Read MUKANDA WANZAMBI Exoda 14 Bible Online

Exoda 14 - MUKANDA WANZAMBI bible

Exoda 14

¹Yehova wahosheli naMosi,

²nindi, Hoshaku nawanyana kaIsarela, neyi abalumuki ateeki kwomba mesu naPihahiroti, hakachi kaMiŋidoli nakaluŋalwiji, kwomba mesu naBayali Zefwoni; mukuteekakwakwihi nakaluŋa lwŋi kwomba mesu kwokuBayali Zefwoni.

³Fwarowukwila nindi anyana kaIsarela anajimbeli mwituŋa, nindi anakaŋanyi kwakuhita nesapa diduku.

⁴Ninami nukumuchinchikisha Fwaro muchimawindi, wukuyihapa nindi ayikwati, ninami nakatiyakana mpuhu hansaŋu yaFwaro nanjita yindi yejima; aEjipitu akeluka nawu ami yami Yehova. Dichi cheliluwu.

⁵Amulejeli mwanta waEjipitu nawu antu ana anatemuki, nimuchima waFwaro ninyichima yawambuŋindi yabalumukili cheŋi hansaŋu yawantu ana, elili nawu, Tuneli ŋahi? Tunayileki dehi aIsarela ayi kwawu abuli kutukalakela.

⁶Waloŋesheli ikalu dindi, wayili nawantu indi;

⁷wayilinamakálu akusakula makulakaji atanu nadimu, nimakálu ejima amuEjipitu, niakulumpi jawu akuyitala wejima wawu.

⁸Yehova wachinchikishili muchima waFwaro, mwanta waEjipitu, wayiliaŋili anyana kaIsarela nindi ayikwati, muŋa anyana kaIsarela afuminumu naŋovu hohu.

⁹AEjipitu ayihaŋili, nituwalu twaFwaro twejima nimakálu indi ejima, niantu indiakwakwenda hatuwalu ninjita yindi, ayiweni anateeki dehi kukaluŋalwiji, kwakwihi naPihahiroti, kwomba mesu naBayali Zefwoni.

¹⁰Cheliliyi Fwaro hakuya nakukundama kwakwihi, anyana kaIsarela afumbwili mesu awu, amweni aEjipitu akuyilondela awa; atiyili womawaweni; anyana kaIsarela abileleli kudi Yehova.

¹¹Amwilili Mosi, nawu, Muloŋa chimwabula majamu muEjipitu, dichi chiwatufumishilamu kulondatufwili munu mwisaŋa, tahindi? Chiwunatwili chenichi, chiwunatufumishi muEjipitu, wunalondidi?

¹²Hidimu twakuhosheli muEjipitu chitwakwilili netu tuleki kulonda tuyikalakeli aEjipituku? Muloŋa kuyi kalakela aEjipitu hichachiwahi tuhu, indi tufwili munu mwisapa?

¹³Mosiwayilili antu ana, nindi, Bayi mutiyaŋa womaku, imanenu zo mumoniwa mwinu waYehova wakayikoŋelayi lelu; muloŋa aEjipitu awa munamonilelu himwamba kayimona nawa cheŋi haya nyakaku.

¹⁴Yehova diyiwukuyilwila, enu mukukumina dakumwena kwenu zo.

¹⁵Yehova wamwilili Mosi, nindi, Wukubileladi kudami? Hoshaku kudianyana kaIsarela neyi, Yenu kumbidi.

¹⁶Nineyi wakanyamuni mbwechiyeyi wakololi chikasa cheyi hewulu dakaluŋalwiji, wakakabaluli hakachi. Anyana kaIsarela akaya mukachi kakaluŋalwiji nakwenda heseki dawuma.

¹⁷Tiya, ninami nakachinchikisha nyichima yawaEjipitu akayilondelamu, nakaditiyakesha mpuhu nansaŋu yaFwaro, nanjita yindi yejima, namakálu indi, nawantu indi akwenda hatuwalu.

¹⁸Chinaka ditiyakesha mpuhunansaŋu yaFwaro, namakálu indi, nawantu indi akwenda hatuwalu, aEjipitu akeluka nawu ami yami Yehova.

¹⁹Kaŋelu kaNzambi, katwaminini kumbidi yachilombu chawaIsarela, kafuminuku, kahitili kunyima yawu; chishimi chevu chafumini kuchadiŋi kumesu awu, chayili nakwimana kunyima yawu.

²⁰Chayili hakachi kachilombu chawaEjipitu nachilombu chawaIsarela; mutamba wumukwadiŋi niivu nimwidima, ilaŋa mutamba wukwawu datoŋekeli nawufuku; awa adiŋi mutamba wumu akaŋenyi kuya kwakwihi nawakwawu wufukuwejima.

²¹Mosi wolweli chikasa chindi hewulu dakaluŋalwiji; Yehova wafuntishili kaluŋalwiji hanyima nampepela yaŋovu yakumusela wufuku wunawejima, womishili kaluŋalwiji hikukwi kala maseki awuma, meji aambukili nikwambuka.

²²Anyana kaIsarela ayili mukachi kakaluŋalwiji nakwenda hamaseki awuma; meji ayimweni himbaŋu nihachikasa chawu chachidiilu, nihachikasa chawu chachimunswa.

²³AEjipitu ayihapili, ayilondeleli mukachi kakaluŋalwiji, nituwalu twaFwaro twejima, nimakálu indi, ni antu indi akwenda hatuwalu.

²⁴Chelili, chikwachili to-o, Yehova wahanwi shili mesu hachishimi chakesi nichevu, watalili njita yawaEjipitu, wakabakeshelinjita yawaEjipitu.

²⁵Wayi zokweleli tufumbu twakumakálu awu, hiyakukaba kananakuyendesha; aEjipitu hiyakuhosha nawu, Tuyitemukenu aIsarela, muloŋa Yehova hakuyilwila, hakulwisha nawaEjipitu.

²⁶Yehova wamwilili Mosi, nindi, Ololaku chikasa cheyi hewulu dakaluŋalwiji kulonda meji afunti cheŋi hadi aEjipitu, nihamakálu awu, nihadiantu awu akwenda hatuwalu.

²⁷Mosi wolweli chikasa chindi hewulu dakaluŋalwiji; chikwachili budidi kaluŋalwiji kafuntili cheŋi mwadiŋiyi muŋovu yindi; aEjipitu akatemukili; Yehova wayiluku mwini aEjipitu mukachi kakaluŋa lwŋi.

²⁸Meji afuntili cheŋi, nimakálu, ni akwakwendaha tuwalu, njita yaFwaro yejima yayilondeleli mukaluŋalwiji, meji ayibutiliwi-i; hikwasheli hoku muntu niwumuku.

²⁹Ilaŋa nyana kaIsarela kwawu endeli hamaseki awuma hakachi kakaluŋa lwŋi; meji ayimweni himbaŋu nihachikasa chawu chachidiilu nihachikasa chawu chachimunswa.

³⁰Denodu ifuku Yehova wayamwinini aIsarela kudi aEjipitu; aIsarela ayimweni aEjipitu afwa dehi hachi kumu chakaluŋalwiji.

³¹AIsarela amweni Ŋovu yeneni yamwekesheliyi Yehova hadi aEjipitu; antu ana amutiyili Yehova woma, amwitiyili Yehova nakambu ŋindi Mosi.