Read MUKANDA WANZAMBI Estere 8 Bible Online

Estere 8 - MUKANDA WANZAMBI bible

Estere 8

¹Hefuku odu mwanta Ahasuwenausi wamwinkeli mwadi Esita mutaŋa wamukwankunyi nawaYudeya Hamani. Modekayi niyena hakwinzana kwimana kumesu amwanta, muloŋa Esita wamuleja dehi chasemukayinindi.

²Mwanta hakufumisha kumunu windi kazeya kindi kamutambulayi dehi Hamani, hakumwinka Modekayi. Esita hakumwinka Modekayi kuyula mutaŋa waHamani.

³Esita hakuhosha cheŋi kumesu amwanta, hakudimbukila kunyenduyindi, hakumulembelela namadilu, nindi, Afumishi kutama kweliliyi kaAgagi Hamani, nimwafuukwiliyi kuyikoŋa aYudeya.

⁴Mwanta hakumwolwela Esita nkimyi yawuru. Esita hakunyamuka, hakwimana kumesu amwanta.

⁵Nindi, Neyi mwanta natiyi kuwaha, neyi nawani wuselewakumesu indi, neyi chumichi chinaloŋa kumesu amwanta, neyi ami nimuwahikumesu indi, asoneki mukanda wakubalumuna chuma chafuukwiliyi kaAgagi Hamani mwana kaHamedata, chasonekeliyi nindi ajilumuni aYudeya adimu mawuloŋu amwanta ejima.

⁶Ochu nukutwesha ŋahi kutala kutamakwakayilawu antaŋa jami? Nukutwesha ŋahi kutala chakajilumunawu awusoku wami?

⁷Mwanta Ahasuwenausi hakuyila amwadi Esita naka-Yudeya Modekayi, nindi, Talenu, namwinki dehi Esita mutaŋa waHamani, niyomweni anamukudiki dehi kumutondu, nanochu chakwatiliyi chikasahadi aYudeya.

⁸Yisonekelenu nawa aYudeya mwijina damwanta, mwejima mumunakeŋeli, mulamikuhu chilamiki nakazeya kamwanta; muloŋansona yakusoneka mwijina damwanta, yakulamika chilamiki nakazeyaka mwanta, kwosi muntu watweshaŋa kuyibalumunaku.

⁹Atambika niansoneki jamwanta hohenohu mukakweji kamuchisatu, yowu kakweji Sivani, hefuku daku damakumi ayedi nakasatu. Asonekelimwa yilejeliyi Modekayi mwejima, hiyakutemesha nikudi aYudeya, nikudiayilolu, nikudi anguvulu, nikudi atulamba amumawuloŋu, kufumisha kundiya nakushika kuEtiyopiya, mumawuloŋu nkulakaji namakumi ayedi natanu nayedi, wuloŋu nansona jawu, wuloŋu nansona jawu, muza nedimidawu, muza nedimi dawu, aYudeya niwena nansona yawu niidimi dawu.

¹⁰Wasonekeli mwijina damwanta Ahasuwenausi, walamikili chilamiki nakazeya kamwanta, nyikanda wayitemesheli nawakwakwenda hatuwalulufuchi, endeli hatuwalu twambala twamudimu wamwanta twasweja lufuchitwaleleliyi mwanta.

¹¹Munyikandoyu mwanta wetŋili aYudeya adiŋi munyikala yejima, nindi adipompeshi hamu alwili wumi wawu, ajilumuni, atapi, anoŋeshi akweti Ŋovu ejima akukeŋa kuyilotokela, niamunyuza, niamumawuloŋu, ni anyanawu anyanya ni aŋodi jawu, ayibuwi tuhu niyumayawu,

¹²mumawuloŋu amwanta Ahasuwenausi ejima ifuku dawu dimu, dodifuku dekumi nakasatu dakakweji kekumi nakayedi, kokakweji Adari.

¹³Mukanda walushimbi lwakukeŋa kushikŋawu mumawuloŋu ejima, watutulwiluwuhayipapelu yi kwawu, awutiyakesheli munyuza yejima, kulonda aYudeya akadiloŋeshaŋahu dehi nansaŋu jefuku odu, kulonda akaditendi, akatapi ayilumbu jawu.

¹⁴Dichi akwakwenda lufuchi, endelelaŋa hatuwalu twambala twamudi muwamwanta twasweja lufuchi, hiyakuya; mwanta wayila dehi nindi, Nyakalenu, yenu lufuchi. Lushimbi olu alushimuna nimuŋanda muShushani.

¹⁵Modekayi hakufuma mwadiŋiyi mwanta, navwali wuvwalu wawantani wawuzeeli niwutooka, nichibaŋula chawuru cheneni, nichikovwelu chakuluka chawanda wawuwahi washina niwawusombu. Mukala waShushani wudikuwa nikudikuwa, wuzaŋalala nikuzaŋalala.

¹⁶AYudeya atiya nikumuchimato-o, azaŋalala nikuzaŋalala, aluŋa nikuluŋa; ayilemesha nikudiantu.

¹⁷Muma wuloŋu ejima nimunyikala yejima, kwonsu kwashi kili izu damwanta nilushimbi lwindi, aYudeya hiyakuzaŋalala, hiyakuluŋa, hiyakudya chawija chefuku dawu dadiwahi. Antu amunyuza yamwituŋa mavulu abalumukili kwikala aYudeya nawoma wawaYudeya wunayikwati dehi.