Read MUKANDA WANZAMBI Exoda 21 Bible Online

Exoda 21 - MUKANDA WANZAMBI bible

Exoda 21

¹Tiya nshimbi jiwakayileja;

²neyi, Neyi wukulanda nduŋu wakaHeberu, akakalakali nyaka yitanu nawumu; hamwaka wamu chitanuna chiyedi chiŋa akadiyili kwindi chamukunkulu chakadi wuduŋu.

³Neyiwenjili kanka windi akadiyili kanka windi; neyi wadiŋi naŋodindi, niŋodindi akayi nindi.

⁴Neyi nkaka yindi wamwinkeli mumbanda, niyena namuvweleli anyana amayala nawambanda, nimumbanda ni anyanindi akekali ambala ankaka yindi, owu nduŋu weyala akadiyili kwindi kanka windi.

⁵Ilaŋa neyi owu nduŋu wakahosha chalumbuluka chikupu, nindi, Amina mukeŋa ninkaka yami, niŋodami ni anyanami; kufuma muwuduŋu kwonti kwami;

⁶nkaka yindi akamuleti kudi Nzambi, akamutwali kuchenzelu hela chipamba chakuchisu; nkaka yindi akalokoli kwitu dindina makumbu; wakamukalakeli nyaka yejima.

⁷Neyi muntu wakalandisha mwanindi wamumbanda muwuduŋu, bayi akadiyila neyi chadiyilaŋa anduŋu jawamayalaku.

⁸Neyi hanamu tiyishinkaka yindi wamufuukwili kumusumbula kuwahaku, komana akamwitiji kumukúula; kumulandisha cheŋi kudi antu akumuza wacheŋi kutweshanehi, muloŋa namudimbi dehi.

⁹Neyi wakamusumbwisha kudi mwanindi, akamwili mwomwayilila ŋawu anyana awambanda akudisemena.

¹⁰Neyiwa kasumbula Iŋodindi mukwawu, bayi akamukeheshela hela mbiji yindi, hela mahinindi akuvwala, hela nyidimu yawuluwuku.

¹¹Neyi kumwililayumiyi yisatu nehi, akadiyili tuhu kwindi chamukunkulwayi chakubula kufweta mali.

¹²Yenowu wakamweta mukwawu, hakufwa, niyena chiŋa akamujahi hohuchalala.

¹³Neyi muntu hamubataminini mukwawuku, ilaŋa Nzambi diyiwamuheni kudi yena, ami nakayileja kwakatemukilayi.

¹⁴Ilaŋa neyi muntuwakaya kudi mukwawu naŋovu, nakumujaha kwindi chakumudimba; wakamufumishi tuhu kukameŋa kami kulonda akafwi kwindi.

¹⁵Yenowu waketa hela tata yindi hela mama yindi chiŋa akamujahi hohuchalala.

¹⁶Yenowu wakamwiya muntu nakumulandisha, hela neyi akamuwa nawudi nindi, mwakamujahi hohu chalala.

¹⁷Yenowu wakatuka hela tata yindi hela mama yindi, chiŋa akamu jahihohu chalala.

¹⁸Neyi antu akazuŋa, wumu hakumunaka mukwawu nelola, hela i kofu, kufwa nehi, hakukama kwahakadidi hohu;

¹⁹neyi wakahinduka cheŋi, hakwenda hanzi namukombu windi, ona wamweteli wakabula muloŋa; wakakumina dakumufweta mukwawu mafuku indi anamuji mbaŋesheliyi, chiŋa nawa akamuukisha yokola chikupu.

²⁰Neyi muntu wakamweta hela nduŋu yindi weyala hela ndupu yindiwa mumbanda namutondu, niyena hakufwila kuchikasa chindi, chiŋa aka mubabeshi hohu chalala.

²¹Ilaŋa neyi wakashakama ifuku dimu hela ayedi, hiyaka mubabeshaku; muloŋa hichi kumba chindi.

²²Neyi antu akazuŋa akakatisha mumbanda wudi nevumu, hakusulumuna, chikumina mwenomu hohu akamufutishi owu wamukatisha mwejima mwaka mutopwela mwini mumbanda; akafuti mwakatiyaŋenawu ansompeshi.

²³Ilaŋa neyi hakalundama chuma chikwawu chatama akalalapani wejima wawu wumi nawumi,

²⁴disu nadisu, ŋi neji, chikasa nachikasa, mwendu namwendu,

²⁵kwocha nakwocha, chitu nachitu, munkakambuna munkakambu.

²⁶Neyi muntu wakamweta nduŋu yindi weyala hela ndupu yindi wamumbanda mudisu nakudi kisari ana, akamuleki akafumi muwuduŋu nadisudindi.

²⁷Neyi wakamuzokola nduŋu yindi weyala hela nduŋu yindiwa mumbandaŋi, akamuleki akafumi muwuduŋu neji dindi.

²⁸Neyi ŋombi wakalemeka hela iyala hela mumbanda, akafwa, ŋombi mwaka mujahi hohu chalala namalola, nimbiji yindi bayi akayidyaku; ilaŋa mukwaŋombi wakabula muloŋa.

²⁹Ilaŋa neyi ŋombi walemekelapa antu chachikulu, nimukwaŋombi amulejelumu dehi, ilaŋa yena kwindiha muŋatili mwitaŋaku, niŋombi hakujaha hela iyala hela mumbanda; niŋombi akamujahi namalola, nimukwa ŋombi akamujahi niyena.

³⁰Neyiaka mutoŋwela kufuta, akahani chakudikuula nachu wumi windi mwejima mwaka muloŋa welawu.

³¹Hela neyi nalemeki mwana weyala, helaneyi nalemeki mwana wamumbanda akamwili mwomwaya wuŋaji iwu.

³²Neyi ŋombi wakalemeka nduŋu weyala hela nduŋu wamumbanda, akamwinki nkaka yawu jishekeli makumi asatu jasiliva, niŋombi akamujahi namalola.

³³Neyi muntu wakajikula muwina, hela neyi wakapunda wina nákubulakuwujika, niŋombi indi kwiji chimbulu wakaholokelamu,

³⁴mukwa wina akafuti; akayinki awayimuna mali awu, nichimuna chinafwi chakekali chindi.

³⁵Neyi ŋombi yamuntu wumu akakatisha yamukwawu, hiwukufwa, ŋombi wamumi akamulandi, aka ambuli wuseya, niŋombi wafwa akadanjaŋeni.

³⁶Ilaŋa neyi achilukili nawu ŋombi walemekelaŋa chachikulu, nimukwaŋombi hamupatilili mwitaŋaku, komana chalala akafuti ŋombi na ŋombi mukwawu, ni kanyama wafwa wakeli windi.