Read MUKANDA WANZAMBI Exoda 16 Bible Online

Exoda 16 - MUKANDA WANZAMBI bible

Exoda 16

¹Endeli munjila yawu, afumini kuElimi, chipompelu chawanyana WakaIsarela chejima chashikili kwisaŋa daSini, dekala Elimi iku Sinayiiku, isaŋa hakachi, ashikiluku hefuku dekumi namu chitanu dakakwejika muchiyedi nahafuminuwu mwituŋa daEjipitu.

²Chipompelu chejima chawanyana kaIsarela chayitobeleli aMosi naAroni muna mwisaŋa.

³Anyana kaIsarela ayilili nawu, Mutenowu neyi chikasa chaNzambi chakuminini dakutujaha tuhu muna muEjipitu, hitwashakaminaŋa kumanuŋuambiji, hitwadiilaŋa yakudya nakwikuta; munatuleti munu mwisaŋa kulonda mujahi chipompelu ichi chejima nanzala.

⁴Yehova hakumwila Mosi, nindi, Tiya, hinukuyinokeshela yakudyamwiwulu, antu akayi nakukuŋula posu yawu yefuku dimu hefuku hefuku, kulonda niyeseki, nitali neyi akenda munshimbi jami tahindi nehi.

⁵Chakelaifuku damu chitanu nadimu, akaloŋeshi yakaletawu, yakavula kwesekaneyi kayedi namuyakuŋulaŋawu hefuku hefuku.

⁶Mosi naAroni ayilili anyana kaIsarela ejima nawu, Hamelela mukwiluka nenu Yehova diyiwayi idishili mwituŋa daEjipitu;

⁷habudidi mwaka monakulemakwa Yehova, muloŋa yena wudi nakutiya chimukutobatoba nakumutobela Yehova. Ochu etu yetu anyi mwaka namututobeletu?

⁸Mosi welili nindi, Chaka mwekana chakelayi hamelela Yehova hakuyinka mbiji mudyi, habudidi wakayinkayakudya mwakekuti; muloŋa wudi nakutiya chimukutobatoba nakumutobelayena. Ochu etu yetu anyi? Chimwatobatobaŋa ochu himwatutobelaŋetuku, mwamutobelaŋa Yehova.

⁹Mosi wamwilili Aroni, nindi, Hoshaku nachipompelu chejima chawanyana kaIsarela, neyi, Twayenu kwakwihi kumesu aYehova, muloŋa yena natiyi chimwatobatobaŋa.

¹⁰Chelili chahosheliyi Aroni nachipompelu chejima chawanyana kaIsarela, atalili kwisaŋa, amweni komana kulema kwaYehova hikukumwekana mwivu.

¹¹Yehova wahosheli naMosi,

¹²nindi, Natiyi chakutobatobawu anyana kaIsarela. Hoshaku nawu neyi, Hamelela mukudya mbiji, habudidi mwakekuta yakudya, mwakeluka nenuami yami Yehova Nzambi yenu.

¹³Chelili hamelela atuŋumbi enjili, ajikili chilombu chejima wi-i; habudidi wirumi wadiŋi heseki kwakwihi nachilombu kwi-ndo.

¹⁴Chiwomini wilumi, amweni hewulu damaseki mwisaŋa tuyuma twanyanya twamabuji, kukeha neyi wiiumi wakwata dehi nachishika hamaseki.

¹⁵Anyana kaIsarela chachimwenuwu, ahosheli wumu namukwawu, nawu, Hi chumanyi? Muloŋa hiyachilukili kwawuku. Mosi wayilili nindi, Diyi yakudya yanayinkiyi Yehova mudyi.

¹⁶Tiya mwanashimuniyi Yehova, nindi, Chiŋa mukuŋuli enu antu ejima mumwadiilaŋa; enu antu ejima mwakayi nonenaŋa antu ekala mumatenti enu, ibaŋu hamuntu, ibaŋu hamuntumwo mukuchindila antu enu.

