Read MUKANDA WANZAMBI Exoda 17 Bible Online

Exoda 17 - MUKANDA WANZAMBI bible

Exoda 17

¹Chipompelu chejima chawanyana kaIsarela chendeli mŋila yawu, afumini mwisaŋa daSini, hamateeku awu hamateeku awu, mwomwayileje liyi Yehova, atuŋili chilombu chawu muRefwidimi. Kwadiŋi kwosi meji akunwa antuku.

²Antu amuzuŋi shili Mosi, nawu, Twinki meji kulonda tunwi. Mosi wayili nindi, Mukunzuŋi shiladi? Mukumwese keladi Yehova?

³Antu kwenoku atiyili mpwila yameji; antu amutobeleli Mosi, nawu, Watufumishililidi muEjipitu, walondeli kutujaha ninetu ni anyanetuni yimuna yetu nampwila?

⁴Mosi wabileleli kudi Yehova, nindi, Awa antunukuyila ŋahi? Keŋa ansoweli malola.

⁵Yehova wamwilili Mosi, nindi, Hitaku kumbidi yawantu, hitulaku niakulumpi awaIsarela, wusendi muchi kasacheyi nimbwechi yeyi yenoyu weteli nachu kaloŋa, wuyi.

⁶Tiyaku, ami nukwimana hohana helola daku Horebi kumesu eyi, eyi waketa ilola, mwakedika meji, kulonda antu akanwi. Dichi cheliliyi Mosi kumesu awakulumpi awaIsarela.

⁷Kwenoku watumbiluku ijina nindi, KuMasa, cheŋi nawa nindi, KuMeriba, nanochu chamuzuŋi shiluwu anyana kaIsarela, nanochu chamwesekeluwu Yehova, nawu, Yehova tudi nindi mukachi ketu, tahindi nehi?

⁸Henohu dihenjiluwu Amaleki, hiyakulwa nawaIsarela muRefwidimi.

⁹Mosi wamwilih Yoshuwa, nindi, Tutondenu amayala, wuyi wakalwi naAmaleki; kumadiki ami nakemana hewulu dampidi nambwechi yaNzambi muchikasa chami.

¹⁰Dichi Yoshuwa welili mwamulejeliyi Mosi, walwili naAmaleki; aMosi, naAroni, naHuri akandukili hewulu dampidi.

¹¹Chelili cholweliyi Mosi chikasa chindi kwiwulu, aIsarela emikili mushindu, chalepwiliyi chikasa chindi kwishina, Amaleki niwena emikili mushindu.

¹²Ilaŋa makasa aMosi alemeni; dichi anoneni ilola, amushililidu kwishina, washakaminuhu; Aroni naHuri amukwatilili makasindi kwiwulu, iwumbadiyi, iwu mbadiyi; makasindi akola nikukola nakushika nihaholokeli itaŋwa.

¹³Yoshuwa wazeyesheh Amaleki niantu indi nawumwe muwampoku yakabali.

¹⁴Yehova wamwihli Mosi, nindi, Chumichi chisoneki mumukanda kulonda kwanuka nachu, wumuhitulwilumu Yoshuwa achitiyi; muloŋa ami namba kayijilumuna ji-i chikupu Amaleki mwishina dewulu, hiyambakayanuka nawa cheŋuku.

¹⁵Mosi waturiili kameŋa, wakatumbili ijinadaku, nindi, Yehova Nissi,

¹⁶muloŋa welili nindi, Yehova nasanyiki dehi, nindi Yehova waka asa njita naAmaleki kunyaka yejima mwamba kavwalikilaŋa wuantu.