Read MUKANDA WANZAMBI Estere 5 Bible Online

Estere 5 - MUKANDA WANZAMBI bible

Estere 5

¹Woho, ifuku damu chisatu chidinashiki, Esita hakuvwala wuvwaluwindi wawanta, hakwimana mwibulu damukachi dakwitala damwanta, datala kwitala damwanta; mwanta wadiŋi washakama hetanda dindidawanta mwitala dawanta, natali kuchisu chakwitala.

²Mwanta chanamoniyi mwadi Esita nemani mwibulu, yena Esita hakumona wuselewa kudi yena. Mwanta hakumwolwela Esita nkimyi yawuru yadiŋi kuchikasachindi, Esita hakukundama kwakwihi, hakukunka kunamutu wankunyi.

³Mwanta hakumwila nindi, Eyi mwadi Esita, wunakeŋidi? Wukukeŋakulombadi? Akukwinka tuhu hela chashikila muchibalu chawanta.

⁴Esita nindi, Neyi mwanta namoni nindi chinawahi, mwanta naHamanienzi lelu kuchawija chinamuloŋesheli.

⁵Mwanta nindi, Mwilenu Hamanianyakali twili mwanahoshiyi Esita. Dichi mwanta naHamani hiyakuyakuchawija chaloŋesheliyi Esita.

⁶Kwenoku kwanwininuwu vinyu mwanta hakumwila Esita, nindi, Wunakeŋidi? Akakwinka hohu. Wukukeŋa kulombadi? Akachikoŋa hohu hela chashikila muchibalu chawanta.

⁷Esita hakwakula nindi, Atiyi munukukeŋa, atiyi munukulomba.

⁸Neyi nawani wuselewa kumesuamwanta, neyi mwanta wukutiya kuwaha kunyinka chuma chinakeŋi, eli chuma chinukulomba, mwanta naHamani akenzi cheŋi kuchawija achinu kuyiloŋeshela, kumadiki nakela mwanahoshiyi mwanta.

⁹Denodu ifuku Hamani wedi kili nakuzaŋalala nakutiya kuwaha kumuchima. Ilaŋa Hamani chamweniyi Modekayi muchisu chamwanta kwimananehi, hela kudinyinkesha tuhu nehi, hakumutiya Modekayi kumuchima patinandombu.

¹⁰Hela chochu Hamani wadiwunjikili, hakuya nikwitala dindi. Hakupompesha niamabwambu jindi niŋodindi Zereshi.

¹¹Hamanihakuyihitulwila mukulema kwamahetindi, nimwavulila anyanindi, nimwamulemeshelu wukudi mwanta mwejima, nimwamumotwesheluwu hadiatulamba nihadi ambuŋa mwanta.

¹²Hamani hakulunjikaku niizudi kwawu, nindi, Eŋa, mwadi Esita hetiya muntu weŋi kwijila namwanta kuchawija achaloŋe sheliyuku, chiŋa ami hohu, anantambiki nawa kudi yena kuyahamu namwanta kumadiki.

¹³Hela chochu, chinamonaŋa kaYudeya Modekayi saŋa ashakaminayi muchisu chamwanta, hinatiyaŋa kuwahanayuma yejimiyuku.

¹⁴Iŋodindi Zereshi, nawamabwambu jindi ejima, hiyakumwila nawu, Imikaku mutondu wawulehi washika munkotweli jachikasa makumi atanu, habudidi wakahosha namwanta akamukudikuhu Modekayi, hiwakaya namwanta kuchawija nakuzaŋalala. Chumichi chamutiyishili Hamani kuwaha, hakwimikisha nimutondu.