¹⁷Dimu mweliluwu anyana kaIsarela, amakwawu akuŋwili yayivulu, amakwawu akuŋwili yantesha.

¹⁸Chayesekeluwune baŋu dawakuŋwili yayivulu hiyaswejeli kuvulaku, yawakuŋwili yantesha hiyakeheluku; antu ejima akuŋwili mwomwadiilila ŋawu.

¹⁹Mosiwayilili nindi, Bayi hamwekana muntu akashiyahu yakudya budiduku.

²⁰Hela chochu, hiyamutiyilili Mosuku, ilaŋa amakwawu ashiyiluhu yakudyabudidi, yasemeneni mavunu, yanunkili chatama; Mosi wayizuwilili.

²¹Akuŋwilaŋa habudidi, habudidi, wejima wawu mwomwadiilila ŋawu; chikwata chikili nkanza hiyikunowa nikunowa.

²²Chelili hefuku damu chitanu nadimu akuŋwili yakudya yayivulu, mabaŋu ayedi hamuntu, mabaŋu ayedi hamuntu; atulamba ejima amuchipompelu ayili nakumuleja Mosi.

²³Yena wayilili nindi, Tiya mwanahoshiyi Yehova, nindi, Ifuku dakumadiki dakunooka kwakudihudika, hisabata yajila yaYehova; yimukukeŋa kwocha ochenu, yimukukeŋa kuteleka telekenu; yejima yikushalahu mukuyisweka nakuyitenteka yabudidi.

²⁴Ayishiyili kwawu nikubudidi, mwahosheli Mosi; hiyanunkili chatamaku, helamavimu mwadiŋi mwosi.

²⁵Mosi wayilili nindi, Yenoyu yidyenuŋa lelu, muloŋa lelu hisabata yaYehova; lelu himukuyiwana mwisaŋaku.

²⁶Mwakayi kuŋulaŋa mafuku atanu nadimu, ilaŋa ifuku damu chitanu nachiyedi Irisabata, denodu ifuku hiyakekala kwokuku.

²⁷Chelili hefuku damu chi tanuna chiyedi, antu amakwawu ayili nawu akakuŋuli, ilaŋa hiyayimwenuku.

²⁸Yehova wamwilili Mosi, nindi, Mukudikaŋaŋa tuhu nakuleka nimazuami inayilejaŋa, ninshimbi jami, tahindi?

²⁹Talenu, Yehova nayinki dehi sabata, dichi chakuyinkelayi hefuku damu chitanu nachimu yakudyaya mafuku ayedi; shakamenu wejima wenu iwu kwindi, iwu kwindi, bayi hamwekana mvmtu kufuma kwindi hetaŋwa damu chitanu nachiyeduku.

³⁰Nochu antu anookeli hetaŋwa damu chitanu nachiyedi.

³¹Antu akwivumu daIsarela ateneni ijina dayu nawu Manina; yadiŋineyi mbutu yamasa, yitooka; kuyitompa mukanwa yadiŋi neyi makamba akudya nawuchi.

³²Mosi welili nindi, Dichi chanayilejiyi Yehova, nindi, Mwakenzeshi ibaŋu dimu dato-o, nakuyiswekela anyanenu amba kavwalikaŋa, kulonda akamoni yakudya yinayidiishili mwisaŋa, hinayi fumishili mwituŋa daEjipitu.

³³Mosi wamwilili Aroni, nindi, Tambulaku inuŋu, wushumu manina ibaŋu dimu dato-o, wuyitenteki kumesu aYehova, kulonda kuyiswekela anyanenu amba kavwalikaŋa.

³⁴Nochu Aroni wayitentekeli kumesu aWunsahu, kulonda kuyisweka mwale jeluwu Mosi kudi Yehova.

³⁵Anyana kaIsarela adiili maninowu nyaka makumi awana nichicha shi kiluwu kwituŋa datuŋawu antu; adiili maninowu nichicha shi kiluwuku ŋinza jetuŋa daKenani.

³⁶Neyi wukwambula chimpaya chimu maseka ikumi, ibaŋu dikweseka mwiseka dimu.