuŋeyi Mosi.

¹⁵Nanzala yawuwayinkeli yakudya yakufuma mwiwulu, nampwila yawu wayiidishilili meji mwilola, wayilejeli kwijila nakuheta ituŋa diwayolweleli chikasa kwiwulu, neyi, Nakayinka.

¹⁶Hakwila wena nawankakulula jetu elili mwakudinka wanta, achini chikili, kutiyilila muwayilejeli nehi,

¹⁷kwonti kwawu kwovwahila, kwanuka ŋayi haya misha yeyi yiwelili mukachi kawu nehi. Achini chikili, chadi kaŋiluwu hiyakushamu mukulumpi wawu wakuyifuntisha kuwudupu wawu; ilaŋa eyi kweyi wuNzambi waanakenaŋa, waluwi, wenzala wushona, hiwazuwaŋaswayuku, wasweja luwi, kuyileka kweyi nehi.

¹⁸Hela tuhu, chasuŋunwinuwu mwana kaŋombi wakusuŋununa, nakwila nawu, Yeniwu diyi Nzambi yeyi wakufumishili muEjipitu, hiyakuvulo kavuloka Nzambi mweneni;

¹⁹eyi kweyi nawushona weyi wawuvulu nankashikuyilekela mwisaŋa nehi; chishimi chevu chayilombwelaŋa munjila hichafumini hewulu namwaanaku, hela chishimi chakesi chayitoŋekelaŋa, chayilejelaŋanjila yakuyawu, hichayifumini nawufukuku.

²⁰Wayinkeli spiritu yeyi yayiwahi kulonda kuyilejaŋa maana, hiwayibondeli manina yeyi kukanwa kawuku, wayinkeli meji nampwila yawu.

²¹Wayidiishili mwisaŋa nyaka makumi awana, hiyabulili chumaku, yuma yawu yakuvwala kukulaŋa nehi, nyendu yawu kunanaŋa nehi.

²²Wayinkeli matuŋa awanyanta, ninyuza yawantu, hiwukuyambwila awanahawu, awa nahawu; hiwukuyinka ituŋa daSihoni, dodituŋa damwanta wakuHeshiboni, niituŋa daOgi mwanta wakuBashani.

²³Wavulishili anyanawu neyi tutumbwa twamwiwulu, hiwultuyishikŋa mwituŋa diwalejeli ankakulula jawu, neyi, Mwakeŋa ilamu nakudiheta.

²⁴Anyana hiyakwijila nakuheta ituŋa, kukuyawu hiwukuyifwomwena akwetuŋa, wowu aKenani, hiwukudihana kudi wena, hamu nawanyanta jawu ninyuza yamwituŋa kumu, kulonda akayikoŋi mwonsu mwanakepuwu.

²⁵Atambwili nyikala yampwembu, niituŋa damanji, hiyakuheta nimatala enzala nayuma yejima yayiwahi, nimashima akupunda dehi, nimatempa anyivinyu, nimatempa anyi olive, ninyitondu yakudya yayivulu nankashi; hiyakudya, hiyakwikuta, hiyakutoha, hiyakuluŋa nakuwaha kweyi kwasweja.

²⁶Hela chochu, ajikwili, adikaŋili naneyi, anatilili nshimbi jeyi kunyima yawu, ajahili atuprofwetu tweyi ayitotelaŋa nawu, Balumukilenu kudami. Hiyakuvuloka vuloka Nzambi mweneni.

²⁷Hiwukuyihana kudi akwankunyi nawu hivakuyikabisha. Chamwenuwu yihuŋu hiyakudilila kudeyi, hiwukuyitiva mwiwulu, hiwukuyinka yamwinu mwahita wushona weyiwawuvulu, hiyakuyamwinaŋa kudi akwankunvi nawu.

²⁸Cheliluwu ananooki dehi, afuntilili cheŋi kwila chatama kumesu eyi, nineyi hiwukuyilekela kudi ayilumbu jawu mwaka ekalaŋa anyanta jawu. Hela chochu, chafuntiluwu cheŋi nakudilila kudeyi, eyi muna mwiwuluwatiyili, wayipulwishili kakavulu mwaya wushona weyi wawuvulu.

²⁹Wayitotelumu kulonda wuyifuntishi cheŋi kunshimbi jeyi. Wenakudinka wanta hohu, kutiyaŋa kuleja kweyi nehi, avulumwini nakumotoka wuŋaji weyi wakwila neyi muntu wukwilamu wukuhandilamu, asekwilaŋa yifwiji yawu, achini chikili, kwonti kwawu kutiya.

³⁰Hela chochu, wayiwundilili nyaka yayivulu, wayitotelumu naspirituyeyi kudi atuprofwetu tweyi, wena kwawu kushaku matu nehi, hiwukuyiha nakudi nyuza vamumatuŋa.

³¹Hela chochu, nawushona weyi wawuvulueyi kuyinopesha to-o, hela kuyileka nehi, muloŋa eyi wuNzambi wawushona, waanakenaŋa.

³²Dichi dinu, eyi Nzambi yetu, Nzambi muneni, waŋovu, wakutiyawoma nankashi, wakakelaŋaa muwatiyapeni nimuluwi lweyi, kukabakanakwejima kunatuwani ninetu, nianyanta jetu, nitulamba twetu, nitupristu twetu, nituprofwetu twetu, niankakulula jetu, niantu eyi ejima, kufumisha hamafuku adiŋuwu anyanta jakuAshuri, nakushika kwitaŋwa dalelu, bayi wukumona kukehaku.

³³Muyuma yejima yinatuwani eyi kweyi waloŋahohu, muŋa eyi wuneli mwalala, hakwila etu tuncli mwatama.

³⁴Anyantajetu nawatulamba twetu, nawatupristu twetu, nawankakulula jetu, kuhembanshimbi jeyi, hela kutiyilila mwaya kuleja kweyi nawunsahu weyi wayitotelaŋanachu nehi.

³⁵Wena hiyanakukalakeli mwituŋa dawu, hela mukuwahakweyi kweneni kuwayinkeli, hela mwituŋa deneni damanji diwashililikumesu awuku, hela kubalumuka aleka nyidimu vawu nehi.

³⁶Tala, sapa tudi anduŋu nilelu, hakwila ituŋa diwenkeli ankakulula jetukulonda akadyi yakudya niyayiwahi yekalamu, tala, etu twashakama muchawu dupu hohu.

³⁷Dasoŋaŋa kudya kwakuvulu kwakudya anyanta lwatushilili kutuyula nansaŋu yanshidi jetu; akweti Ŋovu jakuyula ninyijimbayetu niyimuna yetu mwonsu mwanakeŋuwu, tudi nakumona kukalanankashi.

³⁸Hayuma yejimiyi hitukutiyaŋana chitiyaŋenu chakashinshi, hitukuchisoneka; nitulamba twetu, niaLevi etu, nitupristu twetu, hiyakulamika huchilamiki.