Read MUKANDA WANZAMBI Exoda 11 Bible Online

Exoda 11 - MUKANDA WANZAMBI bible

Exoda 11

¹Yehova wamwilili Mosi, nindi, Kunashali chipupu chimu chinakaletela Fwaro ni aEjipitu; nkumininaku wakayiitŋa kufumamu; chakayiitijayi kuya wakayishinjeka chakuyishinjeka niwaka shalamu nehi.

²Hoshaku dinu nawantu ami, neyi, Wejima wenu ni amayala niambanda lombenu akwenu mwatuŋa nawu mwamwihi, akayinki niyuma yasiliva yalema niyuma yawuru yalema.

³Yehova wayikwashili kulonda akayitiyikuwaha kudi aEjipitu. Ona iyala Mosi waswejeli kulema mwituŋa daEjipitu, ni kumesu awambuŋa Fwaro, ni kumesu awantu.

⁴Mosi welili nindi, Tiyenu chanahoshiyi Yehova, nindi, Kwakwihi nihakachi kawufuku nakaya mukachi kaEjipitu;

⁵anyana awedi ejima amwituŋada Ejipitu akafwa, kufumisha hadi wedi waFwaro washakama hetanda dawanta, kushika nikudi wedi wanduŋu yamumbanda watwaŋa kwiyanda; niawedi ejima awayimuna.

⁶Kwakekala ikumbu dadeni dakudila mwejima mwahita ituŋa daEjipitu, kanda dehi atiyaŋahu dehi antu ikumbu dakudiladidi chochinaku, hela kunyaka yacheŋi hiyamba kaditiya cheŋuku.

⁷Kwinza anyana kaIsarela nikakawa kakayibolahu ntahi, nikamuku nehi, hela kubola muntu hela kubola kanyama; kulonda mwakeluki nenu Yehova naambuli hakachi kawaEjipitu nawaIsarela.

⁸Ninawa ambuŋeyi wejimawawu akenza kudami, akanfukamina, akaŋila nawu, Yaŋa kweyi, niantu ejima wudi nawu. Nkumininaku ninami hinakaya. Hakwidika kwindi mwadiŋiyi Fwaro nakuzuwa nankashi.

⁹Yehova wamwilili Mosi, nindi, Fwaro hakuyitiŋaku kulonda yihayamisha yami yivuli mwituŋa daEjipitu.

¹⁰Mosi naAroni elili yihayamisha iyi yejima kumesu aFwaro; Yehova wachinchikishili muchima waFwaro, haytŋili anyana kaIsarela kufuma mwituŋa dinduku.