Read MUKANDA WANZAMBI Exoda 13 Bible Online

Exoda 13 - MUKANDA WANZAMBI bible

Exoda 13

¹Yehova wahosheli naMosi,

²nindi, Njilikili awedi ejima, wowuahadi anyana kaIsarela akusambila kuvwalika mumavumu awama majawu, hela hadi antu, hela hadi anyama, amami hohu.

³Mosi wayilili antu, nindi, Mwaka anukaŋa ifuku dalelu dimwafumini muEjipitu mwitala dawuduŋu; muloŋa Yehova wayifumishili mwena mununa Ŋovu yakuchikasa chindi, bayi akadya hoku mankendi akweti yiluŋuku.

⁴Itaŋwa dalelu mukakweji kaAbibi himukufu mamu.

⁵Chakela chamba kakushikiyi Yehova mwituŋa dawaKenani, nidawaHiti, nidawaAmori, nidawaHivi, nidawa Yebusi, dayi sanyi kililiyi ankakulula jenu nindi nakayinkadu, ituŋa dalumbama mayeli nawuchi, wakela mudimu weniwuhakakweji aka.

⁶Wakadyaŋa mankendi akadi iluŋi mafuku atanu nayedi, hefuku damu chitanu nachiyedi hakekali chawija chaYehova.

⁷Mankendi akadi iluŋi akayidyaŋa mafuku atanu nayedi, bayi akakumona namankendi akweti iluŋuku, hela iluŋi yayeni bayi akakumona nayu mwakuma ŋinza jejima jetuŋa deyuku.

⁸Wakamuleji mwaneyi hefuku denodu, neyi, Nanochu chaŋililiyi Yehova hinafumini muEjipitu.

⁹Chakekali chinjikijilu cheyi hachikasa cheyi, chakekali chuma chakwanukisha nachu nihaka chi kamesu eyi, kulonda nshimbi jaYehova jakekali mukanwa keyi, muloŋa Yehova wakufumishili muEjipitu nachikasa chaŋovu.

¹⁰Dichi wakahembi chidika ichi hachila aka chochu hamwaka hamwaka.

¹¹Chakela chamba kakushikiyi mwituŋa dawaKenani, mwomwakusa nyi kililiyi, mwomwayisa nyi kililiyi niankakulula jeyi, chakakwinkayi ituŋodu,

¹²eyi wakamwambwili Yehova anyana ejima akusambila kuvwalika mumavumu awamama jawu, nianyana kawanyama ejima akusambilakuvwalika; amayala akekali ambala aYehova.

¹³Anyana awedi awayimbulu ejima wakayikúuli namwana kamukoku hela namwana kampembi; neyiwakabula kuyikúula wakayikotoli nshiŋu. Hadi anyaneyi amayala anyana awedi awantu ejima wakayi kúuh hohu.

¹⁴Chakela hamwaka wakenza chamba kakwihulayi mwaneyi, nindi, Ichi hichumanyi? eyi wakamwilineyi, Yehova watufumishili muEjipitu, mwitala dawuduŋu, naŋovu yakuchika sachindi;

¹⁵cheliliyi neyi Fwaro hakeŋeli kutulekaku, Yehova wajahili anyana awedi ejima amwituŋa daEjipitu, nianyana awedi awantu, nianyana awedi awanyama; dichi chinamuke twilaŋa Yehova anyana amayala ejima asambilaŋa kuvwalika mumavumu awamama jawu; ilaŋa anyanami awedi amayala ejima nayikuula ŋa.

¹⁶Chakekali chinjikijilu cheyi hachika sacheyi, chakekali yuma yakuvwala nihakachi kamesu eyi; nanochu chatufumishiliyi Yehova muEjipitu naŋovu yakuchikasa chindi.

¹⁷Cheliliyi Fwaro hakuyileka antu ayi, Nzambi hayilombweli njilayamwituŋa dawaFwilistinuku, kutoŋa diyi yadiŋi yayihi; muloŋa Nzambi welili nindi, Antu akenza kabalumuka mumuchima chamba kamonawu njita, akenza kafunta cheŋi kuEjipitu.

¹⁸Ilaŋa Nzambi wayinyeŋu mwishili antunjila yesapa daKaluŋalwiji Kachinana; anyana kaIsarela afumini mwituŋa daEjipitu nakwenda munyisululu.

¹⁹Mosi wasendeli mafwaha aYosefu, muloŋa yena wayisanyikishili naŋovu anyana kaIsarela, welili nindi, Chalala Nzambi wamba kenza nakuyitala, ninenu mwaka fumishi mafwahami kunu, mwakayi nawu.

²⁰Anyamukili kuSukoti, ayili nakukamina kuEtami, kwakumina isaŋa.

²¹Yehova watwa mininuku kumbidi yawu muchishimi chevu namwa ana, kulonda kuyilombola njila, muchishimi chakesi nawufuku, kulonda kuyitoŋekela, kulonda atweshi kwenda hela namwa ana hela nawufuku;

²²hela chishimi chevu namwa ana, hela chishimi chakesi nawufuku, ashichafumini kwadi ŋuwu antu ambalaku.