Read MUKANDA WANZAMBI Exoda 10 Bible Online

Exoda 10 - MUKANDA WANZAMBI bible

Exoda 10

¹Yehova wamwilili Mosi, nindi, Ipilaku mudi Fwaro, muloŋa ami nachinchikishi delii muchima windi, ninyichima yawambuŋindi, kulonda nimwekeshi yinjikijilu yami iyi mukachi kawu,

²kulonda eyiwakashimunaŋa mumatu amwaneyi, nimumatu amwizukulu weyi, yuma yina koŋelami muEjipitu, niyinjikijilu yami yinelili mukachi kawu, kulonda mwakeluki nenu ami yami Yehova.

³Mosi naAroni eŋilili mwadiŋiyi Fwaro, amwilili nawu, Tiya chanahoshiyi Yehova, Nzambi yawaHeberu, nindi, Saŋa wadi kaŋila chakubula kudizoza kumesu ami, tahindi? Yileki antu ami, ayi akankalakeli.

⁴Neyi kwontikweyi kuyileka antu ami, wakamona kumadiki nakaleta tubola mumpatayeyi,

⁵twakajika hamaseki wi-i, antu akakaŋanya kumona hamaseki; twakadya yuma yasheluhu yaŋulukili, yasheluhu kudenu nanvula yamalola, twakadya nyitondu yenu yidi nakusoŋela mumaha yejima;

⁶nimataleyi akenzala to-o, nimatala awambuŋeyi ejima, nimatala awaEjipitu ejima; hela atata jeyi, hela ankaka jeyi kanda dehi achimonaŋahu dehuku, saŋa ekalilawuhanu hamaseki nilelu kanda. Wabalumukili kwindi, washiyili Fwaromwitala, wadiyilili kwindi.

⁷Ambuŋa Fwaro amwilili nawu, Iwu iyala ekalaŋa tuhu muhetu wakufwaetu, tahindi? Yileki amayala, ayi akakalakeli Yehova Nzambi yawu. Nihanu hiwunachiluki neyi ituŋa daEjipitu dakisika dehuku?

⁸Amosi na Aroni ayifuntishili cheŋi kudi Fwaro. Yena wayilili nindi, Yenu, kakalakelenu Yehova Nzambi yenu. Indi akaya anyi?

⁹Mosi nindi, Twakayani atwansi niakulumpi, ni anyanetu amayala nawambanda, twakaya nawampembŋetu ninyikoku yetu niŋombi jetu; chiŋa twakadyi chawija chaYehova.

¹⁰Yena wayilili nindi, Neyi nukuyileka nami yenu ninenuni anyanenu anyanya, Yehova ekali nanenu; dibabelenu, muloŋa keŋamumoni jatama.

¹¹Bayi dinu omuku, yenuŋa enu amayala, mwaka mukalakeli Yehova, muloŋa dichi chi mwakeŋa eli. Ayitemuna ni kuyitemuna muna mwadiŋiyi Fwaro.

¹²Yehova wamwilili Mosi, nindi, Ololaku chikasa cheyi hetuŋa daEjipitu kulonda tubola twinzi, tuwili hetuŋa daEjipitu, kulonda tudyi yisakolaye jima yamwituŋa, mwalala tudyi yisakola yejima yasheluhu nanvula yamalola.

¹³Mosi wolweli mbwechi yindi hetuŋa daEjipitu, Yehova waleteli mpepela yakumusela mwituŋa, mwaana wuna wejima niwufuku wejimayi kunkaŋa tuhu hohu; chi kwelili budidi mpepela yakumusela yaleteli tubola.

¹⁴Tubola twayili mwituŋa daEjipitu dejima, twawilili mwahita ituŋa daEjipitu dejima, twadiŋi twakala nankashi; tubola tudi chochochukanda dehi atumonaŋahu dehi, hela kunyaka yacheŋi hiyamba katumona cheŋi tudi chochochuku.

¹⁵Muloŋa twajikili hewulu deseki dejima, ituŋadeyilili kwabwi-i natubola, adiili yisakola yejima yamwituŋa, adiili ninyi kabuyanyitondu yejima yasheluhu nanvula yamalola, hikwasheli hoku yumayituuta, hela mutondu hela yisakola mumaha, mwejima mwahita ituŋa daEjipitu.

¹⁶Fwaro watambikili aMosi naAroni lufuchi hohu; wayilili nindi, Navulumuni dehi Yehova Nzambi yenu, ninenu nayivulumuni.

¹⁷Dichidinu aŋanakeni mwani, nshidi yami kamu hohu aka, amulembeleluku Yehova Nzambi yenu kulonda anfumishili kwakufwa iku hohu.

¹⁸Wafumini mwadiŋiyi Fwaro, wayili wamulembeleli kudi Yehova.

¹⁹Yehova watemesheli mpepela yakumujika yasweja nankashi Ŋovu, yanyamwinitubola, yatuhaŋili muKaluŋalwiji Kachinana; mwituŋa daEjipitu dejima himwasheli hoku kabola nikamuku.

²⁰Ilaŋa Yehova wachinchikishili muchima waFwaro, hayiŋŋili anyana kaIsarela kuyaku.

²¹Yehova wamwilili Mosi, nindi, Ololaku chikasa cheyi kwiwulu, kulonda mwituŋa daEjipitu mwili mwidima, mwidima waweni wakushishita.

²²Mosi wolweli chikasa chindi kwiwulu; mwituŋa dejima daEjipitu mwelili mwidima wabwi-i chikupu mafuku asatu;

²³antu hiyadimweni muntuna mukwawuku, kwosi muntu niwumu wanyamukili mwadiŋiyi mafuku asatu; kwinza mumatala awanyana kaIsarela ejima mwadiŋi mutooka.

²⁴Fwaro wamutambi kili Mosi, wamwilili nindi, Yenu mwaka mukalakelenu Yehova; ilaŋa yimuna yenu naŋombi jenu jishali; ni anyanenu anyanya mukuya nawu nawa.

²⁵Mosi welili nindi, Chiŋa wutwinka mumakasetuniyimuna yakuketulaŋa ninyilambu yakushitaŋa, kulonda twakamuketwilaŋa Yehova Nzambi yetu.

²⁶Yimuna yetu naŋombi jetu twakaya nawu; hitwakashiya chikwa nichimuku; muloŋa twakanonaŋahu yi kwawu twakamu kalakelaŋa nachu Yehova Nzambi yetu; oyu yitwaka mukalakelaŋa nachu Yehova tunayiluki wanyi, kuyiluka chiŋa tunashi ki dehi kweno kukutwakaya.

²⁷Ilaŋa Yehova wachinchikishili muchima waFwaro, hayi itŋili kuyaku.

²⁸Fwaro wamwilili nindi, Fumaku, kadibabeli, bayi wakanmona cheŋi kumesu amuku. Ifuku diwakani mona cheŋi kumesu ami wakafwa hohu.

²⁹Mosi nindi, Wunahoshi chalala, hinaka kumona cheŋi kumesu eyuku.