Read MUKANDA WANZAMBI Exoda 19 Bible Online

Exoda 19 - MUKANDA WANZAMBI bible

Exoda 19

¹Hakakweji kamuchisatu nahafuminuwu anyana kaIsarela mwituŋa daEjipitu, dodifuku dodimu ashikili mwisaŋa daSinayi.

²Chafumi nuwuku Refwidimi, chashikiluwu kwisapa daSinayi, atuŋili chilombuchawu mwisaŋa; kwenoku aIsarela ashakamini nakutala mesu kumpidi.

³Mosi wakandukili kudi Nzambi, Yehova hadiŋiyi hana hampidi wamutambi kili, wamwilili nindi, Tiya muwakahosha namutaŋa waYakoba, muwakayileja anyana kaIsarela,

⁴neyi, Enu munamoni chinayikoŋeli aEjipitu, chinayelekeli kwami hampuula jambuulu, chinayishi kŋili kudami aweni.

⁵Dichi dinu neyi chalala mukwovwahilaŋa izu dami, neyi mukuhe mbaŋa chitiyaŋenu chami, mukwi kala chuma chalema, chamami awenicha kwambula munyuza yejima yawantu; muloŋa iseki dejima damami;

⁶mukwi kala wanta wami wawatupristu, nimuza wajila. Diwu mazuiwukuhosha kudi anyana kaIsarela.

⁷Mosi wayili watambikili awakulumpi jawantu, wayishimwinini mazu awa ejima amulejeli Yehova.

⁸Antu ejima aakwilili hamu, nawu, Mwejima mwanahoshiyi Yehova tukwilamu. Mosi wafuntishili mazu awantu kudi Yehova.

⁹Yehova wamwilili Mosi nindi, Tiya, ami nakenza kudeyimwivu dashishita, kulonda awa antu akatiyi chinakahosha naneyi, akakwitiyaŋa haya nyaka. Mosi walejeli Yehova mazu ahosheluwu antu.

¹⁰Yehova wamwilili Mosi, nindi, Yaku kudi antu, wuyijiliki nilelunikumadi ki, akosi nimahinawu,

¹¹akadiloŋeshaŋahu dehi kulonda kutalila ifuku damu chisatu; muloŋa hefuku damu chisatu Yehova wakasulukila kumpidi yaSinayi kumesu awantu ejima.

¹²Kanyeŋu mwishiluku antuchipaŋu kwi-ndo, wakayili neyi, Babalenu, bayi mukanduka hampiduku, hela kukwata kuŋinza jayu bayi mukwata kwokuku, yowu wakakwata hampidi akamujahi hohu chalala;

¹³bayi akamukwita namakasaku, chiŋa akamusowela malola, hela kumwasa muvu, hela kanyama hela muntu, bayi akahandaku; chiyakavuma mpùŋa vume-e, tu-u-u, haleha, akakanduka nakwinza kumpidi.

¹⁴Mosi wakunku mukili hampidi nakuya kudi antu, wayijilikili antu; akoseli mahinawu.

¹⁵Wayilili antu nindi, Diloŋeshaŋahu dehi kulondakutalila ifuku damu chisatu; bayi mukundama kwakwihi namumbandaku.

¹⁶Hefuku damu chisatu, chikwachili budidi, kwelili nikudidima nikukenasana, niivu dashishita hana hampidi, mpinja yavumini nankashi naŋovu; antu ejima adiŋi muchilombu kwakudiza alila hohu.

¹⁷Mosi wayiidishili antu muchilombu kulonda amubulakani Nzambi; emeni kwishina dampidi.

¹⁸Mpidi yaSinayi yafwindashanini kwawishi hohu, muloŋa Yehova wasulukililuku mukesi; wishi wayu wakakumukili neyi wishi wakuluteŋi, nimpidi yejima yakankili nankashi.

¹⁹Chiyavumini mpùŋa, hiyi kusweja ni kuswejakuvuma, Mosi hakuhosha, niNzambi hakumwakula nezu.

²⁰Yehova wasulukilili kumpidi yaSinayi, kunamutu wampidi kachi; Yehova wamutambi kiliMosi ayi hewulu dampidi; Mosi wakandaminuku.

²¹Yehova wamwilili Mosi, nindi, Kunkumukaku, wuyi kumiki antu, akenza kabuza chipaŋu, epili mwadiyi Yehova atali, amavulu akenza kajilumuka.

²²Niatupristu nawa, akwinza kwakwihi naYehova, chiŋa adijilika, Yehova wakenza kayilotokela.

²³Mosi wamwilili Yehova, nindi, Antu hiyanatweshi kukandama hampidi yaSinayuku, muloŋa eyi watulejaneyi, Nyepu mwishaku chipaŋu kumpidi, wuyijiliki.

²⁴Yehova wamwililinindi, Yaku, kunkumukaku; wakenza cheŋi kunu, nineyi niAroni hamuneyi; ilaŋa niatupristu niantu bayi abuza chipaŋu nakushika munu mwadiyi Yehovaku, wakenza kayilotokela.

²⁵Nochu Mosi wakunku mukili kwadi ŋuwu antu, wayilejeli.