Read MUKANDA WANZAMBI Exoda 15 Bible Online

Exoda 15 - MUKANDA WANZAMBI bible

Exoda 15

¹Henohu Mosi nianyana kaIsarela amwimbilili Yehova kamina, nawu, Nukumwimbila Yehova kamina, muloŋa yena nemiki mushindu wakubadika; nituwalu niakwakwendahu nayumbili mukaluŋalwiji.

²Yehova diyi Ŋovu yami, diyi kamina kami, neli dehi wamwinu wami; diyi Nzambi yami, nukumuhameka; diyi Nzambi yatata yami, nukumutúumbakesha.

³Yehova himukwanjita, ijina dindi diyi Yehova.

⁴Makalu aFwaro ninjita yindi nayumbili mukaluŋalwiji; awakulumpi indi akutonda anajimini muKaluŋalwiji Kachinana.

⁵Manyiŋi anayibuti wi-i; anekamini nikwishina neyi ilola.

⁶Chikasa cheyi chachidiilu, eyi Yehova, chinabadiki Ŋovu, chinayi nimpuhu; chikasa cheyi chachidiilu, eyi Yehova, chinamu chi kichilumbu puchi puchi.

⁷Chiwasweja kulema wuna yidi mbwishi hamaseki ana akudikaŋa naneyi; hiwukutemeshaku ndombu yeyi, hiyi kuya nakuyocha bwi neyi matahu mumulala.

⁸Chiwapepa mumazulu eyi, meji alumbama nihamu uwi, tuŋa twimana ni kwimana kwiwulu uwi, nimanyiŋi adikwata nikudikwata mbemukachi kakaluŋalwiji.

⁹Chilumbu welili nindi, Nukuyihapa, nukuyikwata, tukwanjana yumayakupuŋa kunjita; hadi wena nakekutilahu mbe; nukuhola mpokuyami yakabali, chikasa chami chi kuyijilisha.

¹⁰Eyi wapepeli nampepela yeyi, kalupalwŋi kayibuta nikuyibuta, ajiminani kujimina neyi nsumbu mumeji amaneni.

¹¹Eyi Yehova, hadi amaneni hadinyi wadifwana naneyi? Hadi wakweseka naneyi tahindi? Eyi waya mpuhu nakujila kweyi, eyi azaalaŋawu woma nakukushimeka, eyi welapa yuma yakuhayamisha.

¹²Wolweli chikasa cheyi chachidiilu, niiseki diyiminya nikuyiminya.

¹³Wunayilomboli antu iwakúulili naluwi lweyi; wunayilomboli naŋovu yeyi nakuyitwala kweyi kwakushakama kwajila.

¹⁴Nyuza yawantu anachitiyi, hiyakuza ala niwoma, chinayikatishi kumuchima ashakama muFwilistiya.

¹⁵Atulamba amuEdomi ahayamini; ayilobu amuMowabi azaala nikuzaala; antu ejima ashakama muKenani nyichima yawu mumavumu puchi.

¹⁶Hiyakutiya woma, hiyakwakama nankashi; chikasa cheyi chinasweji, dichi chanamwenenuwu neyi chikwelola zo-o, niantu ambala hiyakuzambukani kuzambuka, eyi Yehova, antu eyi walandili hiyakuzambukani kuzambuka.

¹⁷Wakayi shi kiŋamu, wakayitumba mumpidi yeyi yawuswana, mwomuwelili, eyi Yehova mwakushakama eyi, mwomumalala eyi muwaloŋeshelinamakaseyi, eyi Yehova.

¹⁸Yehova wakekalaŋa mwanta haya nyaka nanyaka.

¹⁹Muloŋa tuwalu twa Fwaro, namakálu indi, nawantu indi akwenda hatuwalu akunkumukili mukaluŋalwiji, niYehova wafuntishili cheŋi meji akaluŋa lwŋi hadi wena, hakwinza anyana kaIsarela kwawu endeli hamaseki awuma hakachi kakaluŋalwiji.

²⁰Kaprofwetu wamu mbanda Miriyami, diyi muhelaAroni, watambwili ndimba muchikasa chindi, niambanda ejima amulondeli munyima nandimbana kuhaŋana.

²¹Miriyami wayitumbulwilili nindi, Mwimbilenu Yehova, nemiki mushindu wakubadika; nituwalu niakwakwendahu nayumbili mukaluŋa lwŋi.

²²Mosi wayendesheli aIsarela munjila yawu, afumini kuKaluŋa lwŋi Kachinana, ayili mwisaŋa daShuri, endeli mafuku asatu mwisaŋa, hiyamweni mejuku.

²³Chashikiluwu kuMara akaŋenyi kunwa meji akuMara, muloŋa adiŋi alula. Kwenoku atumbiluku ijina nawu kuMara.

²⁴Antu amutobeleli Mosi, nawu, Tukunwadi?

²⁵Yena hakubilela kudi Yehova, Yehova wamulejeli mutondu, wawutumbili mumeji, meji abalumukili amawahi. Kwenoku wayililili nichidika nichila, oku nawa wayesekeli,

²⁶nindi, Neyi wukutiyilila chalala izu daYehova Nzambi yeyi, neyi wukwila chaloŋa kumesu indi, nakutiya mazu akakulejayi, nakuhemba yidika yindi yejima, hinakakushila nyisoŋu yinashilili aEjipituku, muloŋa ami yami Yehova mukwakukuuka.

²⁷Ashikili kuElimi kwadiŋi tuseloki ikumi natuyedi ninyikoma makumi atanu namakumi ayedi. Atuŋiluku chilombu chawu kumeji ana.