Read MUKANDA WANZAMBI Exoda 18 Bible Online

Exoda 18 - MUKANDA WANZAMBI bible

Exoda 18

¹Dichi dinu kapristu kakuMidiyani Yetero, diyi muku waMosi, watiyiliyejima yeliliyi Nzambi, yamwilililiyi Mosi, yayilililiyi ni antu indi aIsarela, chayifumishiliyi Yehova aIsarela muEjipitu.

²Dichi Yetero, muku waMosi, wasendeli iŋodaMosi Zipora, atweliyi kumukala wawu,

³ni anyanindi amayala ayedi; wumu wukweti ijina dindi Gereshomi, dayamukwila nindi, Nashakami ni mwenyi mwituŋa dambala;

⁴mukwawuwukweti ijina dindi Eliyezeri, daya mukwila nindi, Nzambi yatata yami diyiwa nkwashili, diyi wampulwishili kumpoku yakabali yaFwaro;

⁵Yetero, muku waMosi, wamutweleli Mosi ni anyanindi niŋodindi mwisaŋa mwatuŋililiyi chilombu chindi kumpidi yaNzambi.

⁶Wamwilili Mosi, nindi, Amimuku weyi Yetero nenzi dehi kudeyi, niŋodeyi, ni anyanindi muyayediwawu hamu.

⁷Mosi wayili nakumukinkilila muku windi, wamufukaminini, wamupwepujoleli; adihujoleli mwashaka minuwu; eŋila nikwijila mwitenti.

⁸Mosi wamulejeli muku windi yuma yejima yeliliyi Yehova, yamwililiyi Fwaro niyayililiyi aEjipitu hanyijimba yawaIsarela, wamulejeli ni kukabakana kwejima kwamwe nuwu munjila, nichayi pulwishiliyi Yehova.

⁹Yetero watiyili kuwaha chatiyiliyi kuwaha kwejima kwayi koŋeleliyi Yehova aIsarela, nichayi pulwishiliyi kudi aEjipitu.

¹⁰Yetero welili nindi, Kisu kisu Yehova wayipulwishili enu nikudi aEjipitu nikudi Fwaro; wayipulwishili niantu afumi kudi aEjipitu.

¹¹Ichi dinu neluki dehi kwami, nami Yehova diyiwabadika akishi ejima; mwalala hela kuchuma chadinkeluwu nachu wantanawena, yena wayibadikili.

¹²Yetero muku waMosi, wamukwatilili Nzambi nihimulambu wakushita niyimuna yakumuketwila; niAroni wenjili, niakulumpi awaIsarela ejima, nakudya yakudya namuku waMosi kumesu aNzambi.

¹³Chelili hakuchaha Mosi washakamini nakusompesha antu; antu chochema nawu kwadiŋiyi Mosi kufumisha kubudidi ndo nikumelela.

¹⁴Chamwe niyi muku waMosi yuma yejima yadiŋi nakuyililayi antu, hakuhosha nindi, Awa antu wudi nakuyila ŋahi? Indi eyi washaka minadi kanka weyi hohu, awa antu saŋa emajalilawu kudeyi kufumisha kubudidindo nikumelela?

¹⁵Mosi wamwilili muku windi nindi, Muloŋa antu hiyakwi nzenzakudami ehuli mwakuyilejayi Nzambi;

¹⁶neyi akweti nsaŋu yawuhiyakwinza kudami; ami hinukusompa muloŋa wamuntu namukwawu, hinukuyilukisha mwaya yidika yaNzambi, ninshimbi jindi.

¹⁷Muku waMosi wamwilili nindi, Ichichuma chiwela hichachi wahuku.

¹⁸Chalala mwamba kazeyela hamu nineyi niantu awa wekala nawu; chumichi china pandakani muŊovu jeyi; mudimu iwu hiwunatweshi kuwukoŋa kankaweyuku.

¹⁹Tiyaku munukuhosha, nikuleji maana, Nzambi wikali nindi; eyi wikali wambala wawantu wakuyiho shelaŋa kudi Nzambi, wushi kŋi ŋansaŋu jawu kudi Nzambi;

²⁰wuyilejaŋa nimuyidika yindi nimunshi mbijindi, nakuyilukisha nimunjila mwakwe ndelawu, nimudimu wakukoŋawu.

²¹Eyi wambuli mukachi kawantu amayala ashinshika amwakama Nzambi, amayala alala akadi makasu, ahelaŋa kudya yawukombi; wuyikunjiki kwikala anyuli, awa ayuli makombakaji awantu, awa ayuli makulakaji awantu, awa ayuli makumi atanu awantu, awa ayuli makumi awantu;

²²wena akasompeshi antu mafuku ejima; nsaŋu jejima jamaneni akajileti kudeyi, ilaŋa nsaŋu jejima janyanya akajisompi awenawu; chochina hichaka kukalila chalalaku, niwena akakukwashaku kusenda chiteli.

²³Neyi wakelaŋa chumichi, niNzambi wakakuleja kwila mwenomu, eyi wakabula kukaŋanya, niantu awa ejima akaya chachiwahi kwawu kwakuyawu.

²⁴Dichi Mosi watiyili mwizu damuku windi, welili mwejima mwahosheliyi.

²⁵Mudi aIsarela ejima Mosi watondelumu amayala ashinshika, wayikunjikili ekali awakulumpi jawantu, awa ayuli makombakaji awantu, awa ayuli makulakaji awantu, awa ayuli makumi atanu awantu, awa ayuli makumi awantu.

²⁶Asompeshelaŋa antu mafuku ejima; nsaŋu jakala akishi kŋilikudi Mosi, nsaŋu janyanya jejima ajisompeli awenawu.

²⁷Mosi wetŋili muku windi kuya; niyena wadiyilili cheŋi mwituŋa dindi mwafumi niyi.