Read MUKANDA WANZAMBI Estere 3 Bible Online

Estere 3 - MUKANDA WANZAMBI bible

Estere 3

¹Chakumini yumiyi mwanta Ahasuwenausi hakumutohesha kaAgagi Hamani mwana kaHamedata, hakumubadisha hadi akwawu, hakusha itanda dindi kwiwulu dawatulamba adiŋiyi nawu ejima.

²Ambuŋamwanta ejima adiŋi muchipapu chamwanta afukaminaŋa nakudifukula kudi Hamani, muloŋa dichi chahosheliyi mwanta nindi amwilaŋa chochochu. Kwinza Modekayi hafukamini hela kudifukula kudi yenaku.

³Ambuŋamwanta adiŋi kuchisu chachipaŋu chamwanta, hiyakumwila Modekayi, nawu, Wukumotokeladi izu damwanta?

⁴Cheliluwu anahoshi dehi nindi hefukuhefuku yena kutiya nehi, hiyakuleja Hamani, atali mukuya nsaŋu yaModekayi, muloŋa wayileja dehi nindi, NikaYudeya.

⁵Hamani chamweniyi Modekayi kufukama nakudifukula kudi yena nehi, Hamani hakukuma muchima mbe nandombu.

⁶Wadiwili kumujaha Modekayi kanka windi, muloŋa henohu amuleja dehi kwasemukayi Modekayi; aYudeya ejima, wowu antu asemuka naModekayi, Elamani hakukepa kuyijilumuna mwahita wanta waAhasu wenausi wejima.

⁷Hakakweji kamuchimu yowu kakweji Nisani, mumwaka wamwanta Ahasuwenausi wekumi nakayedi, hiyakúumbisha Puri, chochinjikijilu chakusakula nachu, kumesu aHamani hefuku hefuku, hakakweji hakakweji, kushika nimukakweji kamwikumi nakayedi, yowu kakweji Adari.

⁸Hamaniha kumwila mwanta Ahasuwenausi, nindi, Kudi antu amu amwaŋala apalaŋena munyuza yawantu amumawuloŋu ejima amuwanta weyi. Nshimbi jawu jaambuka nanshimbi jawantu ejima; hela nshimbi jamwanta hiyajovwahilaŋaku; dichi hichinawahili mwanta kuyilekaku.

⁹Neyi mwanta wukwitiya, asoneki jakuyijilumuna; ninami nukufweta makombakaji antalenta jasiliva ikumi, mumakasa awantu akukwata kumudimu iwu, kulonda akayishikŋi muyikasha yamwanta.

¹⁰Mwanta hakufumisha kazeya kindi kuchikasa chindi, hakukenka kaAgagi Hamani, mwana kaHamedata, mukwankunyi nawaYudeya.

¹¹Mwanta hakumwila Hamani, nindi, Siliva nakwinki, niantu nawa, yikoŋi mwejima muwakeŋa ela.

¹²Hohenohu atambika niansoneki jamwanta, mukakweji kamuchimu, hefuku dekumi nakasatu, hiyakusoneka mwejima mwayilejeliyi Hamani, hiyakutemesha kudi ayilolu jamwanta, nikudi anguvulu atalilaŋa mawulopu ejima, nikudi atulamba twanyuza yejima, hiyakusonekela, wuloŋu nansonayawu, wuloŋu nansona yawu, muza nedimi dawu, muza nedimi dawu; asonekeli mwijina damwanta Ahasuwenausi, alamikili nachilamiki nakazeya kamwanta.

¹³Nyikanda hiyakuyitemesha nawakwakwenda lufuchi mumawulopu amwanta ejima, yakujilumuna nikutapa nikunoŋesha aYudeya ejima, niachidi kukula, niakula dehi, niatwansi anyanya, niambanda, ifukudawu dimu dodekumi nakasatu dakakweji kekumi nakayedi, kokakweji Adari, ayipupi tuhu niyuma yawu.

¹⁴Mukanda walushimbi lwakukepakushiki jawu mumawuloŋu ejima awututulwili hayipapelu yi kwawu, hiyakuwutiyakesha munyuza yejima kulonda adiloŋeshaŋahu dehi nsaŋujefuku odu.

¹⁵Akwakwenda lufuchi hiyakuya mwayilejeliyi mwanta, lufuchihohu. Lushimbi olu alushimwini muŋanda muShushani. Mwanta naHamani hiyakushakama nakunwa walwa, ilaŋa mukala waShushanihi wukululuta.